Read Konyak Naga EZEKIEL 15 Bible Online

EZEKIEL 15 - Konyak Naga bible

EZEKIEL 15

¹Youngwanpa ngao ü-tangte pei;

²“Hangko kahta, wuwüngwu ja hangke pee ja phei phinlak? Wuwüngwu üqui ja phao mepu peelan phei phinpu me hanghe ümei ngoh nangki?

³Nange tüopawe ülam ja lingpu oklak a? Tüopa tangme toinan künne angne nange tüopawe hanlag lingpu oklak a?

⁴Hatüowa vün me jaklak nehei meinang. Hüyange aope üshaohlan hah-e shuyapeih hüyange üwopong nyak khette hah taima-a, tüopawe nang ülam ja ne lingpu oklak a?

⁵Hatüowa hahtaishao memuh yahlak wongpong yenang. Sha-a vünne tüopa hahtai hüyange nyakkhette tüopa linge tam, tüopame shenyei she yahlak wongpong yenang.”

⁶Sha-a Okkeshangpu Youngwanpawe hanghe i hatüo ngoh nang, “Phao mepu üwu yahyange jakke tampu meimei kih-e, tüokih-e kahtalan aoyin Jerusalem me nyoi Taowe yahlak;

⁷hüyange imante shaoshiyateng phalak. Iman vün ja mepu yinteki, hüpoi sha-a vünne iman shuwe tamlak. Aope Taowe imante shaoshiyateng phalakei, numan-e Taowa Youngwanpa yang she shinglak.

⁸Iman-e üte üting yelak, tüokhei Taowe kahmük-a wanwüng jeng ne linge tamlak.” Okkeshangpu Youngwanpawe ngaoyangki.