Read Konyak Naga LUNGTET 7 Bible Online

LUNGTET 7 - Konyak Naga bible

LUNGTET 7

¹Aope nyih Mosawe khümjing nyenok tümme shoyapeih, hüyange Iye minnga phowe tüm hüyange nyenok hei toinan khongkümpu jaowe tam, hüyange minnga phoyange tük hei sheng khongkümpu phei wümjong jaowe tam.

²Hüwante Israel nokphong me aoyin woipa ne meng, tüolan puhu üshanglan, shangtoi iwante woipa ne mengpu tüolan kahta lan-e muh dopulan pha,

³Youngwanpate imanjing dopulan yah pei; tongtoinok wok hüyange mahu üpong pen me ni, tongtoinok ja-a woipa ni ni jingne hüyange mahu üpong ja ja-a woipa ja ja jingne. Iman-e tüolan-a khümjing nyenok sheshao me yah pei.

⁴Youngwanpawe Mosate i,

⁵“Hatüo iman mepu hünghao khümjing nyenok me toi linglak jingne yahtüoh; hüyange hatüowa Levilante kahta lep ipute yoi yoi toishao kih-e nange imante phatüoh.”

⁶Tüokhei Mosawe tongtoi nok hüyange mahu üpong yah, hüyange tüolan-a Levilante pha.

⁷Gershon lante toi phei shuwe tongtoinok ni hüyange mahu üpong peli Iye pha.

⁸Merarilante Aaron ngengpa üha Ithamar yakjong phang me iman toishao phei shuwe tongtoinok peli, mahu üpong tet Iye pha;

⁹Hüpoi Kohathlante Iye tongtoinok hei mahu üpong hango yepha; hangjingne Üjao toinan namnolak iman toishao ngoh nang, tüolan-a iman phaktang me pailak ngohnang.

¹⁰Aope wümjonga jaotam, woipalan-e iman jing dopulan-a jaotamlak jingne yahpei, hüyange woipalan-e wümjong sheshao me dopulan-a phün pha.

¹¹Youngwanpawe Mosate i, “Nyih jeih woipa japonge, wümjong jaowe tamlak toishao jingne iman-e imanjing dopu yah peilak she imante itüoh.”

¹²Üwangnyih me aowe dopu pha, I-a Judah nokphong, Amminadab üha Nashon ngoh yangki;

¹³Iye dopu phapu-a khüm sheng ja, tokpu me shekels gho ja phei me delüm nyippu yankhong ja, shekels denyit tokpu nyippu khüm yankhong ja, üjao nyoi me tok leipu shekel kih-e, moini me hahying dopu minnga phei nyütyang phei ankhoih-e mayange;

¹⁴sünyet-e mayange, shekels pen tokpu hon sheng ja;

¹⁵mahu üpongha ja, nyeepong ja, wangpeng ja ngoitephei nyee üpongha ja, tüolan-a jakke dolak jingne;

¹⁶ünu dopu jingne younpong ja,

¹⁷hüyange chingmei dopu toidolak jingne mahu üpong ni, nyeepong nga, younpong nga, hüyange wangpeng ja ngoite phei nyeepong nga. Tüolan-a Amminadab üha Nahshon-e dopulan ngoh yangki.

¹⁸Nishepupa nyih me Issakhar woipa, Zuar üha Nethanel-e dopu pha;

¹⁹Iye yoi dopu shekels ghoja phei me delüm tokpu hon sheng ja, shekels denyit tokpu khüm yankhong ja, wümjong me tok leipu shekel kih-e, moini me hahying dopu jingne minnga phei nyütyange ankhoih-e maa-e,

²⁰shekels pen tokpu hon nükpheih sheng sünyet-e maayange;

²¹mahu üpong ja, nyeeponghaja, jakke dolak jingne wang ja nao nyeepongha ja;

²²ünu dolak jingne younpong ja;

²³hüyange chingmei dopu jingne, mahu üpong ni, nyeepong nga, younpong nga, wangja nao nyee pongha nga. Tüopa-a Zuar üha Nethanel dopu ngoh yangki.

²⁴Lüm shepupa nyih me Zebulun hayim woipa Helon üha Eliab;

²⁵Iye dopuwa shekels gho ja phei me delüm tokpu khüm sheng ja, shekel denyit tokpu khüm yankhong ja, khümjing me ngohpu toklak kih-e, moini-a hahying dopu jingne minnga phei nyütpu anhüng ükhoih-e maawe ngoh yangki;

²⁶shekels gho ja pen nyüppu hon nükpheih shengja sünyet-e maawe;

²⁷mahu üpongha ja, younpong ja, jakke dolak jingne wangja nao nyeepongha ja;

²⁸ünu dolak jingne younpong üpong ja;

²⁹hüyange chingmei dopu toilak jingne, mahu üpong ni nyeepong nga, hüyange wangja nao nyeepong nga. Hatüowa Helon üha Eliab-e dopu ne ngoh yangki.

