Read Konyak Naga ISAIA 20 Bible Online

ISAIA 20 - Konyak Naga bible

ISAIA 20

¹Assyria ahngpa Sargon ngaokeng phang me, Assyria nyahpong woipa ütahpawe Ashdod phei tüi-e yong hüyange chinghah.

²Hüwante Youngwanpawe Amoz üha Isaiate, I jing yashom hüyange Iye inne ngohpu monnye khoklak jingne i. Iye ngao jai hüyange pümkeng me hüyange ükengme lüngleiye kem.

³Hüwante Youngwanpawe i, “Ü-shaoshanpa Isaia-a wangpeng lüm mongme pümkeng hüyange ya ükeng me kemme yonge ngohyangki. Hatüowa Egypt hei Ethiopia nite hanghe ngailak tüopa füo ngohnang.

⁴Tüokhei Assyria ahngpawe tüolan kahmük ni mepu Iye phopu kahtalan pümkeng me woiteilak. Lwngmei hüyange naha, pümkeng yakeng me, iman hekola te hüowe Egypt te wüo tüone tamme kemlak.

⁵Aoyinne Ethiopia te ütinglak-e ngoh hüyange Egypt jingne kheyonge ngoh; ümengpa ne yahlak, iman monghümpu khoih-e menge tamlak.

⁶Aope tüopa hipak peilakeih, kahtalan aoyin Philista yengnyem paowe nyoi iman-e ilak, ‘Leihuyah Assyria ahngpa mepu temante jongwanlak jingne teman-e mongnyengpu kahtalante hang ngaipu! Hangke iye teman yinpu oklak?’ ”