Read Konyak Naga HOSEA 11 Bible Online

HOSEA 11 - Konyak Naga bible

HOSEA 11

¹“Aope Israel naha ne ngoh, Taowe Ite ken, hüyange üha ne Egypt mepu I nyik-e ngaiyangki.

²Hüpoi Taowe Ite hangshin me nyik, teshinne I ü-mepu lüppe tai. Ü-kahtalan-e Baalte toidopu pha; iman-e peshaote üpe meipu jakke dotam.

³Tüoyangpoi Ephraim kemlak jingne aowe nyüo, tüowa Tao ne ngohyangki; Taowe ü-kahtalan-a ü-phak me noonne pai, hüpoi Taowe imante namnoyangki she iman-e yeteih tüo.

⁴Taowe iman ü-tangte nyakkenpu phei hüyange kenpu phei shui ye. Taowe iman nowe yah hüyange ü-omtüo ngoiye iman paiye in; iman tangte Tao khuh ta hüyange imante uhying.”

⁵“Iman-e ü-tangte leih minye she lanpu jingne, iman-a Egypt te leih yelak, hüyange Assyriawe imante wanglam lamlak.

⁶Iman jing chingnyulan yanglow-e moiteilak hüyange chingnyu petenlan-a menge tamlak. Tüokaiye ü-kahtalan mahtamlak hangjingne ima-a iman nying nyingke hanghepa meinang she teih iman-e ling.

⁷Ü-mepu lüppe tailakte iman-e monge teihnang. Iman me ngohpu sheam jingne iman-e üngwünlak, hüpoi aowe-o tüopa-a iman mepu yienge yeyahlak.”

⁸“Taowe hangke Ephraim tüohlak? Hangke Taowe Israel winne oklak? Admahte Taowe lingpu kih-e, yejema-a Zeboiimte Taowe lingpu kih-e numante Taowe hangke tingme-o mahtam ya ei? Ü-mong jange tüopa-a üte lingne yetamlak! Nangjingne Taowe kenpuwa jamloi nang.

⁹Ümongshihpu phei Taowe nangte shaoshiyateng ne yetamlak, Taowe Israel nishe mahne yetamlak. Hangjingne ima-a Taowa Kahwang hüyange kahta ne yeje. Tao, Üjaopa, Tao nang phei ngohnang. Tao nang tangte mongshih ngaipu phei yepeilak.”

¹⁰“Aope Youngwanpawe iman jing wepalante yengkong mailang kih-e waowe tamlakei, ü-kahtalan-e ü-pheite woilak. Iman henyip yekao mepu ü-tangte phette jemlak.

¹¹Awha shokke tapu kih-e iman Egypt mepu, hüyange awshu kih-e Assyria mepu iman peilak. Taowe iman-a nishe iman nokte yah yelak. Tao, Youngwanpawe ngaoyangki.”

¹²“Ephraim-e tahleih phei ü-neikon, Israel kahtalan-e lowelampu phei, hüyange Judah kahtalan-a yelakpe ütingpa hüyange Üjaopa Kahwang Ü-phei hokkewe nang.