Read Konyak Naga LUNGTET 2 Bible Online

LUNGTET 2 - Konyak Naga bible

LUNGTET 2

¹Youngwanpawe Mosa hei Aaron nite ngaowe i:

²“Israellan kahta lili yoi ükhong khüwkam phangme hüyange yoi yoi nokphong keiphong phangme lakjing linglak. Lakjinga khümjing nyenok khongkümpu neikonne linglak.

³“Heong ye me, Judah ükhong khüwkam phangme iman ükhong ükhong lakjing linglak; Judah kahtalan woipa ne Amminadab üha Nahshon,

⁴kahtalan lungtet haja denyit me peli gho wok.

⁵I tokphei me lakjing linglaklan-a Issakhar nokphong, Issakhar kahtalan woipa ne Zuar üha Nethanel,

⁶I kahtalan lungtet haja denga me peli gho peli.

⁷Tüophei me Zebulun nokphong, Zebulun kahtalan woipa ne Helon üha Eliab,

⁸I kahtalan lungtet haja denga me nyit gho peli.

⁹Judah lakjing ükhong ükhong lakpu iman ükhong nopu lungtet-a lakh ja haja detet me wok, gho peli. Kemwante Judah ükhong üwangne kemlak.

¹⁰“Heyekao me, Reuben ükhong khüwkam phangme iman ükhong ükhong lakjing hüke tüolan woipalan phangme linglak; Reuben kahtalan woipa ne Shedeur üha Elizur,

¹¹kahtalan lungtet haja deli me wok gho nga.

¹²Hüyange I tokphei me lakjing linglak lan-a Simeon nokphong, Simeon kahtalan woipa Zurishaddai ha Shelumiel,

¹³I kahtalan lungtet haja denga me tu gho lüm.

¹⁴Tüophei me Gad nokphong, Gad kahtalan woipa ne Reuel üha Eliasaph;

¹⁵I kahtalan lungtet haja deli me nga gho wok phei me denga.

¹⁶Reuben lakjing ükhong lakpu iman ükhong nopu lungtet-a, lakh ja haja denga me ja gho peli phei me denga. Reuben ükhong nishepupa ükhong ne yayonglak.

¹⁷“Tüophei me üwangpa ükhong ni hei ükümpa ükhong nipa me Levilan-a khümjing nyenok paiyange kemlak. Ükhong lili lakjing me iman hangke lak-e ngoh yapeih hüke yoi yoi khüwkam phangme khünglenge üyin shinne kemlak.”

¹⁸“Henyip yekao me Ephraim ükhong khüwkam phangme iman ükhong ükhong lakjing hüke tüolan woipalan phangme linglak; Ephraim kahtalan woipa ne Ammihud üha Elishama,

¹⁹I kahtalan lungtet haja deli gho nga.

²⁰Hüyange, I tokphei me lakjing linglak lan-a Manasseh nokphong; Manasseh kahtalan woipa ne Pedahzur üha Gamaliel,

²¹kahtalan lungtet haja delüm me ni gho ni.

²²“Tüophei me Benjamin nokphong, Benjamin kahtalan woipa ne Gideoni üha Abidan;

²³I kahtalan haja delüm me nga gho peli.

²⁴“Ephraim lakjing ükhong ükhong lakpu iman ükhong nopu lungtet-a lakh ja haja tet gho ja. Ephraim ükhonga lümshepupa ükhongne yayonglak.

²⁵“Apyekao me, Dan ükhong khüwkam phangme iman ükhong ükhong lakjing hüke tüolan woipalan phangme linglak; Dan kahtalan woipa ne Ammishaddai üha Ahiezer;

²⁶I kahtalan lungtet haja dewok me ni gho nyit.

²⁷“Hüyange I tokphei me lakjing linglak lan-a Asher nokphong, Asher kahtalan woipa ne Ochran üha Pagiel,

²⁸I kahtalan lungtet haja deli me ja gho nga.

²⁹“Tüophei me Naphtali nokphong, Naphtali kahtalan woipa ne Enan üha Ahira.

³⁰I kahtalan lungtet haja denga me lüm gho peli.

³¹“Dan lakjing ükhong ükhong lakpu iman ükhong nopu lungtet-a lakh ja haja denga me nyit gho wok. Dan ükhonga ükümpa ükhongne khünglenge yayonglak.”

³²Israel kahtalan ükhong ükhong mepu min nyanpu ükhong nopu lungtet khongkümpuwa lakh wok haja lüm gho nga me denga ngoh yangki.

³³Hüpoi Youngwanpawe Mosate ngaowe tampu mei mei kih-e, Levilan-a ülao Israellan phei om-e shangtoi min yenyan.

³⁴Tüokhei Youngwanpawe Mosate ngaowe tampu kih-e Israel kahtalan-e khongkümpu ling. Iman-e yoi yoi jing khüwkam phangme lakjing ling, hüyange yoi yoi puhu nokphong kih-e iman yayong.