Read Konyak Naga LEVITOISHAO 14 Bible Online

LEVITOISHAO 14 - Konyak Naga bible

LEVITOISHAO 14

²Kahta ja sho-ma te namnoyange mei phei me khüm wümpu wanglamme jaowe shalak ngaokeng hüke pha. I jaoteki she shingne tamlak nyih me, I-a ngengpa tangte yahpeilak,

³hüyange ngengpawe lakjing ü-at yeme yahteilak hüyange Ite tok-e leilak. Dak-a meipu ne mengma-a;

⁴ngengpawe Ite wangngoiye jaoshapu awha ni phei cedar pee üsho ja, wu ütak ja, hüyange hyssop üquiha ja jamme yahpeilak jingne ngaokeng phalak.

⁵Tüophei me jaoshepu yeng kümptük ja me ngohpu tangme awha ja-a toilak jingne ngengpawe ngao phalak.

⁶Iye japa waha yahlak hüyange cedar pesho, wu ütak, hüyange hyssop pequiha phei jamme üwangpa awha toiyange angpu iy tangme angtamlak.

⁷Iye sho-ma-a ngohpu kahta te tüopa iy-e nyit me shaitamlak, hüyange tüophei me I jaoteki she shingne tamlak. Iye awha-a üyin me üko te puwe tei ne tamlak yang.

⁸Hüyange aowe jaowe tamlak ne ngoh nang, I nyemo shaolak; hüyange I shang khongkümpu linwinlak, hüyange I nying nyingke yeng yüolak; I tüophei me nakshih wanglam kih-e jaolak. Tüophei me nakshih I lakjing te yelak, hüpoi I nyenok ü-at me nyih nyit ngohlak.

⁹Hüyange nyit shepu nyih me I shang mepu shangmin khongkümpu hüyange I jumin hüyange I mükmin hüyange I püm me ngohpu ülao üminlan khongkümpu linlak yang; Iye I jing nyemo shaolak hüyange yeng yaolak hüyange tüophei me nakshih I wanglam me jaolak.

¹⁰Tet shepupa nyih me, lye üko üshang yenangpu nyeepongha ni, hüyange nyeeha üpi ja moilan wangja ngoitephei yahlak yang; hüyange hahying dopu jingne anhüng ükhoih minnga phei nyütyange kilogram lüm, hüyange olive minnga litre ja üphong lüm ne tampu meitam ja yahpeilak yang.

¹¹Hüyange jaowe tampu toi linglakpa ngengpawe, jaone peipu kahta, hei jaowe tampu me jonlak toilan üshei Youngwanpa sheshao te, khümjing nyenok tafün shongme yahpeilak yang.

¹²Tüophei me ngengpawe nyeepong yo mepu ja yahlak hüyange minnga litre ja üphong lüm mepu meitam ja phei lye tüopa-a püohpu jingne dopu ja ne dolak. lye tüolan-a ngengpa jingne Youngwanpate hünghao ünyei shemeipupa ne yahpeilak yang.

¹³Hüyange nyee üpongha-a ümeken me ünu dopu hüyange jakke dopu toinang tüoken üjao nyoi me lye toilak yang; lye tüopa-a linglak yang hangjingne ünu dopu kih-e püohpu dopu-o ngengpa jing hüyange hatüo-a yeonge jaoweshapu.

¹⁴Hüyange ngengpawe shümme yepu dopu iy üjingha yahlak, hüyange hatüo ao jaowe tamlak ne ngohnang, I yakjah ye napenth me, hüyange yakjah ye yakpenyu me, hüyange I yajahye yapenyu me ngengpawe phowe tamlak yang.

¹⁵Hüyange ngengpawe olive minnga üjingha yahyange hatüo I yoi yak nyaye yakpha me shokke tamlak,

¹⁶hüyange I yaknya ye me ngohpu minngate ngengpawe yoi yakjahye yaklan hünglak, hüyange yoi yaklan-e minnga-a Youngwanpa sheshao me nyit me shailak yang.

