Read Konyak Naga ISAIA 62 Bible Online

ISAIA 62 - Konyak Naga bible

ISAIA 62

¹Zion jingne tao jünge yengohlak hüyange Jerusalem jingne tao toloimei-e yengohlak, I üjaopa nyih üla kih-e manngai manngai, hüyange I yinyepu loonge ngohpu vüntük kih-e manngai manngai, tao toloimei yengohlak.

²Jatlan-e nange okpu ngepu ngelak! Iman ahngpalan khongkümpuwe nang müktishiwapu ngelak. Nangte min üla jawe nyiklak, Youngwanpa Iye phapu min.

³Nanga Youngwanpa yak me shemei yaomapu ahngpa shaoshaoh ja, hüyange nang Kahwang yak me ahngpa yepinlakpa ja ne ngohlak.

⁴Shaaji nangte “Winne tüohyangpu” she yenyiklak; Yejema-a nangjing kahmükte “Ükengne menge tampu Shekonyu” she yenyiklak. Nangtepu min üla-a “Kahwange Yhate Monghahteki.” Nangjing kahmükte “Mongmei sheiye Nokyamtepu” she nyiklak. Hangjingne ima-a Youngwanpawe nang phei monghah nang. Hüyange nangjing kahmük jingne netanpa ja leye ngohlak.

⁵Naosheha jawe yhashaoha naoyha ja yoi nyemnya ne yahpu kih-e, Aowe nang linge ngai Iye nang yahlak. Nyemthe jawe yoi nyemnya nyu phei monghahpu kih-e, Tüokih-e nang Kahwange nang phei monghahlak;

⁶O Jerusalem, nangjing jantpenyu me, Taowe weyompalan angtam nang; wangnyak me jeyah wang ngai me jeyah iman aope-o jünge yengohlak. Iman-e Youngwanpate Iye janyangpu teihtüone tamlak hüyange Ite iman aope-o pe ne yetamlak.

⁷Iye Jerusalem ling yene mantam mantam iman-e Ite toloimeine yetamlak. Hüyange kahtoknyu nopuwe yihlupu chingnyu ja ne linge tamlak.

⁸Youngwanpawe lahnyikmongkopu janpu ja ling, Hüyange yoi ünganwong kaiye Iye tüopa-a lingkülak. “Nang mepu tah-a shaaji nangpheipu wepalan jingne yemenglak; Hüyange ülao jatlan-e shaaji nangjing wuwüngti yeyinglak.

⁹Hüpoi nange hanghepa deiyangki hüyange tahlick yahyangki, Tüopa hahying hahlak hüyange Youngwanpate yihlupu phalak. Nange hanghepa paowetük yangki hüyange wuwünglick yoyangki, ü-Kahwang ghonyoi me wuwüngti yinglak.”

¹⁰Chingnyu mepu ngaitüoh, Hüyange numan kahtalan leih yelak jingne lamnyu shaotüoh! Tongkeng lamnyu tümtüoh, tüolan mepu long lüoh wintüoh! Füojai ja hüotam tüoh, hümme nakshih jatlan-e shinglak.

¹¹Hüke kahtoknyu üsheite Youngwanpawe jaine tamnang: “Jerusalem kahtalante itüoh, hüke numan yinlak jingne Youngwanpa peinang, Iye yinne tampu kahtalan Iphei yahyange peinang.”

¹²Numante “Kahwangpa Üjao kahtalan,” “Youngwanpawe Yinne Tamyangpu Kahtalan,” she nyiklak. Jerusalemte “Kahwangpawe Kenpu chingnyu,” “Kahwangpawe Winne Yetüohpu Chingnyu,” she nyiklak.