Read Konyak Naga EZEKIEL 19 Bible Online

EZEKIEL 19 - Konyak Naga bible

EZEKIEL 19

¹Israel üyonglan jingne tüopa mongmeng hem loklak jingne,

²üte i: Nangnyuwa hangkipu yengkong mailang üpi ja ne ngoh! Yhawe nyam nyamshepu yengkong mailang üpong yo me yoi ha tamme ang.

³Yhawe üha yo me ja tam-e ngai, I yengkong mailang üha ne meng, hüyange Iye toilanglak shing; I kahta hahpa ja ne meng.

⁴Jatlan-e I phei tüi-e pongjailai hüyange jhomsa tün me I pho. Yankeilei phei iman-e I-a Egypt te shui-e tei.

⁵Monghümlakpa khongkümpu linne mantai mantai yhawe tanne ngoh. Tüophei me yhawe yoiha ülao ja tam, hüyange nyamnyam shepu yengkong mailang ja ne I jong.

⁶Aope I wangmanne jong, ülao yengkong mailanglan phei I toilangne taipu ok. Iye-o toilanglak shing hüyange kahta hahpa ja ne meng.

⁷Iye longkon khüwtam, Iye bangchinglan heamne tam. I waopu lep iye kahmük me ngohpu kahtalan yeonge nyamyangki.

⁸Iphei hoklak jingne jatlan jem; kahtalan üken phe mepu jem. Iman-e imanjing küp-omlak shaan shaitam, hüyange imanjing tün (hankhak) me I pho.

⁹Iman-e ükhok ja me I küoang, hüyange Babilon ahngpa tangte I yahtei. Iman-e küpnok mongme I ang, tüokaiye shaaji Israel kahtalan me I waopu aope-o yejaitamlak.

¹⁰Nangnyuwa yengyin nah me shompu wuwüngwu kih-e ngohyangki. Hangjingne yeng wangmanne ngoh, hüyange üwu-a üyak hüyange ülickke maayange ngoh.

¹¹Tüopatepu üquilan-a yeonge yan, hüyange ahngpa shengshaoh üne jong. Üwu-a wangphom yüowe daopu okke jong; hangshin üyak ngaiye hüyange daowe jong moilanne nge.

¹²Hüpoi mongshih ngaipu wongnangpu yakke tüopa-a-yalah me pheakke bhei, hüyange tüopa-a kahtokte shüppe tam. Heongye wangyange tüopa tepu ülick kuiye tam. Tüopatepu üquilan-a phakke tam; iman wanne mah hüyange tüolan-a jakke tam.

¹³Sha-a tüopa-a wanwüng jeng, eawahpu hüyange yeng yenangpu kahmük me shomme tam.

¹⁴Üwü tepu quishaoh me vün pah; vünne tüopa tepu üquilan hei ülick hahtam. Üquilan-a shaaji nishe wongnang ne ye-ok, aope-o ahngpa shengshaoh ne yemeng ok. Tüopa-a yoongeshonpu (mongmeng) hem; tüopa-a yelakpe lokyangki.