Read Konyak Naga HOSEA 8 Bible Online

HOSEA 8 - Konyak Naga bible

HOSEA 8

¹“Nyawong wüngtüoh! Wepalan-a awlan kih-e ü-kahmükte shokke ta-nang! Ü-kahtalan-e Taowe iman phei yahpu jiengjeppu mengteki hüyange Taowe nyüopu phei tüi-e yongnang.

²Iman-e üte, ü-Kahwang! Toman Israel-e nang shingnang, she üngwünlak.

³Hüpoi shemeipupa hanghe iman-e yeyah. Tüojingne iman jing wepalan-e imante janglak.”

⁴“Ü-kahtalan-e ahngpa le, hüpoi tüopa-a iman nying nyingke ling. Iman-e woipalan le, hüpoi Taowe yemongpute le. Iman-e iman jing khüm hei hon yah hüyange iman yoi nying nyingke mahlak jingne peshaolan ling,

⁵Samaria chingnyu kahtalan-e yoppe khümpu hon mahu üpong te Taowe nunang. Tao iman phei mongshih ngainang. Iman-e nuweshakpu tüoh eipe iman hipak hangshin laowe ngohlak?

⁶Israel yak aijonpawe peshaowa ling, hüyange tüopa-a lanshe kahwangne yeje! Samaria me yoppe khümpu hon mahu üponga üphin üphin me khoih tamlak!

⁷Aope iman-e wangyang deiyapeih, iman-e wangyangwangyi wetlak! Ülick pheipu kah ja hanghepa ye-nyin ok tüowe aope-o hahying ngaine ye-ok. Tüopa me ngaipu ne mengyapoi, kahheng lan-e hahkümlak.

⁸Israel, ülao jatlan hangke ngoh tüo kih-e hüyange tüopa-a paitepu tük wongpongne üjepu shinne taiteki.

⁹Phao gado shinne ngayounne, Ephraim kahtalan-a yoiyoi lamte taiteki. Assyria mepu jampu yamme iman taiteki, hüyange iman yintam pha she ülao jatlante ngin pha.

¹⁰Hüpoi sha-a Taowe iman-a jamshe shaijemlak hüyange imante shaoshiyateng phalak. Aope Assyria ahngpawe imante shangne tamlakei dakteiye iman-e mamshe khokke tüohlak.

¹¹“Ephraim kahtalan-e ünu yahteilak jingne wümjong hangshin ling, teshinne iman-e ünu omlak nyoijinglan ngaiyangki!

¹²Kahtalan jingne Taowe ipu yekümpe nyüoweleipu nyan, hüpoi tüolan-a iman-e yeshingpukih hüyange ülao jat kih-e yeyah.

¹³Iman-e üte toidopulan pha hüyange toidopu meilan iman-e hah. Hüpoi, Tao, Youngwanpawe imante mongyemei; hüyange sha-a Taowe imanjing ünulan teih tüolak hüyange tüopa jingne shaoshiyateng phalak; Taowe iman-a Egypt te ye ne tamlak!”

¹⁴“Israel kahtalan-e ahngnoklan we, hüpoi iman-e iman lingengaipupa pemei. Judah kahtalan-e meipe latyangpu chingnyulan ling. Hüpoi Taowe vün shonlak hanghepawe imanjing ahngnoklan hüyange iman jing chingnyulan hah winlak.”