Read Konyak Naga JONA 4 Bible Online

JONA 4 - Konyak Naga bible

JONA 4

¹Tüoyangpoi tüopa jeng me Jona yeonge mongmeng hüyange mongshih ngai.

²Tüokhei Iye yop, “Youngwanpa, taowe nok tüohyange taishao me, nange hanghe linglak taowe nangte ye-i a? Tüojingne Tarshishte (Spain) phette tailak jingne taowe okpu shinne ngang! Taowe shing nanga kenne teihpu hüyange shüpshe pheipu Kahwang, jinte nünne okpu, jinte yayengpu, hüyange shaoshi yateng phalak jingne yeje jinte monglüplak jingne nanga tümyange ngohnang.

³Tüokhei sha-a, O Youngwanpa, tao li shihning. Taowa üyin me ngohpu phei-a lipupa shemeiki.”

⁴Youngwanpawe jan, “Nang mongshih ngailak ne hanghe tingpu ngohnangki?”

⁵Tüophei me chingnyu heongyete Jona ngaitai hüyange shot. Iye yoi jingne peamshem ja we hüyange tüopa shümphang me, Ninevehte hanghe ngaikülak she tanne leiye ngoh.

⁶Hüwante Ite wangshüm büange tamlak jingne Youngwanpa Kahwange Jona tangme peephao ja ngaitam (shaokhah), tüokaiye Ite nyoi meiye tamlak jingne jongne tam. Üphao jonge ngaipute Jona yeonge monghah yangki.

⁷Hüyangpoi üne nyih wangngai wante Kahwangpa ngaokeng me, tüopa peephao te yong hüt, hüyange tüopa limah.

⁸Wanghe daowe ngaiyang phei me, Kahwange heong wangyang üsheam shon, hüyange I shangtang me jamloi wanghe lange katpu jingne sheampu yenaope Jona-a mengngawe pali she ta. Tüokhei I lipu ne mengshihphang she Iye teih. Hüyange Iye i, “Taowa üyin me ngohpu phei-a lipupa shemeiki.”

⁹Hüpoi Kahwange Jonate i, “Üphao jeng me nang mongshih ngailak shupu hanghe ngohlak?” Jonawe jan, “Tao mongshih ngailak, hüyange lijange mongshih ngailak tingnang!”

¹⁰Hüwante Youngwanpawe Jona te i, “Tüopa üphao yaja mongme jonge ngai hüyange ünenyih yenangpe mah; tüopa jingne nange hango yeling, hüyange nange tüopa jongne-o yetam; tüoyangpoi tüopa jingne nang mongmeng nang!

¹¹Hümma-a tüopa chingnyu üyong Nineveh jingne Taowe hangshin yayenge teihhah shepu! Tüopa me ümeng yenangpu hayim lakh ja haja da phei nyeiye, tüophei jamme yinmok üngang ngohnang!”