Read Konyak Naga ISAIA 53 Bible Online

ISAIA 53 - Konyak Naga bible

ISAIA 53

¹“Sha-a toman-e hanghe ngaolan phapute aowe ütinglak pu? Aowe tüopa me Youngwanpa yak nge ei?

²Yoi shaoshanpa kahtok üwan me üya yune tampu üphao ja leye jongne tamlaka Youngwanpawe mongpu ne ngohyangki. I jeng teman-e shinge tamlak ne Ime shemei yaomapu yejema-a okkeshangpu hango yenang. I jeng me teman naiye yahlak hango yenang, hanghe-o I tangte teman woi peilakne yenang.

³Teman-e Ite yaoweleye tam hüyange I yeyah; Iye shangpu hüyange shaoshipu nün. Aowe-o Ite leipu yenang, teman-a hangne-o üjepukih teman-e I yaowe tam.”

⁴“Hüpoi teman jingne menglak shaoshipu, teman-e yahhah shepu shangpu Iye kiyangki. Tüolan khongkümpu aope ngaiyapeih I shangpuwa Kahwang mepu peipu shaoshi she teman-e teih.

⁵Hüpoi teman ünu jingne I maayah, teman-e ünu lingpu jingne Ite shet. I shaoshi yatenge shangpu jingne teman meitam, Ite yemeipe maapha yangpu jingne teman üko meimah.

⁶Teman khongkümpu mahpu nyeehakih, teman lili yoi yoi lamte taiye ngohyangki. Teman khongkümpuwe tüolak ne ngohpu shaoshi yateng, hüpoi Youngwanpawe tüopa shaoshi I me ki ne tamyangki.”

⁷“Ite yemeipe shangne tam, hüpoi innenyaipu phei nün ok; Iye ngaoja nehoi aope-o yengao. Toi eipe angpu nyeeha kih-e, ümin khüp eipe nünpu nyee kih, Iye aope-o ngaoja nehoi yengao,

⁸I pho hüyange ümeng pha hüyange lilak jingne yahtei, hüyange Ijing ngoikülak yatuhshao aowe-o yeteihtüo. I-a teman kahtalan ünu jingne li ne tam.

⁹I-a ümeng kahtalan phei mangjong ja me ange tam, I-a hakpa phei muwe tam; Iye aope-o toilangpu yelingyapoi yejema-a tahleih aope-o yengao yapoi:”

¹⁰Hüpoi Youngwanpawe i, “I shanglak-a Taowe mongpu ngohyangki; I lipuwa ünu wintamlak jingne toidopu ja ngohnang. Hüyange tüokaiye Iye yoi huhayimlan ngelak; I jinlao shangshaolak, hüyange I kaiye Taowe teihpuwa okpu ngelak.

¹¹Üyin hipak me shaoshi yangphei me, Iye üne-o mongmeipu tüolak; I jajang japu me shaoshi yangpu yeje she Iye shinglak. Phünne phapu ü-shaoshanpa, ao phei Taowe monghah nang; maapu jing shaoshipu nünlak hüyange I jingne Taowe imante ünu winlak.

¹²Tüokheima Taowe Ite yihnoonpu nyoijing phalak, kheyongpu hüyange wongnangpu kahtalan yome nyoi phalak. Iye mongmei sheiye yoi üyin pha, hüyange ümeng kahtalan yatuhshao tammehan. Iye maapu ünulan jing nyoijing yah, hüyange imante ümeng wintamtüoh she yopyangki.”