Read Konyak Naga LEVITOISHAO 1 Bible Online

LEVITOISHAO 1 - Konyak Naga bible

LEVITOISHAO 1

¹Youngwanpawe Mosate khümjing nyenok me ngoh yange nyik hüyange hüke ngaokenglan Ite pha,

²“Aope iman-e toidopu dolakei Israel lante tüolan wanglam jontüoh she itüoh. Aope kahta jawe yinmok toidopu phayalakei, tüopa-a I jing mahu ükhong yejema-a youn yejema-a nyee mepu ne menglak wongpong.

³“Iye yoijing mahu ükhong mepu jakke dopu ja ne doma-a, lye mahu üponga üko üshang yenangpu yah peilak yang. lye tüopa-a khümjing nyenok nokshao me peitam lakyang hümme nakshih Youngwanpawe I-a yahlak.

⁴Tüopa üshang me kahtapawe I yak-e shünglak yang hümme nakshih I jing ünu yahteilak jingne lye dopu yah oklak.

⁵Tüophei me lye mahu üponga Youngwanpa sheshao me tüoken me toilak; hüyange Aaron hayim ngengpa lanne, iy-a shaitamlak, hüyange khümjing nyenok tafün shong me ngohpu wümjong neikonne iy shai tamlak yang.

⁶Tüophei me lye yinmok üshowa khoklak hüyange khoih nyaiye tehlak yang;

⁷Aaron ngengpa hayimlan-e wümjong tang me vün jaklak yang hüyange vün tangme üyin shinne han phonglak yang.

⁸Hüyange Aaron hayim, ngengpa lanne wümjong tangme ngohpu vün me meikhoih, üshang, hüyange üyaolan-a üyin shinne phonge anglak yang.

⁹Tüopa kahtawe tüopa mepu üyei ütang hei yashok yakshok lan-a yenge poilak wongpong; hüyange khongkümpuwa jakke dolak jingne ngengpawe wümjong me jaklak yang; tüopa-a Youngwanpa sheshao me üpe ümei phei vün phei dopu ngoh nang.

¹⁰“Iye jakke dopu hünghaowa yinmok ükhong mepu ne mengma-a nyee jeyah, youn jeyah, üko yenangpu üpong ja phei lye dolak yang.

¹¹Iye hatüowa wümjong apyekao me Youngwanpa sheshao me toilak yang; hüyange Aaron hayim ngengpa lan-e, tüopa iy wümjong neikonne shaitamlak.

¹²Hüyange lye hatüo teh khoihyang phei me tüolan khongkümpuwa üshang hei üyaolanno omme ngengpawe vünme anglak.

¹³Hüpoi Iye üyei ütanglan hei yashok yakshoklan poilak yang, tüophei me ngengpawe Youngwanpate dopu phawe tüolan khongkümpuwa wümjong me jaklak. Tüopa hahying dopu üpeye Youngwanpate mongmei tamnang.

¹⁴“Kahtapawe jakke dopu ne awha phapu ne mengma-a, tüopa-a awshu ja yejema-a awyei ja ne menglak.

¹⁵Tüopa-a ngengpawe wümjong te yahpeilak, hüyange üngme yüpyange toilak, tüopa üshanga wümjong me jaklak. Hüyange tüopa iy-a wümjong ünah ye me yünne tamtüoh.

¹⁶Hüyange lye ümin phei ühaklan-a yahyange taiye wümjong tangme heongye tüpla shokpu nyoi me winlak.

¹⁷lye tüopa üyang me jonyange, üyang bheiye yeyahpe, üpüm-a hitte tamlak, tüophei me khongkümpu nowe wümjong me jaklak. Hahying jakke dopu üpeye Youngwanpa mongmei ne tamnang.