Read Konyak Naga JEREMIA 45 Bible Online

JEREMIA 45 - Konyak Naga bible

JEREMIA 45

¹Josiah üha Jehoiakim Judah ahngne mengpu wangpeng peli shepupa me, Jeremiawe Ite hanghe ngaowe tam Baruch-e nyan-e ang. Hüwante Taowe Ite i,

²hüke Youngwanpa, Israel Kahwange ngaoyangki, “Baruch,

³nange inang, ‘Taowe tüohteki! Ü-shangshih tangme Youngwanpawe mongmeng paowe tamteki. Shappe yoongpuwe tao towe nyaiteki, hüyange taowe toloimei hango yetüo!’

⁴“Hüpoi Tao, Youngwanpawe hanghepa Taowe weyangki pünne winnang hüyange Taowe hanghe shomyangki bheiye winnang. Taowe tüopa-a kahtoknyu nopute linglak.

⁵Nange nang jingne shemeishe lingetamlakpa yamkü a? Tüopakih tahling. Taowe mahtamlakpa-a kahtanyuha üshei tangme yah peinang, hüpoi nangjing nepa-a ümeken yekaote nang tailakei nang üyinpa-a yinlak. Tao, Youngwanpawe ngaoyangki.”