Read Konyak Naga EZEKIEL 48 Bible Online

EZEKIEL 48 - Konyak Naga bible

EZEKIEL 48

¹Sha-a tüolan-a nokphonglan min ngohnang: apyekao yikeng mepu ükong wange, yengching mepu Hethlon lam ke, Hamath lamkeng ngoiye Damascus kahmük yikeng me, Hazarenon ngoiye taiye, Hamath phei pongpu apyekao me, heongye mepu henyipye ngoiye, Dan meitam ja.

²Dan yikeng phei pongpu heongye mepu henyipye ngoiye, Asher meitam ja.

³Asher yikeng phei pongpu, heongye mepu henyipye ngoiye, Naphtali meitam ja.

⁴Naphtali yikeng phei pongpu, heongye mepu henyipye ngoiye, Manasseh meitam ja.

⁵Manasseh yikeng phei pongpu, heongye mepu henyip ye ngoiye, Ephraim meitam ja.

⁶Ephraim yikeng phei pongpu, heongye mepu henyipye ngoiye Reuben meitam ja.

⁷Reuben yikeng phei pongpu heongye mepu henyipye ngoiye Judah meitam ja.

⁸Kahmük ünepupa wena wongpong me jonlak jingne khatte anglak. Tüopa-a apye mepu heye ngoiye khaopute kilometer pen me ni phei me tangkhüw, hüyange laopu me jatlante phapu meitam shinne heong mepu henyip ngoiye jakih-e ngohlak. Khümjinga tüopa wen me ngohlak.

⁹Tüopa wen hotan me, üjük üpeam me kilometer penme ni pheime tangkhüw hüyange kilometer pen she khatte angpu nyoi Youngwanpate phünne phalak.

¹⁰Tüopa üjao nyoi mepu meitam ngengpalan-e yahlak. Imanjing meitam-a heong mepu henyip ngoipu me kilometer pen me ni phei me tangkhüw, hüyange apye mepu heye ngoipu me kilometer nga sheamlak. Youngwanpa Khümjinga tüopa nyoi üwo me ngohlak.

¹¹Tüopa üjao nyoi-a ngengpalan aoyin Zadok huhayimlan ne ngoh iman jingne menglak. Iman-e mong phapu phei üte shaoshan hüyange Levi jat, ülao kahtalan-e ümeng linge omme taipu pheite iman ye-om.

¹²Tüokhei Levilan jing kahmük phei phinne iman-e khatte yahpu nyoijing ja ngohlak, hüyange tüopa-a üshei phei shejaopupa nyoi ne menglak.

¹³Levilane-o ngengpalan jing heye me meitam nyoi ja yahlak. Tüopa-o heong mepu henyip ngoiye kilometer pen me ni phei me tangkhüw, apye mepu heye ngoiye kilometer nga ngohlak.

¹⁴Youngwanpate phünne phapu nyoi-a üshei phei shemeipupa meitam kahmük ne menglak. Hüyange tüopa-a ümeken nyoi-o yeyüolak yejema-a yejeileilak yejema-a ütamte teileih-e yephalak. Hatüowa üjao hüyange Youngwanpa jing.

¹⁵Towe tüohpu kilometer pen me ni phei me tangkhüw jaye me kilometer ni phei me tangkhüw jaye me meitamlan-a yejaopu; hüpoi tüopa-a kahtalan moilanne yahlakpa. Iman tüoken me nyoine ok, hüyange kahmük-a yahne ok. Chingnyu-a tüopa hotan me ngohlak;

¹⁶hüyange tüopa-a moilan yekao me jakih kih-e meter haja ni gho ni denga pong sheampu ngohlak.

¹⁷Chingnyu neikonpu me moini yekao me meter gho ja da me nga (yakkong 250) khaowe nyoijing üko ngohlak.

¹⁸Kahmük hanghepa chingnyu lingyange towe tüoh üjao nyoi heye nyoi heongye me üjük me kilometer nga üpeam me kilometer ni phei me tangkhüw hüyange henyip yeme üjük me kilometer nga üpeam me kilometer ni phei me tangkhüw chingnyu me aoyin nyoiyapeih tüolan kahtalan-e mamshe kah hamlak nyoi ne linglak.

¹⁹Hanghepa jat mepu peipu ne mengyapeih peiyapoi, chingnyu me aoyin nyoiyapeih iman-e tüopa kahmük-a hamne oklak.

²⁰Tüokhei hotan wen mepu nyoi khongkümpu hanghepa khatte ang tüopa sheampu me moini yekao me kilometer pen me ni phei me tangkhüw ngohlak, hüyange tüopa me chingnyu nyoi ne ompu kahmük-o omlak.

²¹Üjao nyoi moini yekao me hanghe towe ngohlakei, hüyange chingnyu jingne ngoh, tüopa-a ahngpa jingne menglak. Üjao nyoi mongmepu heongye yikeng mepu yakkong haja da me nga ngoiye paowe teiye; hüyange henyipye mepu yakkong da me nga henyip yikeng, nokphonglan jing meitam phei janhüowe, tüopa-a ahngpa jingne menglak. Üjao nyoi üwome khümjing shejaopupa nyoi nangyange,

²²hüyange Levilan jing meitam hüyange chingnyu jing meitam, tüolan-a ahngpa jing meitam üwo me ngohlak. Ahngpa jing meitam-a Judah hei Benjamin yikeng nipa me ngohlak.

²³“Towe ngohpu nokphonglan jingne: heongye mepu henyipye, Benjamin, meitam ja.

²⁴Benjamin yikeng phei ponge heongye mepu henyipye ngoiye Simeon, meitam ja.

²⁵Simeon yikeng phei ponge heongye mepu henyipye ngoiye, Issakhar, meitam ja.

²⁶Issakhar yikeng phei ponge heongye mepu henyipye ngoiye Zebulun, meitam ja.

²⁷Zebulun yikeng phei ponge heongye mepu henyipye ngoiye, Gad, meitam ja.

²⁸Gad nokphong te phapu heyekao yikeng wenna, heye ap kih-e Tamar mepu Kadesh yengneam ngoiye, hüyange aptepu henyip ye Egyptlan yikeng paowe tawe Mediterranean yengching ngoiye talak.”

²⁹Youngwanpa Kahwange i, “Israel nokphonglan-e kahmük meitam yoi yoine tüolak jingne tamlak ülamme hükih-e ngohlak.”

³⁰Tüolan-a chingnyu petenlan-e ngohlak: Apyekao hanghepa sheampu me yakkong haja peli gho nga me peten lüm;

³¹Reuben peten, Judah peten, hüyange Levi peten, chingnyu petenlan min Israel nokphong ja ja min me nyik

³²Heongye hanghepa me yakkong haja peli gho nga me, peten lüm, Joseph peten, Benjamin peten, Dan peten.

³³Heyekao hanghepa me yakkong haja peli gho nga sheampu me, peten lüm, Simeon peten, Issakhar peten, hüyange Zebulun peten.

³⁴Henyip yekao hanghepa me yakkong haja peli gho nga me peten lüm. Gad peten, Asher peten, Naphtali peten.

³⁵Chingnyu ükao peli neikonpu jant khongkümpu yakkong haja penme tet. Hüyange sha-a me peiye chingnyu min-a “Youngwanpa Tüome Ngohnang” she ngohlak.