³⁰Peli shepupa nyih me Reuben hayim woipa Shedeur üha Elizur dopu yahpei:

³¹Iye dopuwa khüm sheng ja shekels gho ja phei me delüm tokpu ngoh yangki; shekel denyit tokpu khüm yankhong ja, khümjing me ngohpu toklak kih-e; moini hahying dopu jingne minnga phei nyütpu anhüng ükhoih-e maawe ngoh yangki.

³²Shekels pen tokpu hon nükphei sheng ja sünyet-e maawe;

³³mahu üpongha ja, nyeepong ja, jakke dolak jingne wangja nao nyeepongha ja;

³⁴ünu dolak jingne younpong ja;

³⁵hüyange chingmei dopu toilak jingne, mahu üpong ni, nyeepong nga, younpong nga, wangja nao nyeepongha nga; hatüowa Shedeur üha Elizur dopu ne ngoh yangki.

³⁶Nga shepupa me Simeon hayim woipa Zurishaddai üha Shelumiel:

³⁷Iye dopuwa khüm sheng ja shekels gho ja phei me delüm tokpu, shekel denyit tokpu khüm yankhong ja, khümjing me ngohpu toklak kih-e; moini-a hahying dopu jingne minnga phei nyütpu anhüng ükhai ne ngoh yangki;

³⁸shekel pen tokpu hon nükpheih sheng ja sünyet-e maawe ngoh yangki;

³⁹mahu üpongha ja, nyeepong ja, wangja nao nyeepong ja jakke dopu jingne ngoh yangki;

⁴⁰ünu dopu jingne younpong ja;

⁴¹hüyange chingmei dopu toilak jingne mahu üpong ni, nyeepong nga, younpong nga, hüyange wangja nao nyeepongha nga. Hatüowa Zurishaddai üha Shelumiel-e dopu ngoh yangki.

⁴²Wok shepupa nyih me, Gad hayim woipa, Deuel üha Eliasaph:

⁴³Iye dopuwa khüm sheng ja shekel gho ja phei me delüm tokpu, shekel denyit tokpu khüm yankhong ja, khümjing me ngohpu toklak kih-e; moini-a hahying dopu jingne minnga phei nyütyange anhüng ükhoih-e maawe ngoh yangki;

⁴⁴shekel pen tokpu hon nükhah sheng ja sünyet-e maawe ngoh yangki;

⁴⁵mahu üpong ja, nyeepong ja, wangja nao nyeepong ja, jakke dopu jingne ngoh yangki;

⁴⁶ünu dopu jingne youn pong ja;

⁴⁷hüyange chingmei dopu toilak jingne, mahu üpong ni, nyeepong nga, younpong nga, wangja nao nyeepong nga. Hatüowa Deuel üha Eliasaph dopu ne ngoh yangki.

⁴⁸Nyit shepupa nyih me, Ephraim hayimlan woipa Ammihud üha Elishama;

⁴⁹Iye dopuwa khüm sheng ja shekel gho ja phei delüm tokpu, khüm yankhong ja shekel denyit, khümjing me ngohpu toklak kih-e; moini hahying dopu jingne minnga phei nyütpu anhüng ükhaiye maawe ngoh yangki;

⁵⁰shekel pen tokpu hon nükpheih sheng ja sünyet-e maawe;

⁵¹mahu üpong üha ja, nyeeha ja, wangja nao nyeepongha ja, jakke dolak jingne;

⁵²ünu dolak jingne younpong ja;

⁵³hüyange chingmei dopu jingne toilak jingne mahu üpong ni, nyeepong nga, younpong nga, wangja nao nyeepongha nga. Hatüowa Ammihud üha Elishama dopu ngoh yangki.

⁵⁴Tet shepupa nyih me Manasseh hayim woipa Pedahzur üha Gamaliel;

⁵⁵Iye dopuwa khüm sheng ja, shekel gho ja phei me delüm, tokpu ngoh yangki; khüm yankhong ja shekel denyit tokpu, khümjing me ngohpu toklak kih-e, moini-a hahying dopu jingne minnga phei nyütyange anhüng ükhai-e maawe ngoh yangki;

⁵⁶shekel pen tokpu hon nükpheih sheng ja sünyet-e maawe;

⁵⁷mahu üpongha ja, nyeepongha ja, wangja nao nyeepongha ja jakke dolak jingne;

⁵⁸ünu dopu jingne youn pong ja;

⁵⁹hüyange chingmei dopu toilak jingne, mahu üpong ni nyeepong nga, younpong nga, hüyange wangja nao nyeepongha nga. Hatüowa Pedahzur üha Gamaliel dopu ngoh yangki.

