Read Konyak Naga ISAIA 46 Bible Online

ISAIA 46 - Konyak Naga bible

ISAIA 46

¹“Bel khuhtanang, Nebo ngümkhuh nang; iman jing peshaolan yinmoklante kinetamteki. Numan-e kiyange kempulan, tonyaiteiye ngohpu tampu yinmokte hangki yih ne meng.

²Iman ngümkhuhta, iman jamshe khuhta nang; iman-e hangkiyih ngeih ne ye-ok; hüpoi iman nying nyingke küpnokte tainang.

³“Jacob huhayimlan, üte jaiyah, ü-kahtalan aoyin towe tüoh khongküm, naonyoi me aoüpeiye. Nang puhpu hipak memuh Taowe nangte paowe tükyangki.

⁴Taowa nang Kahwang hüyange nang manwu manwu hüyange nang shang manshao manshao paowetüklak. Taowe nang ling hüyange nangjingne paowetüklak; Taowe nangte jampu phalak hüyange nang yintamlak.”

⁵“Ao phei nange Tao phinlak?” Youngwanpawe inang. Ü-kihpu ütamja ngohnang kü a?

⁶Kahtalan-e imanjing nginkhok ep hüyange hon shokke tam; iman-e khüm-a toklak me tok. Imante hon linglak jingne yantepa nan shak; tüophei me iman khuhta hüyange tüopate yoppe khüm!

⁷Iman-e tüopa-a iman phaktang me nowe ang hüyange tüopa kiyange tai; iman-e tüopa-a nyoijing ja me ang, hüyange tüopa-a tüoken me yongyange, I ümeken me ngoh tüoken mepu po ne ye-okpe! Ütam-e tüopate yop tüohma-a, tüowe janpu ye-ok, yejema-a mahlakpa mepu Iye yintampu ye-ok.

⁸“Numan ünulan, tüopa teih tüoyah; Taowe hanghe lingyangki teih nyüotüoh.

⁹Üshongwante hanghe ngaiyangki teih tüoyah; Tao ü-shaha Kahwang she shingne tamtüoh hüyange ü-kihpu ao-o yenang.

¹⁰Üwangne muh hanghe ngailak Taowe itpu phayangki; hipak nangjange taiteki hanghe ngailak Taowe ngaoyangki. Taowe iyangki taowe tümpulan aope-o yengaipe yengohlak, Taowe hangheyin linglak she teih Taowe lingyangki.

¹¹Heong ye mepu kahta ja peilak jingne Taowe nyiknang; awlanlanha kih-e I shokke talak hüyange Taowe hanghe tümyangki wangngoi tamlak. Taowe ngaoyangki, hüyange hatüo linglak.

¹²“Üte jaiyah, numan kahta üngeilan, aoyinne oklak pa-a üjai me ngohnang she teih.

¹³Taowe okpupa nyih owe yah peinang, hatüowa hango jaiye yenang. Taowe naowe tampupa-a shonne yengohlak. Taowe Zion yinlak hüyange tüoken me Israel te yihnoonpu yah peilak.”