Read Konyak Naga JEREMIA 47 Bible Online

JEREMIA 47 - Konyak Naga bible

JEREMIA 47

¹Egypt Ahngpawe Gaza chinghah shaome, Philistia jeng Youngwanpawe Jeremiate ngao,

²Youngwanpawe hüke i: “Leihuyah! Apyekao me yeng-a yongnang hüyange muleampu yengyin kih-e phetkülak. Iman-e kahmük hüyange tüopa me ngohpu sheminlamphe, chingnyulan hüyange tüopa me kahtalan aoyin nyoi iman tangme maakülak. Kahtalan-e jamlak yamme nyiklak; kahtoknyu me ngohpu moilan khah-e shaplak.

³Iman-e koiponglan ya hoompu, pongtongtoilan ngaopu, lüngkamlan khokkhakpu jailak. Iman hayimlan jingne payonglan leih yeyelak; imanjing yak-a phaiye jhot teiye ngohlak.

⁴Hangjingne Philistia menge winlak hipak, Tyre hei Sidon mepu jemme ngohpu lili laklak hipak peiteki. Tao, Youngwanpawe Philistialan, aoyin Krit yengnah yekao mepu pei khongküm mahtamlak.

⁵Gaza kahtalante mongmeng üyong peiteki, hüyange Ashkelon kahtalan wüngteki. Towe ngohpu Philistia hangshin laowe mangshaplak?

⁶Numan üngwüntüoh, ‘Youngwanpa Yanglow! Nang hangshin laowe mako phawe tailak shi? Nangjing shankhong tangte leih yetüoh, tüome ngohtüoh hüyange toloimei tüoh!’

⁷Hüpoi hangke tüopa toloimeilak, aope Youngwanpawe tüopate toilinglak jingne phatam? Taowe tüopate Ashkelon te hüyange yengnah me aoyin kahtalan nyoi tüolante shümlak jingne ngaokeng phawe tam.”