Read Konyak Naga DETNGAO 9 Bible Online

DETNGAO 9 - Konyak Naga bible

DETNGAO 9

¹Konjonge yha nok we, hüyange tüopa jingne shongnyu nyit ling.

²Yhawe momolak jingne yinmok toi, wuwüngti te üpi ümei nyüt, hüyange khao me ang.

³Chingshao me kahmüoh shedaopu nyoijinglan me nyiklak jingne yhawe shaoshannyu, naoyhalan shonne teiteki:

⁴“Lanta-akpu kahtalan, peiyah!” Hüyange ükhupa kahta te yhawe i,

⁵“Peikei, ü-hahying hahtüoh hüyange taowe nyütyang phei wuwüngti yingtüoh.

⁶Minngohyah she teihpu tüohtüoh, hüyange üyin ngohyah. Manlamte woiyah.”

⁷Yoi hei ütahpa she teihpu kahtate nange tinge tamtüohma-a, nangte teehei tamphalak. Ümeng kahta jate nange menge teetüohma-a, nang hei maayah lak.

⁸Yoi hei ütahpa she teihpu kahta te aope-o tinge tahtam; tüopa jingne Iye nangte nuphalak. Hüpoi nange kentamongtingpu kahta jate tinge tamma-a, Iye nangte wangshüm hüo phalak.

⁹Nange kentamongtingpu kahta ja te hangheyin ilakei, tüowe I kensheting she tinglak. Khakshupu kahta jate nange hanghe yin ngaowe tam tüowe I shingemanpu ünyei paotam nang.

¹⁰Youngwanpate nyamlepuwa konjong yampu ükong wang; hüyange manlam shinge okpuwa Üjaopa ngohnang.

¹¹Ü-kaiye nangte nyih püotam lak hüyange nang üyin jinte wangpeng paowe tamlak.

¹²Nang me konjong ngohma-a, küw tüolakpa-a nang, hüyange nange tüopa yeyahma-a, shange ponglakpa-a nang.

¹³Sheko ünga-ükhu ja-a hango yeshingpuwe langman nang hüyange püohpom nang.

¹⁴Penyü-a yha nok tafün shongme shot nang yejema-a chingshao nyoipüm me shotnang;

¹⁵hüyange yoi yoi toishaote taipu kahtalante wenne kaowe nyiknang.

¹⁶“Lanta-akpu kahtalan ongkei!” Üngapate penyüwe inang,

¹⁷“Kuhpu yeng-a shewüng. Lowehahpu hahying shemei.”

¹⁸Hüpoi aoyin yhawe lowelampu kih-e yha noksate ongnang iman kihpulan liye mah-e yimching ngoi kümteki she yeshing.