Read Konyak Naga LUNGTET 33 Bible Online

LUNGTET 33 - Konyak Naga bible

LUNGTET 33

¹Mosa hei Aaron niye woiyange Israellan nokphong Egypt kahtok mepu taiwante iman ükhong lakjang lak-e taipu tüolan nyoijinglan ngohnang.

²Hüyange Youngwanpawe ngaowe tampu kaiye Mosawe iman yayongpu nyoijing ja mepu jate taipu jeng nyan, hüyange tüolan-a tüo me ja phei me ja she ngohnang.

³Israel kahtalan-e Egypt tüohyange üwangpa wangpeng tepu üwangpa leat pen me nga shepupa nyih me iman Rameses mepu yayong; Linne taipu mo (yinyepu mo) linyang phei me ünenap Israel lan-e okpu ngeye Egypt lan-e ngejang nge-e,

⁴Youngwanpawe jeiyongpalan toipu khongkümpu mang muwe ngohwante yayonge tai; üne-o Youngwanpawe iman kahwanglan shaoshi ne tam.

⁵Tüokhei Israel kahtalan Rameses mepu yayong, hüyange Succoth me lak.

⁶Hüyange ünepupa lakjinga Succoth tüohyange phaonyu jong me iman-e Etham me lak.

⁷Hüyange Etham tüohyange iman-e Baal Zephon heongye Pi Hahiroth yete lüppe hüyange iman-e Migdol me lak.

⁸Hüyange Pi Hahiroth tüohyange, iman-e yengching kaiye phaonyu jongte tai, hüyange Etham phao kaiye nyih lüm lam kemyange Marah me lak.

⁹Hüyange Marah tüohyange iman-e Elim ngoi; tüome Elim me yengpeiwo pen me ni, hüyange logpee denyit ngohpu nyoi tüoken me iman lak.

¹⁰Hüyange iman Elim tüohyange yayong, hüyange Ütak Yengching nah me lak.

¹¹Hüyange Ütak Yengching tüohyange yayong, hüyange Sin phaonyu jongme lak.

¹²Hüyange iman Sin phaonyu jong tüohyange yayong, hüyange Dophkah me lak.

¹³Hüyange iman Dophkah tüohyange yayong, hüyange Alush me lak.

¹⁴Hüyange iman Alush tüohyange yayong, hüyange Rephidim me lak, ümeken me kahtalan jingne yinglak yeng yenangpe ngoh.

¹⁵Hüyange iman-e Rephidim tüohyange yayong hüyange Sinai phaonyu jongme lak.

¹⁶Hüyange iman-e Sinai phaonyu jong tüohyange yayong hüyange Kibroth Hattaavah me lak.

¹⁷Hüyange iman-e Kibroth Hattaavah tüohyange yayong, hüyange Hazeroth me lak.

¹⁸Hüyange iman-e Hazeroth mepu yayong, hüyange Rithmah me lak.

¹⁹Hüyange iman-e Rithmah mepu yayong, hüyange Rimmon Perez me lak.

²⁰Hüyange iman-e Rimmon Perez tüohyange yayong hüyange Libnah me lak.

²¹Hüyange iman-e Libnah tüohyange yayong, hüyange Rissah me lak.

²²Hüyange iman-e Rissah tüohyange yayong, hüyange Kehelathah me lak.

²³Hüyange iman-e Kehelathah tüohyange yayong, hüyange Shepher kahtang me lak.

²⁴Hüyange iman-e Shepher kahtang tüohyange yayong hüyange Haradah me lak.

²⁵Hüyange iman-e yayong hüyange Haradah tüohyange yayong, hüyange Makheloth me lak.

²⁶Hüyange iman-e Makheloth tüohyange yayong hüyange Tahath me lak.

²⁷Hüyange iman-e Tahath tüohyange yayong hüyange Terah me lak.

²⁸Hüyange iman-e Terah tüohyange yayong, hüyange Mithcah me lak.

²⁹Hüyange iman-e Mithcah tüohyange yayong, hüyange Hashmonah me lak.

³⁰Hüyange iman-e Hashmonah tüohyange yayong, hüyange Moseroth me lak.

