Read Konyak Naga LEVITOISHAO 12 Bible Online

LEVITOISHAO 12 - Konyak Naga bible

LEVITOISHAO 12

¹Youngwanpawe Mosate ngaowe i,

²Israel kahtalan te hüke itüoh: Sheko ja püm yekengpe ngaiye netan naha moipaima-a, hüwante shekonyuwa nyih nyit yejaope ngohlak; yha ünu taipu hipak kih-e yha yejaope ngohlak.

³Hüyange tet shepupa nyih me naha-a shokhüppu ngohlak.

⁴Tüophei me nyih delüm phei me lüm ngoiye shekonyuwa jaoweshawe ngohlak yang; yha jaowetampu nyih manngoi manngoi, yhawe üjao toishao hanghete-o yeletlak yang, yejema-a khümjing nyenokte yepeilak yang.

⁵Hüpoi yhawe sheko moipaima-a, hüma-a yha lekeng lep iye püm yejaope ngohpu kih-e nyih penme peli mongme yejaope ngohlak, hüyange yha jaowe tampu hipak manngoi manngoi nyih dewok me wok ngoiye jaowe nyoilak yang.

⁶“Hüyange aope, netan naha jingne jeyah sheko naha, jingne jeyah, yha jaowetampu hipak ngoilakei, khümjing nyenok tafün shongme, ngengpa tangte yhawe jakke dolak jingne wangja nyeeha ja, awyei üha ja, yejema-a awshu ja ünu dopu jingne yhawe yah-e peilak yang.

⁷Hüyange ngengpawe hatüo Youngwanpa sheshao me phalak, hüyange yha jingne ünu yahteilak jingne linglak; hüyange yha iy taipu mepu jaowe tamlak. Hatüowa yha jingne netan yejema-a sheko puhpu jingne ngaokhüm ngohnang.

⁸“Hüyange yhawe nyee üha ja phane ye-ok ma-a, yhawe awyei ni, yejema-a awshu ni yahlak yang; ja-a jakke dolak jingne, hüyange ja-a ünu dopu jingne; hüyange ngengpawe yha jingne ünu tantampu linglak, hüyange yha jaowe tamlak.”