Read Konyak Naga LUNGTET 26 Bible Online

LUNGTET 26 - Konyak Naga bible

LUNGTET 26

¹Leam linyang phei me, Youngwanpawe Mosa hei Aaron ngengpa üha Eleazar nite i,

²“Israellan ükhong khongkümpu, iman puhulan lili, wangpeng da me peiye ütokye, Israel me wehokte taipu oklak khongkümpu shangtoi itüoh.”

³Mosa hei Eleazar ngengpawe iman phei Moab kahjee Jordan ü-o me Jerikho me ngaowe i,

⁴Youngwanpawe Mosate ngaowe tampu kih-e “Wangpeng da me peiye ütokye kahtalan shangtoi ilak.” Israel kahtalan aoyin Egypt kahtok mepu ngaiyangki tüolan-a hüke ngoh:

⁵Israel üwangne puhpu, Reuben nokphong: Reuben me jalunpalan: Hanoch puhu mepu Hanochlan; Pallu puhu mepu Pallulan:

⁶Hezron puhu mepu Hezronlan; Carmi puhu mepu Carmilan.

⁷Tüolan-a Reubenlan nokphong ngohnang, hüyange iman shangtoi haja deli me lüm gho nyit phei me delüm.

⁸Hüyange Pallu hayim: Eliab,

⁹Eliab hayim: Nemuel, Dathan, hüyange Abiram. Tüopa Dathan hüyange Abiram niye Korah ükhong phei Youngwanpa phei tüi-e toktei wante Mosa hüyange Aaron phei tüi-e tokteipu ükhong phei omyangki.

¹⁰Kahtok-e yoi ju ka hüyange iman lünge tai, hüyange iman Korah phei woipulan vün ne gho ni denga hahshu wante iman kahtalan jingne leppu ja ne ngoh yangki.

¹¹Tüoyangpoi Korah hayimlan-a yetoi.

¹²Simeon mepu jalunpu nokphong nokphong tampu: Nemuel puhu mepu Nemuellan, Jamin puhu mepu Jaminlan; Jachin puhu mepu Jachinlan:

¹³Zerah puhu mepu Zerahlan; Shaul puhu mepu Shaullan;

¹⁴Tüolan Simeon nokphong lan-a haja da me ni gho ni ngohyangki.

¹⁵Gad mepu jalunpu nokphong nokphong tampu: Zephon puhu mepu Zephonlan, Haggai puhu mepu Haggailan; Shuni puhu mepu Shunilan;

¹⁶Ozni puhu mepu Oznilan; Eri puhu mepu Erilan;

¹⁷Arod puhu mepu Arodlan; Areli puhu mepu Arelilan;

¹⁸Tüolan-a Gad nokphong shangtoi ipu kahtalan haja deli gho nga ngohyangki.

¹⁹Judah hayim, Er hei Onan: hüyange Er hei Onan ni Kanan kahtok me li.

²⁰Hüyange Judah mepu jalunpu nokphong nokphong tampu: Shelah puhu mepu Shelahlan; Perez puhu mepu Perezlan; Zerah puhu mepu Zerahlan.

²¹Hüyange Perez hayimlan: Hezron puhu mepu Hezronlan; Hamul puhu mepu Hamulalan;

²²Tüolan-a Judah nokphong shangtoi ipu kahtalan haja denyit me wok gho nga ngohyangki.

²³Issakhar hayimlan iman nokphong hüke: Tola puhu mepu Tolalan; Puah puhu mepu Punialan;

²⁴Jashub puhu mepu Jashublan; Shimron puhu mepu Shimronlan.

²⁵Tüolan-a Issakhar nokphong shangtoi ipu kahtalan haja dewok me peli phei me gho lüm ngoh yangki.

²⁶Zebulun hayimlan iman nokphong hüke: Sered puhu mepu Seredlan; Elon puhu mepu Elonlan, Jahleel puhu mepu Jahleellan.

²⁷Tüolan-a Zebulun nokphong shangtoi ipu kahtalan haja dewok gho nga ngoh yangki.

²⁸Joseph hayimlan iman nokphong hüke: Manasseh hei Ephraim.

²⁹Manasseh hayim; Machir puhu mepu Machirlan; hüyange Machir mepu Gilead jalun: Gilead puhu mepu Gileadlan.

³⁰Tüolan-a Gilead hayim: Jeezer puhu mepu Jeezerlan. Helek puhu mepu Helek:

³¹hüyange Asriel puhu mepu Asriellan; hüyange Shekhem puhu mepu Shekhem:

³²hüyange Shemida puhu mepu Shemidalan hüyange Hepher puhu mepu Hepherlan;

³³Sha-a Hepher üha Zelophehad netanha yenang, sheko shaha: hüyange Zelophehad yhalan min: Mahlah, Noah, Hoglah, Milcah, hüyange Tirzah.

³⁴Tüolan-a Manasseh nokphong: hüyange iman shangtoi ipu kahtalan haja denga me ni gho nyit ngoh yangki.

³⁵Tüolan-a Ephraim mepu jalunpu nokphonglan tampu: Shuthelah puhu mepu Shuthelahlan; Becher puhu mepu Becherlan; Tahan puhu mepu Tahanlan.

