Read Konyak Naga LUNGTET 36 Bible Online

LUNGTET 36 - Konyak Naga bible

LUNGTET 36

¹Hüyange Makir üha hüyange Joseph üha Manasseh ühu Gilead puhutepu nyahtüp üshanglan Mosa hüyange ülao woipalan shongte peingoi-e ngao,

²iman-e i, “Phongyenge kahmük-a yahlak, Israel kahtalante phalak jingne Youngwanpawe Ü-nokpupate ngao phateki; hüyange toman jeiheinao Zelophehad mothlei I yhalalante phalak Youngwanpawe ü-nokpute o-ngao phateki.

³Hüpoi Israel kahta nokphong ülao ha ütam phei iman toitaima-a, hüwantepa-a iman mothlei-a toman üpalan mothlei mepu yahteiye, iman hanghepa nokphong ne ngohnang imante paowe tamlak; hüke toman mothlei tüopu mepu yah-e teilak.

⁴Hüyange aope Israellan jubilee ngohlakei, iman mothlei-a iman hanghepa nokphong me omme ngoh tüopa te phalak, hüyange hüke iman mothlei-a toman üpalan mothlei mepu yah-e teiteiye mahlak.”

⁵Tüokhei Youngwanpawe ngaowe tampu me Mosawe tüopa ngaokeng Israel kahtalante phawe i, “Joseph nokphonge hanghe i tüowa üting ngohnang:

⁶Tüojingne Zelophehad yhalalan jeng Youngwanpawe ngaowe tampuwa hatüo ngohnang. Iman-e aoyin lenge teih iman nokte taine tamtüoh; hüpoi hatüo ngohnang, iman-e iman üpa nokphong kahtalan nokte hei tailak.

⁷Hüke Israellan mothlei hango jat ja mepu jat ja te yetailak; hangjingne Israel kahtalan-e yoipa nokphong mothlei leiyange ngohlak.

⁸Hüyange Israellan jat me sheko naha aowe mothlei leilak ne ngailakei, Israel kahtalan-e yoipa mothlei leilakne, yhawe yha yoipa nokphong me ütam phei toitailak yang.

⁹Hüke mothlei hanghe-o jat ja mepu jat jate taine yetamlak yang; hangjingne Israel jat lili-e yoi mothlei leilak yang.”

¹⁰Zelophehad yhalalan-e Youngwanpawe Mosate ngaowe tampu ke ling;

¹¹hangjingne Mahlah, Tirzah, Hoglah, Milcah, hüyange Noah Zelophehad yhalalan-e iman üpa jeiheinaolan hayimlan nokte tai.

¹²Iman Joseph üha Manasseh mepu jalunpu nokphonglan tangte taiye iman mothlei iman üpa puhulan jat memuh ngoh yangki.

¹³Jordan ü-o me Jerikho me Moab kahjee me Youngwanpawe Mosa yak kaiye Israel kahtalante phapu ngaokeng hüyange wanglam tüolan ne ngoh yangki.