Read Konyak Naga SOLOMON HEM 3 Bible Online

SOLOMON HEM 3 - Konyak Naga bible

SOLOMON HEM 3

¹Ü-shinleng me shiyange, yajeih she taowe kenpupa mangme manghüm nang; taowe I yam, hüpoi I yetüo.

²Tao sha-a yayonglak hüyange chingnyu te pei-e chingyang me chingkeng lamnyu lampong me lingleilak; Ü-yahawe kenpu I taowe yamlak. Tüokhei taowe I yam, hüpoi I yetüo.

³Chingnyu yomme kempalan-e tao nge. Taowe imante tong “Numan-e ü-mongkenpa ngeya ei?”

⁴Taowe iman lintüohpu phei jamshe, aope taowe ü-yahawe kenpupa I tüo. Taowe Ite tük hüyange taowe ünyu nokte I yah manpei manpei; hüyange tao puhpu yha tüpte woi man in man in taowe I yelan.

⁵Jerusalem shekolan, üte jan pha; toman teikenpute numan-e yepok yenolak she meishi hüyange khrina phei jiengtüoh.

⁶Jakpu üpe ümei hei yingwangti üpe phei pheeileihpalan-e yüopu sünyet üpe ümei phei, vünkhuh nyeihpu kih-e wanwüng jeng mepu peipu hatüowa hanghe shi?

⁷Leihuyah, hatüowa Solomon peiküki; Israel mepu shemeipupa nyahponglan I yompane nyahpong dewok phei ütüp ja ne lingyangki.

⁸Iman khongkümpu yanglow jonpu me nahlangpu phei; iman-a shapju me nahlang yangphei nyahpong ülanglan. Iman moilan yanglow japong phei, wangnyak me shümme peilak yomnang.

⁹Ahngpa Solomon I yoi jingne shemeipupa Lebanon pee phei lingpu ahngpa shotjing me kinang.

¹⁰Tüopatepu pephatlan-a ghümme shityange; tüopa tangme hon phei sünge lingyangpuwe yüoh. Tüopa shotjing ükhai lan-a, Jerusalem shekolan-e shemeipupa me takyangpu inkhek ümange lümyange ngoh.

¹¹Zion shekolan, peiyah hüyange ahngpa Solomonte leitüoh. Inyuwe I naoyha poipu nyih I shangme, I hoongli mongongpu hüyange mongmei nyih shaoh-e tampu ahngpa shaoshaoh yahyange ngoh nang.