Read Konyak Naga SOLOMON HEM 1 Bible Online

SOLOMON HEM 1 - Konyak Naga bible

SOLOMON HEM 1

¹Hem yo me ütahpa hem, Solomon-e lokpu.

²Nang jupenne üte omhüp tampha; Nange kenpuwa wuwüngti phei shemei.

³Nang jeng-a üpeameipu phei ngoh nang; nang min wüngjaipuwe tüopa teihtüo ne tam nang. Sheko aowe-o nangte kenpu ange yetüoh ok.

⁴Nang phei tao woiyah, hüyange tümni phette taihah; Ü-ahngpa ne mengpha hüyange nang tüpnyoite tao woiyah. Teman jam-e mongmeilak, moh-e yingtüoh, hüyange teman nying nyingke nyakken hah. Yashanlak hango yenang shekolan khongkümpuwe nangte ken nang!

⁵Jerusalem shekolan, taowa nyak nang hüpoi naoyha meinang, Kedar wanwüng jeng nyenoklan shinne nyak, hüpoi Solomon ahng gho mepu jhotnye shinne shemeiyaoma.

⁶Ü-hase jingne üte naowe tahlei, hangjingne wanghe-e tao nyakne tam. Ü-jeiheinaolan-e üte mongshih ngai hüyange wuwüngkah me üte toi lingne tam. Ü-nying nyingke üte paowetüklak jingne taowe hipak yetüo ok.

⁷Üte ipha taowe kenpa, Ümeken me nange nang nyeehalan-a heei uh ne tamlak? Hekola wanghe me iman ümeken me toloimeilak? Hangne taowe ülao nyeelan nyeeyompa yo me nang yamne ngailak?

⁸Sheko yo me yahhukeipu nyu, nange nyoijinga shingya? Taitüoh hüyange nyeekhong pheite woitüoh; nyeeyompalan nyenok shongme nangjing younlan jingne heeijong leitüoh.

⁹Nang, ü-mongkennyu, Pharaoh tongtoi koipong üponglante koi üpi lan-e lahnyik mongong pukih, kahtalan lahnyik tamtüoh.

¹⁰Nang nateang olenge, nang üng toinyulong yük üwai üngange shemei yaoma tamnang,

¹¹toman-e nangjingne hon üpat phei khüm juyük linge tamlak.

¹²Aope ahngpa-a yoi tüpsa nyoi me ngoh, ü-mepu üpeameipuwe wangyang maawe tam.

¹³Ü-mongken pupame hüke I ü-düam nipa me nyeng wante yingwangti üpe ümei ngohnang.

¹⁴Ümongkenpa-a En-gedi wuwüngkah me pengpu phao jupeng kih-e ngohnang.

¹⁵Nang hangshin naoyha meipu, ü-mongkennyu; leihuyah, nanga hangshin meinang; nang mük-a awshu kih-e phihlang!

¹⁶Nang hangshin naoshe meipu, taowe kenpupa; nange tao hangshin wangngai tamnang shi? Hü-üngpu hünga teman shinleng ne menglak;

¹⁷teman nok pelaolan ne cedar ngohlak, hüyange shinpüang ne yankhekpee ngohlak.