Read Konyak Naga ISAIA 19 Bible Online

ISAIA 19 - Konyak Naga bible

ISAIA 19

¹Hatüowa Egypt jengme ju-itwanshem ngaolan. Leihuyah, phetpu wangphom tangme shotyange Youngwanpa Egypt te peinang. I sheshao me Egypt peshaolan ninnang, hüyange Egypt kahtalan mongjang juwe mahnang.

²Youngwanpawe inang, Taowe Egypt me ponghokpu ngaitamlak hüyange jeiheinaowe jeiheinao phei tüi-e hüyange yupipawe yupipa phei tüi-e yonglak. Teelapu chingnyulan tei hoklak, hüyange teelapu ahngpalan wong jingne teipetlak.

³Egyptlan-e tümpu Taowe jajang jawe linge tamlak hüyange iman monghümpu yaha Taowe mahtamlak. Iman-e imante jamlak jingne iman peshaolante tonglak, hüyange iman taiye phongyeng palante tonglak hüyange litepulan yahate hengpu yamme tonglak,

⁴Taowe Egyptlan-a mengshiye wanglam lampa, mengshipu ahngpa ja aohiye imante wanglam lamlakei, tüopa te phünne phalak. Tao, Ütahpa Youngwanpawe ngaoyangki.

⁵Nile mepu yeng-a jüppe talak, hüyange yengyin-a monglaowe eamahlak.

⁶Iman monglaowe ea-mahwante yengyin yengsholan-a namlak. Ngeihyan hei yengyin hünglan kuilak.

⁷Nile ü-o me hüng fanko, Nile-e neikon-e ngohpu khongküm kuimahlak, hüyange shaaji hango yenangpe lingtamlak.

⁸Aoyinne Nile me nyah omme hahyingpuwe üyin ngoh ok moilan-e wao ealak hüyange üngwünlak; iman jing yankeilei hei shaan-a jajang japu ne menglak.

⁹Aoyinne pengkhai vee pheak, iman mong-a yakme simlak, hüyange nyetakmolingpalan monghümpu lanmahlak.

¹⁰Inkhek takpalan hüyange wongnange toi lingpalan khaikümlak hüyange sünge tailak.

¹¹Zoan chingnyu woipalan woonang! Egypt me kentamongtingpalan-e Pharaohte üngapa juteih pha nang! Iman-e hangshin wongnange iman ahngpate, “Iman-a üshongwantepu okkeshangpa, hüyange ahnglan nanleipalan” she ipu?

¹²Nangjing kentamongtingpalan sha-a üme ngohnangki? Iman-e nangte hüone tamtüoh hüyange Ütahpa Youngwanpawe Egypt phei tüi-e hanghe monge shotei-e ngoh hatüo iman-e shingne tamtüoh.

¹³Zoan hei Memphis woipalan woonang. Iman-e jat-a woilak ne ngohshihpu, hüpoi iman-e Egypt-a püoh-e woi.

¹⁴Youngwanpawe imante nüngneilak juteih phalak linge tam. Tüokaiye Egypt-e yeshupu lili ling hüyange yu jokpa kih-e paalawe yoiye faiye tüohpu tangme leak nang.

¹⁵Üshang yejema-a ünyei lokyak yejema-a ngeihyan jeyah aowe-o Egypt jingne hango lingpu ye-oklak.

¹⁶Tüopa nyih hipak me, Egypt kahtalan shekolan nyampu kih-e oloh-e nyamlak! Aope iman-e Ütahpa Youngwanpawe imante shaoshi phalak jingne yak nopu ngelakei jamloi yonge nyampuwe iman ninlak.

¹⁷Hüyange Judah kahmük Egypt jingne nyamlakpa ja ne menglak; hüyange Ütahpa Youngwanpawe Egypt phei tüi-e hanghe linglak monge sho tüopa jingne kahta aohete tüopa jeng ilakeih nyam-e ngohlak.

¹⁸Tüopa hipak me, Egyptlan chingnyu nga me Kanan ngao me ngaolak. Tüome ngohpu kahtalan-e Ütahpa Youngwanpa min me iman-e jienglak. Chingnyu yo me ja te, “Wanghe chingnyu” she nyiklak.

¹⁹Tüopa nyih hipak me, Egypt kahmük hotan me Youngwanpa jingne wümjong ngohlak hüyange Egypt yikeng pongme Ite phünne phapu long shongnyu ngohlak.

²⁰Tüolan-a Egypt me Ütahpa Youngwanpa ompu leppu ne ngohlak. Aope kahtalan imante shangne tamlakei hüyange jamlak jingne Youngwanpate nyiklakei, Iye iman yinlak jingne ütam shonlak hüyange iman yintamlak.

²¹Youngwanpa yoi nying nyingke Egypt kahtalante ütahte ngailak, tüophei me iman-e yihnoonne yahlak hüyange Ite khümlak, hüyange Ite toiye dopu hüyange dopu yahpeilak. Iman-e Ite yihnoonne teijanpu yahlak hüyange iman-e hanghe jan linglak.

²²Youngwanpawe Egyptlante shaoshi phalak, tüoyangpoi Iye iman meiye tamlak. Iman I tangte lüppe yelak, hüyange iman-e yoppu Iye jailak hüyange iman meiye tamlak.

²³Tüopa hipak me, Egypt hüyange Assyria nipa me tongkeng lamnyu ngohlak. Tüopa kahmük ni mepu kahtalan iman pa me lüngleiye kemlak, hüyange tüopa jat ni jamme yoppe khümpu ngohlak.

²⁴Tüopa hipak me, Egypt hei Assyria ni phei lümshepupa Israel sheilak, hüyange tüolan jat lüm-a kahtoknyu nopu jingne moiman ne menglak.

²⁵Ütahpa Youngwanpawe imante moimanlak hüyange ilak, “Ü-kahta Egypt, taowe nangte moimanlak; Assyria nang, ao taowe linge ngaiyangki; hüyange Taowe lepu nang, Israel, moimanlak.”