Read Konyak Naga SOLOMON HEM 2 Bible Online

SOLOMON HEM 2 - Konyak Naga bible

SOLOMON HEM 2

¹Taowa Sharon phao jupeng, phaotang üjee shengshap jupeng ja hei ngohnang.

²Huh yomepu shengshap jupeng ja leye, sheko yo me ümai ngoh nang.

³Pelickjong pee yo me shangfai pee kih-e, hüke ümongkenpa-a ülao netan yo me ngohnang. Tüopa peshüm phang me tao shot hu nang; hüyange tüopa ülick üte hahpute meinang.

⁴Iye tao yoi mongmei mo nyoite woi in, hüyange üjingne kenpu khüwkam lantam.

⁵Wuwünglick üwan phei tao wongnang ne tampha, hüyange shangfai phei tao toloimei ne tampha! Mongshangpuwe tao wong yenang.

⁶I yaknya ye ü-üngphang me, hüyange I yakjah ye-e üte paowe tüknang!

⁷Jerusalem shekolan, üte janpha; toman teikenpute numan-e yepok yenolak she meishi hüyange khrina phei jiengtüoh.

⁸Ümongkenpa ngaowüng leihuyah. I kahtüo tangte phette peinang; kahtang kaiye ü-tangte phette peinang.

⁹Ümongkenpa khrina kih-e, meishi üpongha kih-e ngohnang. Tüoken jan shongme I yongyange ngohnang; Iye tawo kaiye leinang, hüyange mamshe aoshihpelak kaiye leinang.

¹⁰Ü-mongkenpawe üte ngaoyangki. Hüma-a peikei, ü-mongkennyu; ümai, ü-phei woikei.

¹¹Leihuyah, eanyu linteki, waikeipu lakteki;

¹²phao kahmük yekao me jupenglan pengteki. Hatüowa hemloklak jingne hipak; teman kahmük me awshulan hem lokpu jaiteki.

¹³Phukpeelan lick-e wangteki; wuwünglick üpenge wangyang üpe meinetam nang. Hüma-a peikei, ü-mongkennyu; ümai, ü-phei woikei.

¹⁴Nanga longnyu ü-eampa me lopu awshu le nangki. Shemei yaomapu nang sheta te taowe leihshih ning; hüyange nahnaipu nang ngaowüng jai ning.

¹⁵Teman jing wuwüng pesha üpeng iman-e manmeng tampe, hiyanlan photüoh, hiyan ühalan photüoh.

¹⁶Ümongkenpa-a üjing, hüyange taowa I jing. Iye Ijing nyeelan shengshap jupeng yo me uhying nang;

¹⁷Shom wangyang manlei manlei hüyange wangnyak mantai mantai paotük nang. Ümong kenpa, khrina kih-e, wakkhüw kahtang mepu meishi üpongha kih-e leih yekei.