Read Konyak Naga SOLOMON HEM 6 Bible Online

SOLOMON HEM 6 - Konyak Naga bible

SOLOMON HEM 6

¹Sheko yo me naoyha shemeipu nyu, nang mongkenpa-a ümpukente taipu? Tomante ipha, ümpehepa lamte nang mongkenpa-a tai, tüome nakshih I tüolak jingne toman-e jampu oklak.

²Ümongkenpa-a I jing peshate taitepu, ümeken me üpeameipu peelan jongnang. Pesha me I-a yoijing nyeelan yomnang, hüyange shengshap jupenglan phuknang.

³Ü-mongkenpa-a üjing, hüyange taowa I jing; Iye yoijing nyeelan-a shengshap jupeng yo me uhyingnang.

⁴Taowe kenpunyu, nanga Jerusalem shinne naoyha mei, Tirzah chingnyu shinne shemei yaoma, tüolan chingnyulan lüohepu kih-e ngohnang.

⁵Ü-mepu nangmük shejai she lüptüoh; iman-e taowa phowe tükke angnang. Youn ükhong Gilead kahtang mepu tümme shinne tapu kih-e, nang shangmin poloknang.

⁶Nangjing fa lan-a sha-a meimei poiye shopu nyee ükhong kih-e henge ngohnang. Iman yo me ja nehoi mantai, iman khongküm khakshuwe phinne ngoh nang.

⁷Nangjing omtüowa nang shanglüm khek phangme chamuk kih-e teehenang.

⁸Ahngyhalan dewok ngoiye, phongphenyu detet ngoiye, ipu yekümpe naoyhalan ngohtüoh!

⁹Hüpoi taowe ja te hei lengnang, hüyange yha-a awshu meipu shinne meinang. Yha-a yoinyuwe puhpu sheko naha yha ja shing, yha-a Inyuwe shekenpu nyu. Shekolan khongkümpuwe yhate leinang, hüyange yhate minyong phanang; ahngyhalan hei phongphenyu lan-e yhate yihlupu hem loknang.

¹⁰“Müklei me wangngai phombung kih-e ngaiküpu, linnyu shinne nyimmeiye, wanghe shinne teeheye, khüwkam pheipu nyahpong shinne nyamlakpa ne hatüo ao?”

¹¹Tao almond pephao yo me kahjee me üphao ngohya shi leilak jingne, wuwüngwu me üyak üla ngohya shi leilak jingne, hüyange chamuk peelan me üpeng pengman shi leilak jingne laiyangki.

¹²Taowe teihshao me pongtongtoi woipawe shapju jingne ngangpu kih-e nange üte kenpute lahnyikne tamyangki.

¹³Mahanaim polokpute leipu kih-e, hangne numan-e Shulamlan te leilak?