Read Konyak Naga JONA 2 Bible Online

JONA 2 - Konyak Naga bible

JONA 2

¹Hüwante nyah seasa ümongme ngohyange Jonawe Youngwanpa I Kahwangte yop:

²“Tao shange pongpu me, taowe nangte nyiknang, O Youngwanpa, hüyange nange üte jannang. Yimshon (sheol) seasa mepu jamlak jingne taowe üngwün, hüyange nange üte jai.

³Nange tao shelupupa ümong, yengching ümong ükong ngoiye, ümeken me ü-neikonpu khongkümpu me yeng shaha, hüyange nangjing wongnangpu yengyungpu lili ü-tang me phao ong, tüoken me shüppe tam.

⁴Taowe teih taowa nang shong mepu jange teiyangpu hüyange nang üjao khümjing shaaji nishe ye-ngelak.

⁵Ü-tangme yeng phaowe ong hüyange üte lüo hitte tam; taowa lanshe yengchinge phünge mah, hüyange yengching mepu hünge ü-shang me nyeihtam.

⁶Tao kahtang yashong ümong ngoiye, aohijing peten jintepu jingne küppe latyange ang tüopa kahtok ngoiye ta. Hüpoi nang, O Youngwanpa, ü-Kahwange ümongpa mepu üyin me tao ngaine tam.

⁷Aope üte ü-yaha wong yenangpe khaiye tapukih lingyapeih, hüwante, O Youngwanpa, taowe nangte yop, hüyange nangjing üjao khümjing me nange üte jai.

⁸Aoyinne ühak yekohpu peshao lante yoppe khümya peih iman-e nangte ütinglakpu winne tüoh nang.

⁹Hüpoi taowe nangte minyong hem loklak; taowe nangte toidopu phalak, hüyange taowe hanghe jiengjep yangki linglak. Yinyetampuwa Youngwanpa mepu peinang!”

¹⁰Hüwante yengnah me ngaiye Jona faiye tamlak jingne Youngwanpawe hoyongte ngaokeng pha, hüyange hüke ling.