¹⁷Hüyange I yak me towe ngohpu minnga hüyange toiyangpu nyeeha iy ütam yahlak yang, hüyange ao jaowetam ne ngoh, I yakjah ye napenth me hüyange I yakjah ye yakpenyu me hüyange I yajah ye yapenyu me phowe tamlak.

¹⁸Hüyange ngengpa yak me towe ngohpu minnga ao jaowe tamlak ne ngoh, I shangtang me lye shokke tamlak yang. Tüokih-e ngengpawe I min me Youngwanpa sheshao me tantampu linglak yang.

¹⁹Tüophei me ngengpawe ünu dopu phalak yang, hüyange ao jaowe tamlakne ngoh, I tantampu linglak yang. Tüophei me jakke dopu jingne lye yinmok toilak yang;

²⁰hüyange ngengpawe wümjong tangme jakke dopu hüyange hahying dopu jamme phalak yang. Hükih-e ngengpawe tantampu wanglam me jaowe tampu linglak, hüyange kahta-a wanglam kih-e jaowe tamlak.

²¹“Hüpoi I toiha ne mengma-a hüyange teshin-e ye-ok ma-a, I jaowe tamlak toishao jingne lye püohpu dopu ja ne ngengpa jingne Youngwanpate hünghao ünyei shemeipupa ja ne nyee üpong ja yah pei lak yang. Iye ülick dopu jingne olive minnga phei nyütyange ankhoih kilogram ja shingha hüyange olive minnga litre ja mepu üphong lüm meitam ja yah peilak.

²²lye awshu ni yejema-a awyei ni ja-a ünu dopu jingne hüyange ja-a jakke dopu jingne yahpeilak.

²³Hüyange tet shepupa nyih me, Youngwanpa sheshao me khümjing nyenok tafün shongme I jaowe tamlak jingne tüolan-a ngengpa tangte lye yahpeilak yang.

²⁴Hüyange ngengpawe püohpu dopu jingne nyee üha-a hüyange olive minnga-a yahlak yang, hüyange ngengpawe tüolan-a Youngwanpate hünghao ünyei shemeipu ja ne phalak yang.

²⁵Hüyange lye püohpu dolak jingne nyeeha-a toilak hüyange ngengpawe tüopa iy yahlak, hüyange jaowe tamlak jingne ngohpu kahta yakjah ye napenth me, hüyange I yak jahye yakpenyu me, hüyange I yajah ye yapenyu me hatüo pholak.

²⁶Hüyange ngengpawe yoi yaknya ye yakpha mongme minnga ütam yahlak;

²⁷hüyange ngengpawe yoi yakjahye yaklan-e yaknya ye me ngohpu minnga-a nyit me ngoiye Youngwanpa sheshao me shaitamlak.

²⁸lye minnga ütam-a lye iy phowe tampu nyoi jinglan temuh hüke: kahtapa yakjah ye napenth me, I jing yakjah ye yak penyu me, hüyange I jing yajahye ya penyu me phowe tamlak.

²⁹Hüyange ngengpawe yak me towe ngohpu minnga-a ao jaowe tamlak ne ngoh, I shangtang me, lye shokke tamlak yang; hüyange I jingne Youngwanpa sheshao me tantampu linglak yang.

³⁰Hüyange lye awyei, yejema-a awshu üha yo me lye shak-e okpu phalak yang;

³¹ja-a ünu dopu jingne, hüyange ülaopa-a jakke dopu jingne, hahying dopu phei jamme; hüyange ao jaowetamlak ne ngoh, I jingne Youngwanpa sheshao me tantampu linglak yang.

³²Tüolan-a aome sho ma ngaiye ngoh, hüyange aowe I jaowe tamlak jingne wanglam kih-e dopu yepha ok, I jingne tüopa-a ngaokhüm ngoh nang.”

³³Youngwanpawe Mosa hei Aaron nite ngaowe i:

³⁴Aope numan Kanan kahtokte onglakeih, hanghepa Taowe numan mothlei ne pha, hüyange numan moth ne mengpu kahtok me Taowe noklante oong pahtamlakeih,

³⁵noktepu nokpupa taiye ngengpate, hüke ilak yang, “Tenok me oong kihpu ülam ja pah ngohpu taowe ngenangki.”

