Read Konyak Naga ISAIA 18 Bible Online

ISAIA 18 - Konyak Naga bible

ISAIA 18

¹Okei, Ethiopia yengyinlan kaiye taiye ngohpu, yangteange küpyange ngohpu kahmük:

²Tüopa kahmük mepu lampulan ngeihyanne lingpu lisheng me Nilete ta-nang! Phetpu ngaolan kipalan! Yengyinlan-e tienyange ngohpu numan kahmükte ngaolan yah yetüoh, numan wongnangpu, wongpheipu jat te, numan jin daopu hüyange üsho nyelehpu kahtalan tangte, aoyinte kahtoknyu nopuwe nyamnang, nokte leihyetüoh.

³Jaitüoh, kahtoknyu me nyoipu numan moilan-e! Kahtang üshang me yepinlakpa keiphong hongkülakte leitüoh! Nyawong wüngkülakte jaitüoh!

⁴Youngwanpawe üte i, “Tah yahwan üsheam me nyai phapu kih-e, wanghe üsheam langpu nyih nyailüm meipu kih-e, wangdang mepu Taowe leiye tailak.

⁵Wuwünglick khai shao me, aope üpenglan yeikümlakei hüyange jupenga wuwünglickne yümlakei, Iye üyoilan-a phümheap yangha phei langwinlak, hüyange jhot ngohpu üquilan-a Iye ünne winlak.

⁶Iman khongküm kahtanglan awhalan hahyingne, hüyange kahmük phao yinmoklan heeine tüohlak. Hüyange jüo hipak me awhalan tüolan hahyinge linlak, hüyange eanyu me kahmük yinmoklan tüopa hahyinge linlak.”

⁷Tüo hipak me Ütahpa Youngwanpate yengyinlan-e tienyange ngohpu kahmük, tüopa ünganwong hüyange wong pheipu jat, tüopa jindaopu hüyange üsho nyelehpu kahtalan, aoyinte kahtoknyu nopuwe nyamnang, tüolan mepu hünghao yahpeilak. Iman Zion Kahtang ümeken me Ütahpa Youngwanpate khümnang tüokente peilak.