Read Konyak Naga ISAIA 57 Bible Online

ISAIA 57 - Konyak Naga bible

ISAIA 57

¹Khakshupalan mahnang, hüyange kahta aowe-o mongme ye-ang; Kahwangte nyampu kahta yah teinang, hüyange aowe-o ngoikülak ümengpa mepu. Khakshupalan yahteinang she yeteih tüo.

²I toloimei jing te ongnang; iman mangkoksa me toloimei nang, I üjao hüyange tingkhakpu lam te tainang.

³Hüpoi, nang jingne-a tüome peikei, numan hinyulan, phwngngamnyuhalan, hüyange nuweshakpalan.

⁴Aohe phei numan-e wonwangpu? Aophei tüi-e numan ju kayange yi-latyange hüopu? Numan ngaokeng mengpalan hayim hüyange tahleih hayim.

⁵Numan-e yihnoonpu phei longkham pee hüyange peshüm phang lili me kahwanglan phei lahnyik mongko. Numan-e yengyin nah me longsa yin me numan hayim toidopu pha.

⁶Tüolan mepu nyielehpu long numan-e yah hüyange kahwanglan leye tüolante yoppekhüm. Numan-e tüolan mepu ngaipu she wuwüngti shokke tam hüyange ülicklan dopu yahpei. Tüolan khongkümpu me Tao mongmei nang she numan-e leihnang kü a?

⁷Numan toidopu phalak jingne shedaopu kahtanglante ong hüyange shinleng ling.

⁸Numan-e numanjing tatenshong ümong yeme yeshupu peshaolan linge ang. Numan-e Tao winnetüoh; numan-e numan inkhek khokke ang hüyange numan shinleng üyonglapa me numan jumailan phei ong, aoyinte numan phei shilak jingne numan-e phünne pha. Hüyange tüoken me numan iymeiye mongpu monghah ne tam.

⁹Numan-e üpeameipu hüyange minnga numan me phoyange hüyange Molech kahwangte yoppe khümlak jingne tai. Yoppekhümlak kahwanglan yamme numan ü-o me hüyange üjai me, yimching nehoi ngoiye ngaolan kipalan shon.

¹⁰Ülao kahwanglan jingne yamwante numan numan nying nyingke towe nyai, hüpoi numan-e aope-o yelak. Numan-e numan jing yeshupu peshaolan-e numante wong phanang she teih, tüokhei numan aope-o wong yenangpe yengoh.

¹¹Youngwanpawe i, “Numan nyamme tampu tüolan kahwanglan aoyin, tüo kaiye numan-e üte tahleih inang hüyange lanshe Taowa pemei! Taowe hipak laowe jünge ngohyangpu jingne numan-e üte yihnoonpu lakpu a?

¹²Numan-e hanghe lingyangki tingnang she numan-e teih, hüpoi numan nyoingoh wanglam Taowe ükote ngaiye tamlak, hüyange numanjing peshaolan-e numante jampu yepha oklak.

¹³Aope numan-e jamlak yamme üngwünlakei, tüolan numan jing peshaolan-e numan yintam tüoh! Shohkünohpu wangyange tüolan-a puwe teilak! Hüpoi aoyinne üte ütinglak iman-e kahmük mothleilak hüyange Ü-Üjao khümjing me üte yoppe khümlak.”

¹⁴Youngwanpawe inang, “Ü-kahtalan ü-tangte leih yene tamtüoh. Iman lam mepu büange tienpu lili yahteitüoh! Lamnyu lingtüoh, hüyange tüopa tümme tamtüoh!”

¹⁵“Taowa shedaopupa hüyange üjao Kahwang, ao jin jinte ngohnang tüopa ngohnang. Taowa shedaopupa me hüyange üjao nyoi me ngohnang, hüpoi Taowa üne-o aoyin kahta innyaiye hüyange monglüpnang iman phei-o ngoh nang; tüokaiye Taowe iman lahnyikke hüyange monghümpu ange tamnang.

¹⁶Taowe ü-kahtalante üyin phanang, hüyange imante Taowe yelakpe ümeng phapu yengohlak; yejema-a jin jintepu jingne iman phei mongshih ngaipu yengohlak.

¹⁷Iman ünu hüyange hahnyakpu jingne Taowe iman phei mongshih ngai; tüokhei Taowe imante shaoshipha hüyange iman winnetüoh. Hüpoi iman-a üngei ne meng hüyange iman yoi tailam yelakpe ang.”

¹⁸“Iman-e hangke ling Taowe ngeyangki, hüpoi Taowe iman meiye tamlak. Taowe iman woilak hüyange imante jamlak, hüyange aoyin mangshap Taowe toloimei tamlak.

¹⁹Ü-o me hüyange üjai me ngohpu moinite, khongkümpute Taowe chingmei phanang! Taowe ü-kahtalan meiye tamlak.

²⁰Hüpoi kahtalan ümenglan-a toloiyemei okpu yengching kih-e, hanghepawe yoi yengyunge leihkheihpuwe, tutam hei kahmak yah peipu yelak ok.

²¹Ünulan jingne chingmei yenang she, Ü-Kahwange inang.”