³⁶Hüyange tüolan-a Shuthelah hayim: Eran puhu mepu Eranlan.

³⁷Hatüowa Ephraim hayim nokphonglan shangtoi ipu kahtalan haja delüm me ni gho nga ngohyangki. Tüolan-a Joseph puhulan mepu huhayimlan ngohnang.

³⁸Benjamin hayim jalunpu iman nokphonglan tampu: Bela puhu mepu Belalan; Ashbel puhu mepu Ashbellan; Ahiram puhu mepu Ahiramlan;

³⁹Shephupham puhu mepu Shephuphamlan; Hupham puhu mepu Huphamlan;

⁴⁰Hüyange Bela hayim Ard hüyange Naaman ngoh yangki; Ard puhu mepu Ardlan; Naaman puhu mepu Naamanlan.

⁴¹Hatüolan-a Benjamin hayim iman nokphonglan hüyange iman shangtoi ipu kahtalan haja deli me nga gho wok ngoh yangki.

⁴²Tüolan-a Dan hayim iman nokphonglan tampu: Shuham puhu mepu Shuhamlan. Tüolan-a Dan nokphong iman shangtoi ipu ngoh nang.

⁴³Shuhamlan nokphong khongkümpu iman shangtoi ipu kahtalan haja dewok me peli gho peli ngoh yangki.

⁴⁴Asher hayim iman nokphonglan tampu: Imnah puhu mepu Imnahlan; Ishvi puhu mepu Ishvilan; Beriah puhu mepu Beriahlan.

⁴⁵Beriah hayim mepu: Heber puhu mepu Herberlan; Malchiel puhu mepu Malchiellan;

⁴⁶Hüyange Asher yhala min Serah ngoh yangki.

⁴⁷Tüolan-a Asher nokphong shangtoi ipu kahtalan haja denga me lüm gho peli ngoh yangki.

⁴⁸Naphtali hayim iman nokphonglan tampu: Jahzeel puhu mepu Jahzeellan; Guni puhu mepu Gunilan;

⁴⁹Jezer puhu mepu Jezerlan; Shillem puhu mepu Shillemlan;

⁵⁰Tüolan-a Naphtali nokphong tampu ngohnang; hüyange iman shangtoi ipu kahtalan haja deli me nga gho peli ngoh yangki.

⁵¹Tüolan-a Israel kahtalan shangtoi ipu ngohnang, iman lakh wok haja ja gho nyit phei me delüm ngoh yangki.

⁵²Youngwanpawe Mosate ngaowe i,

⁵³“Tüolan jingne iman min ityange mothleilak jingne kahtok-a tamtüoh.

⁵⁴Jat sheyongpu pate mothleilak sheyong she nange phalak yang, hüyange sheshoi pu jatte mothleilak sheshoi she nange pha tüoh; jat lilite nange mothleilak jingne japong yoi shangtoi phei shuwe phatüoh.

⁵⁵Tüoyangpoi kahtok-a phongyeng yange tamlak yang; iman puheipa jat hei li shangtoi phei shuwe iman moth leilak.

⁵⁶Phongyeng pute ngaipu kih-e iman moth-a sheyongpu hei sheshoipu nipa me tamlak yang.”

⁵⁷Levi nokphonga tüolan puhulan jemyange ngohnang: Gershon puhu mepu Gershonlan; Kohath puhu mepu Kohathlan; Merari puhu mepu Merarilan.

⁵⁸Tüolan-a Levi nokphong ngohnang: Libnilan puhu; Herbronlan puhu Mahlitlan puhu; Mushitelan puhu; Korahitlan puhu. Hüyange Kohath-a Amram üpa.

⁵⁹Hüyange Amram shekonyu min Jochebed ngoh yangki; Levinok yhala aowe Egypt me Levi te puhtam; hüyange yhawe Amramte Aaron hei Mosa hüyange sheko ja Miriam puhtam.

⁶⁰Hüyange Aaronte Nadab, Abihu, Eleazar hüyange Ithamar puhtam.

⁶¹Hüpoi Nadab hei Abihu niye Youngwanpa sheshao me yeshupe jakke dopu phawante li.

⁶²Hüyange iman shangtoi ipu haja da me lüm, netan khongkümpu lekeng ja me peiye ütokye ngoh yangki; hangjingne iman Israel kahtalan yo me ye-om, hangjingne Israel kahtalan yo me imante mothleilak yepha.

⁶³Mosa hei Eleazar ngengpawe shangtoi ipu tüolan ngoh nang: iman-e Moab kahjee me Jordan ü-o me Jerikho me Israel kahtalan shangtoi i.

⁶⁴Hüpoi tüolan yo me Mosa hei Aaron ngengpawe Israel kahtalan Sinai wanwüngjeng me shangtoi iwante iman ye-ompu ja nehoi yenang.

⁶⁵Hangjingne iman jeng Youngwanpawe i, “Iman wanwüng jengme lilak.” Hüyange Jephunneh üha Caleb, hüyange Nun üha Joshua tokte kaiye iman ja nehoi towe yenangpe ngoh yangki.