³¹Hüyange iman-e Moseroth tüohyange yayong, hüyange Bene Jaakan me lak.

³²Hüyange iman-e Bene Jaakan tüohyange yayong, hüyange Hor Haggidgad me lak.

³³Hüyange iman-e Hor Haggidgad tüohyange yayong, hüyange Jotbathah me lak.

³⁴Hüyange iman-e Jotbathah tüohyange yayong, hüyange Abronah me lak.

³⁵Hüyange iman-e Abronah tüohyange yayong, hüyange Ezion Geber me lak.

³⁶Hüyange iman-e Ezion Geber tüohyange yayong, hüyange Zin phaonyu jong (hatüowa Kadesh) me lak.

³⁷Hüyange iman-e Kadesh tüohyange yayong, hüyange Edom kahtok üjengpong Hor kahtang me lak.

³⁸Hüyange Youngwanpawe nyikpu jingne Aaron ngengpa Hor kahtang te ong hüyange tüome I li; hatüowa Israel-e Egypt kahtok tüohyange wangpeng deli shepupa, lekeng nga shepupa tepu üwangpa nyih me ngohyangki.

³⁹Hüyange Hor kahtang me Aaron liwante, I nyupuh wangpeng gho ja da me lüm lwngmei ne ngohyangki.

⁴⁰Hüyange Kananlan Arad ahngpa ao Kanan kahtok heyekao me ngoh, Iye Israellan peipu jai.

⁴¹Hüyange iman-e Hor kahtang tüohyange yayong hüyange Zalmonah me lak.

⁴²Hüyange iman-e Zalmonah tüohyange yayong, hüyange Punon me lak.

⁴³Hüyange iman-e Punon tüohyange yayong, hüyange Oboth me lak.

⁴⁴Hüyange iman-e Oboth tüohyange yayong, hüyange Iye Abarim Moab yikeng pongme lak.

⁴⁵Hüyange iman-e Iyim tüohyange yayong hüyange Dibon Gad me lak.

⁴⁶Hüyange iman-e Dibon Gad tüohyange yayong, hüyange Almon Diblathaim me lak.

⁴⁷Hüyange iman-e Almon Diblathaim tüohyange yayong, hüyange Nebo sheshaome Abarim kahtang me lak.

⁴⁸Hüyange iman-e Abarim kahtang tüohyange yayong, hüyange Moab kahjee Jordan yekao Jerikho me lak;

⁴⁹hüyange iman lakjinga Moab kahjee me Jordan linne Beth Jeshimoth mepu Acacia Kahjee ngoiye ngoh yangki.

⁵⁰Jerikho ü-o Moab kahjee Jordan yekao me Youngwanpawe Mosate i:

⁵¹Israel kahtalan jingne tüolan nyüoleipu phatüoh: “Aope numan-e Jordan kaiye Kanan kahtokte ongyalakei,

⁵²hüwante numan-e tüome ngohpu kahta khongkümpu jange teilak yang. Imanjing long hei yan peshaolan khongkümpu menge wintüoh, hüyange imanjing yoppe khümpu nyoijinglan menge wintüoh.

⁵³Kahmük-a omme yahtüoh, hüyange tüopa me chingnyoi nokjing lingtüoh, hangjingne tüopa-a Taowe numante phanang.

⁵⁴Hüyange phongyeng yange yoiyoi nokphong te numan-e kahtok-a tamtüoh; shepangpu nokphongte sheyong she, shelompu nokphong te sheshoi she, moth tamtüoh; kahta lili phongyengpu me hanghe tüolakei hatüowa I jingne menglak; nokphong tamyange numan-e moth leilak.

⁵⁵Hüpoi numan-e kahmük mepu tüome ngohpalan jange yeteima-a, aoyin numan-e ngohlak jingne angetam nang, iman-e numan mük me müksa ongpuke, yejema-a numan hempa me huh lapuke, numan ngohjinge numante pokphalak.

⁵⁶Numan-e iman jange yeteipu ne mengma-a, Taowe iman mahtamlak jingne hangke konnetam, hüke Taowe numan mahtamlak.”