Read Konyak Naga HOSEA 14 Bible Online

HOSEA 14 - Konyak Naga bible

HOSEA 14

¹Israel kahtalan, numan Kahwang Youngwanpa tangte lüppe yetüoh. Numan ünuwe numan yashah hüone hüyange yeine tamnang.

²Youngwanpa tangte lüppe yetüoh, hüyange tüopa yoppuwa numan-e dopu ne menge tamtüoh. “Toman ünulan khongküm winpha hüyange toman-e yoppu jaipha, hüyange toman-e janyangpu kih-e toman-e nang min yonglak.

³Assyriawe aope-o toman yintampu ye-oklak, hüyange wehok koiponglan-e tomante tienpu ye-oklak. Toman-e shaaji aope-o toman jing peshaolante iman-a toman jing kahwang she ye-ilak. O Youngwanpa, nangme khah-ha lan-e shüpshe tüonang.”

⁴“Taowe ü-kahtalan-a ü-tangte yah yelak. Ü-mongjang üsheiye Taowe imante kenlak; shaaji iman phei Tao mongshih ngaiye yengohlak.

⁵Israel kahtalante Taowa kahwan tok me waikeipu kih ngohlak. Iman-a jupenglan kih-e penglak; iman-a Lebanon pee kih-e mongjüonge üya yulak.

⁶Iman üla ne jongpu phei yange yelak, hüyange olive pee kih-e shemei yaomalak. Iman-a Lebanon mepu cedar kih-e üpe meiye pelak.

⁷Üne-o nishe iman-a ü-wong phang me nyoilak. Iman-a pesha kih-e jongeyalak hüyange wuwünglick kah kih-e ülick licklak. Iman-a Lebanon mepu wuwüngti kih-e ütahpa ne menglak.

⁸O Ephraim lan-e peshaote shaaji hang lingne-o yengailak; iman-e yoppute Taowe janlak hüyange imante paowe tüklak. Jinte üyak hü-ünge ngohpu pee kih-e lojing ümei me Taowe iman anglak, Imanjing moiman ngaijing khongkümpuwa Tao ngohnang.”

⁹Aoyin deitah tüolan-e hatüo me hanghe nyanne ngoh shingyah, hüyange iman-e mongjang me tüopa yah ne tamtüoh. Youngwanpa jing lamnyuwa ütingpa, hüyange khakshupu kahtalan-a tüopa jonpuwe üyin ngohnang; hüpoi ünulan-a iman-e tüolante hangko yeteihpu jingne, yashah hüonang hüyange yeinang.