³⁶Ngengpawe oongte tokke leine I manpeipe noksa me ngohpu sheminlam phe sheihteilak jingne ngaokeng phalak; hüke yelingma-a nok me ngohpu sheminlam phe yejaopu ne ngaiye ilak. Tüophei me I nokte tokke leine onglak.

³⁷Iye oongte tokke leilak; hüwante hünghüng münge yejema-a taktak lokke tushange pahpuwe jant-a hahtailak ne ngohma-a,

³⁸lye nok-a tüohyange taten kaiye tailak hüyange nyih nyit mong jingne lat yange anglak.

³⁹Hüyange nishe ngengpa peiye nyih nyit shepupa me tokke leilak; hüyange nok jantlan me oong-a pah yanteiye ngohma-a,

⁴⁰hüwante ngengpawe longlan hanghepa me oong pahyange ngohnang, tüolan-a chingnyu ü-at yeme yejaopu nyoijing ja me wintüoh she imante ngaokeng phalak.

⁴¹Tüophei me nokmong ye jan khongkümpu lye khokke yahlak hüyange khongkümpu moiyah puwe chingnyu ü-at ye yejaopu nyoi me shokke wintamlak.

⁴²Tüophei me leakke winyangpu longlan jingne ülao long ülalan yah peiye jeileilak, hüyange noksaye jan jingne kahtok üla shitlak.

⁴³Hüyange lye longa jeilei yang phei me, hüyange nok-a üla ne shitte phowe jaoyang phei me hüyange nokte kahtok shit phei me, nishe oong peiye, nokme ngaima-a,

⁴⁴hüwante ngengpa peilak hüyange leilak. Hüyange tüopa-a jalunteiye ngohma-a, tüopa nok-a yejao.

⁴⁵Hüyange lye nok-a menglak tüopa mepu long, tüopa tepu pelao, hüyange nokte shitpu kahtok khongkümpu; hüyange lye tüolan-a chingnyu mepu-a ü-atye yejaopu nyoijing ja te yah-e teilak.

⁴⁶Tüophei me nok latte küpyang phei te ao tüopa noksate onglakeih, I yaningte ngoiye yejaope ngohlak;

⁴⁷hüyange aohipawe noksate onge lamlakei I nyemo shaolak yang; hüyange aowe noksa me hahying nang I nyemo shaolak yang.

⁴⁸Hüpoi aope ngengpa peiye leiwante hüyange kahtok shit phei me oong-a noksate pah-e yetaipe ngohma-a, hüwante ngengpawe noksa jaowe ngohnang she shingne tamlak, hangjingne oong-a jaowe mahteki.

⁴⁹Hüyange nok jaolak nanjinge lye awha ni cedar pesho ütam, wu ütak, hüyange phem khah pequiha yahlak yang.

⁵⁰Hüyange awha yome ja lye küm yengtük ja me jaoshepu yeng ngohpu tangme toilak yang.

⁵¹Hüyange lye cedar pesho, phem khah hüyange wu ütak hüyange üyin me ngohpupa awha yah peiye toipupa awha iy me, hüyange yeng jaoshepu me hünglak, hüyange tüopawe nokte nyit me shailak yang.

⁵²Hüke lye noksa awha iy phei hüyange jaoshepu yeng phei, hüyange üyin ngohpu awha phei, hüyange cedar pesho phei, phem khah phei, hüyange wu ütak phei, jaowe tamlak yang.

⁵³Hüyange lye üyin ngohpu awha-a chingnyu mepu taiye phao me üko me puwe teine tamlak yang. Hüke nok jingne tantampu wanglam lye jaowe tamlakyang, hüyange hatüo jaowe ngohlak.

⁵⁴Tüopa-a sho-ma ülam khongkümpu jingne, hüyange mutük jingne ngaokhüm ngohnang;

⁵⁵nyemo me oong ngohpu jingne, hüyange nok me ngohpu jingne,

⁵⁶hüyange peakpu yejema-a shaoh ngaipu yejema-a tushangpu jingne,

⁵⁷aope yejaope ngoh hüyange aope jaowe ngoh hatüo hüolak jingne tüopa-a oong jeng me ngaokhüm ngohnang.