Read Konyak Naga EZEKIEL 27 Bible Online

EZEKIEL 27 - Konyak Naga bible

EZEKIEL 27

¹Youngwanpa ngao üte pei:

²“Hangko kahta, Tyre jingne manglüng hem loktüoh;

³hanghepa chingnyu yengching peten lamnah me nyoi hüyange yengching nah lili me nyoipu kahta lili phei pheeileihpu ngoh. Youngwanpa Kahwange yhate hanghe inang itamtüoh: “Tyre, nang khakwange shemei yaoma yange yonge lüonang.

⁴Nenok-a yengching me, Nang linge ngaipawe nanga shemei yaomapu yenglin kih-e ling;

⁵Iman-e Hermon kahtang mepu fir pee pekhüwne yah, Hüyange yenglin shongnyu ne Lebanon mepu cedar yah.

⁶Iman-e yenglin yeihlak ne Bashan mepu longkham pee yah; Iman-e Saipras mepu yankhek pee phei nang jingne juyük anglak taleng ling, Hüyange tüopa-a meinyu fa phei linge tam.

⁷Nangjing yenglin woilak inkhek-a, oleng inyangphei Egypt mepu shemeipupa nye-ükhai, Üjai memuh shinge oklakpa ne lingyange ngoh. Nangjing hephu lan-a Saipras dikhot mepu shemeipupa inkhek ümang lan phei ling.

⁸Nangjing yenglin yeihpalan-a Sidon hei Arvad chingnyulan mepu. Nangjing yenglin woipalan-a wongnangpu kahtalan shaha.

⁹Yenglin lingpa pee-ai jonpalan-a manyangpu phei Byblos mepu. Yengching me kemmeyongpu yenglin woipalan liliye nange yaopu mepu shak.

¹⁰“Persia, Lidia, hüyange Libya mepu wetaipalan-a nangjing nyahpong ne meng. Iman-e imanjing ree hei yan shaoshaoh nangjing wetaipalan ngohjing nyoi me jhot. Iman-a nang jingne okkeshange yah peipalan.

¹¹Arvad mepu wetaipalan-e nangjing jantpenyu yom, hüyange Gamad mepu kahtalan-e nangjing daonok yom. Iman-e imanjing ree nangjing jantpenyu me jhot. Iman-a aoyinne nang shemeiyaomawe tam tüolan kahta ngoh nang.”

¹²“Nange Tarshish phei pheeileih hüyange khüm, yan, tin, hüyange leak nange wangman-e phayangpu toman jingne yah.

¹³Nange Greece, Tubal, hüyange Meshech phei pheeileih hüyange nange rha jingne hüyange shakphan yan toinan jingne nangjing toinan pheeileih.

¹⁴Nange nangjing toinyunanha koikari, wehok-koipong, hüyange lwngkoi jingne Beth Togarmah mepu yao.

¹⁵Rhodes kahtalan-e nang phei pheeileih; Yengnah me nyoipu kahtalan maapuwe nangjing toinyu nanha phei teihleih pune meinyu fa hei kailang (ebony) nangte pha.

¹⁶Syria kahtalan-e nangte pheeinyu leihlak ne hüyange nangjing linge yah-e ngaitampu üngang peine tam. Iman-e wanghüng (emeralds), inkhek ümang, oleng inyangpu khek, nyekhai, sheak (coral), hüyange agate toinyu long nange tümyangpu toinan jingne pha.

¹⁷Judah hei Israellan-e nangjing toinyu nanha jingne, wheat, zahtai jelo, olive minnga, hüyange üpeameipu lan pha.

¹⁸Damascus kahtalan-e nangte pheeinyu leih-e hüyange nangjingne ngaitampu peitam, tüolan jingne Helbon mepu wuwüngti hüyange Sahar mepu mat ümee ne pha.

¹⁹Iman-e nangjing toinyunanha jingne yan ühüng hüyange üpeameipulan phei teileih.

²⁰Dedan kahtalan-e nangjing toinyunanhalan phei tokneamkhek teileih.

²¹Nangjing pheeinyu leihpulan jingne Arabialan hei Kedar kahmük mepu wanglam lampalan-e nyeeha, nyeepong, hüyange youn pha.

²²Nangjing toinyunanha jingne Sheba hei Raamah pheeinyu leihpalan-e juyük, hon, hüyange shemeipupa üpe ümei teileih.

²³Haran, Canneh, hüyange Eden chingnyulan, Sheba pheeinyuleihpalan, Asshur hei Chilmad chingnyulan iman khongkümpuwe nang phei teiyao teileihpu ngoh.

²⁴Iman-e nangte otamaohepu jajang japu inkhek, phutti khek, hüyange oleng inyangpu khek, phihlange tuyangphei talengkhek, hüyange yeonge meiye lüpyang phei wu hüyange shiengnyeih wu yaowe tam.

²⁵Nangjing pheeinyu leihpulan-a toinan kipu shekhaopupa yenglin ünganglan phei sheih. “Nanga yengching mepu yenglin kih-e toinan üngang kiyange ngoh.

²⁶Aope nangjing yenglin yeihpalan-e yengchingte nang yeih ngai; heongye wangyange kahtok mepu nang shejai she menge tamlak.

²⁷Nangjing pheeinyu leihpu toinyu nanha khongküm, Nangjing yenglin me yenglin yeihpalan üshei, Nangjing yenglin lingpalan hei nangjing pheeinyu leihpalan, Yenglin me shotte ngohpu wetaipalan lili, aope nangjing yenglin mengyapeih, khongküm sheiye khongkümpu yengching hotan me nyip mahlak.

²⁸Yenglin yeihpalan hünge üngwünpu lüngjan-e yengnah ngoilak.

²⁹“Yenglin lili shaapa-a wüng makke tüohlak, Hüyange yenglin yeihpalan lili yengnah me yonglak.

³⁰Nangjingne iman lili, imanjing shangme kahmak phuyange hüyange tüpla yo me lüppe shüppe khah-e mangshaplak.

³¹Nangjing ne iman-e imanjing shanglin, hüyange iman nying nyingke monnye in. Iman shapwante imanjing mongjang khah-e shap.

³²Iman-e nangjing ne manglüng hem lokke tam: ‘Tyre phei ao phünne nyüolak, Sha-a yengching me wüngmakke lakpu Tyre?

³³Aope nangjing pheeinyu leihpalan yengching kaiye tai, jatlan lili yah-hupu nange wange ngoiye tam. Nangjing toinyu nanha moth kaiye kahtok Ahngpalan nange hakke tam.

³⁴Sha-a nanga yengching me mengkhoih nang; Nanga yengching ülute nyüpteki. Nangjing toinyu nanhalan hüyange aoyinne nangjingne toi ling khongkümpu nang phei jamme yengching me nyüpteki.’

³⁵“Aoyin yengnah paowe nyoiyapeih moilanne nangjing ngoikülak yatuhshaote mokh nang. Iman jing ahngpalan nehoi yashan yalinang, hüyange iman sheta me nyampuwa nyanteki.

³⁶Nanga taiteki, jinjintepu jingne taiteki, hüyange kahtoknyu nopu mepu pheeinyu leihpalan yashanyali nang. Iman-o nang jing ngoikülak yatuhshao phei omphalak heiya she nyamnang.”