Read Konyak Naga SOLOMON HEM 5 Bible Online

SOLOMON HEM 5 - Konyak Naga bible

SOLOMON HEM 5

¹Tao ü-peshate ongteki, ü-yhamei, ü-nyemnyanyu. Taowe üjing üpe meipulan hüyange yingwangti moijemnang; taowe ü-zahtai jelo hüyange zahtai üjüp hahnang; taowe ü-wuwüngti hüyange düamyeng yingnang. Hahtüoh, shümpalan, hüyange kenpuwe jokke eange manngai manngai yingtüoh ü-mongkenpalan!

²Tao shi, hüpoi ümongjanga yeshipe ngoh. Ü-mongkenpawe taküpte konge tao mangmang. Tao ongküning, ü-yhamei, ü-mongkennyu, ü-awshu. Ü-shanga nyaiye teamteki, hüyange ü-shangmin-a wangnyak me yütpu phom ih phei wümteki.

³Taowe ü-o-pinyangki, taowe hangne nishe o tümlak? Taowe ü-ya poiyangki, taowe hangne nishe mak pahtamlak?

⁴Ü-mongkenpawe I yak taküpte jon, hüyange I-a ü-o me ngohnang she taowa mong sheamteiye ngoh.

⁵Ü-mongkenpate eptamlak jingne tao lao. Ü-yak me yingwangti maayange, ü-yaklan me yingwangti ü-phei phei, taowe taküp latlak te jonwante ngohyangki.

⁶Taowe ü-mongkenpa jingne taküp ep, hüpoi ü-mongkenpa tai mahteiye ngohyangki. Taowe hangshin I ngao jaihu shipu! Taowe I yam, hüpoi taowe I yetüo; Taowe Ite nyik, hüpoi Iye janpu hango yenang.

⁷Chingyompalan chingnyu neikonne kempalan-e tao hüo; iman-e üte yakle hüyange üko shatam, Chingnyu jantpenyu me yompalan-e ü-phaktang me inpu inkhek yahtai mah.

⁸Jerusalem shekolan, hüke numan-e ü-mongkenpa hüoma-a, loishe shangnyakke teihpu jingne tao wong yenangpe taiteki she Ite numan-e itamlak she üte janpha.

⁹Sheko yo me naoyha shemeipu nyu, nangmongkenpa-a ülaolan khongkümpu phei yoi yoi a? Toman-e nangte toman-e janpu phalak üne! I jingne teshinne yashanyalilak ne hanghe ngoh nangki?

¹⁰Ü-mongkenpa-a naoshe meinang hüyange wongnang nang; hajapen yo me I-a ja ne ngohnang.

¹¹I sheta-a taakke hüyange üyüo meiye; I jing shangmin-a wai wai she, khawang nyakpu shinne nyak.

¹²I mük-a yünne ngohpu shaoyin me shotpu awshu shinne shemei yaoma, düamyeng phei yeng yao hüyange yengnah me yong.

¹³I omtüo lan-a hoiyak laipha hüyange hoinge üngang ngohpu shemei yaomapu pesha kih-e ngohnang. Ijing jupenlan-a shengshap jupeng kih-e, yingwangti üyenge wümyange ngohnang.

¹⁴I yaksea khakwange wangngoi lingyange, hüyange Iye toinyulong phei lingyangpu shüptet yahyange ngohnang. I pümta-a nyelehpu meinyu fa kih-e, tüopa me wanghüng longe lingyange ngohnang.

¹⁵I jing ya-a ükook lili me honne huhyange phutti lepu toilam ja liengpu kih ngohnang. I-a okkeshangpu phei, daoleh-pu cedarlan pheipu Lebanon kahtanglan kih-e ngohnang.

¹⁶I ju me omhüplak jingne yeonge mei; I jing shemin lampheye üte nahnai nang. Ü-mongkenpa-a hatüo hüke ngohpupa, Jerusalem shekolan.