⁶⁰Tu shepupa nyih me, Benjamin hayim woipa Gideoni üha Abidan:

⁶¹Iye dopuwa khüm sheng ja, shekel gho ja phe me delüm tokpu, khüm yankhong ja shekel denyit tokpu, khümjing me ngohpu toklak kih-e; moini hahying dopu jingne minnga phei nyütyange anhüng ükhai-e maayange ngoh yangki;

⁶²shekel pen tokpu hon nükpheih sheng ja sünyet-e maawe;

⁶³mahu üpong üha ja, nyeepong ja, wangja nao nyeepongha ja jakke dopu jingne ngoh yangki;

⁶⁴youn pong ja ünu dopu jingne;

⁶⁵hüyange chingmei dopu toilak nanjingne, mahu üpong ni, nyeepong nga, younpong nga, wangja nao nyeepongha nga. Hatüowa Gideoni üha Abidan dopu ngoh yangki.

⁶⁶Pen shepupa me Dan hayim woipa Ammishaddai üha Ahiezer:

⁶⁷Iye dopuwa khüm sheng ja, shekel gho ja phei me delüm tokpu, khüm yankhong ja, shekel denyit tokpu, khümjing me ngoh pu toklak kih-e; moini hahying dopu jingne minnga phei nyütyange anhüng ükhai-e maawe ngoh yangki;

⁶⁸shekel pen tokpu hon nükpheih sheng ja sünyet-e maawe;

⁶⁹mahu üpongha ja, nyeepongha ja, wangja nao nyeepongha ja jakke dolak jingne;

⁷⁰younpong ja ünu dopu jingne;

⁷¹hüyange chingmei dopu toilak jingne, mahu üpong ni nyeepong nga, younpong nga, hüyange wangja nao nyeepongha nga. Hatüowa Ammishaddai üha Ahiezer dopu ngoh yangki.

⁷²Pen meja shepupa nyih me Asher hayim woipa Ochran üha Pagiel;

⁷³Iye dopuwa khüm sheng ja, shekel gho ja phei me delüm tokpu, khüm yankhong ja, shekel denyit tokpu, khümjing me ngohpu toklak kih-e, moini hahying dopu jingne minnga phei nyütyange anhüng ükhai-e maawe ngoh yangki;

⁷⁴shekel pen tokpu hon nükphei sheng ja sünyet-e maawe;

⁷⁵mahu üpongha ja, nyeepong ja, wangja nao nyeepongha ja, jakke dolak jingne,

⁷⁶younpong ja ünu dolak jingne;

⁷⁷hüyange chingmei dopu toilak jingne, mahu üpong ni, nyeepong nga, younpong nga, wangja nao nyeepongha nga. Hatüowa Ochran üha Pagiel dopu ngoh yangki.

⁷⁸Penme ni shepupa nyih me, Naphtali hayim woipa Enan üha Ahira:

⁷⁹Iye dopuwa khüm sheng ja, shekel gho ja phei me delüm tokpu, khüm yankhong ja, shekel denyit tokpu khümjing me ngohpu toklak kih-e, moini-a hahying dopu jingne minnga phei nyütpu anhüng ükhai-e maawe ngoh yangki;

⁸⁰shekel pen tokpu hon nükpheih sheng ja, sünyet-e maawe;

⁸¹mahu üponghaja, nyeepong ja, wangja nao nyeepongha ja, jakke dopu jingne;

⁸²younpong ja ünu dolak jingne;

⁸³hüyange chingmei dopu jingne mahu, üpong ni, nyeepong nga, younpong nga, wangja nao nyeepongha nga. Hatüowa Enan üha Ahira dopu ngoh yangki.

⁸⁴Hatüowa Israel woipalan-e minnga phowe leye yahpu nyih me wümjong jaowe tamne dopu ngoh yangki; khüm sheng pen me ni, khüm yankhong pen me ni, hon nükpheih sheng pen me ni,

⁸⁵khüm sheng lili me shekel gho ja phei me delüm hüyange yankhong lili me denyit khüm toinan khongkümpu-a khümjing me ngohpu toklak kih-e, tokpu shekel haja ni gho peli ngohyangki.

⁸⁶Sünyet-e maawe hon nükpheih sheng pen me ni, khümjing me ngohpu toklak kih-e, ja ja me shekel pen me nga nanjing tokpu ngoh yangki; hon nükpheih sheng khongkümpu me shekel gho ja da nanjing;

⁸⁷yinmok jakke dopu jingne mahu üpong pen me ni, nyeepong pen me ni, wangja nao nyeepong pen me ni, hüyange tüolan jingne hahying dopu; hüyange ünu dopu jingne younpong pen me ni;

⁸⁸hüyange chingmei dopu jingne mahu üpong khongkümpu da phei me peli, nyeepong dewok, hüyange younpong dewok, hüyange wangja nao nyeepongha dewok. Hatüowa wümjongte minnga phowe jaowe tamyang phei me dopu ngoh yangki.

⁸⁹Aope Mosawe khümjing nyenokte Youngwanpa phei ngaone ong, hüwante shüpshe shotjing ütang yeme ghonu tangme cherubim ni pa mepu Ngaowüng jawe I phei ngaowe jai; hüyange hatüowe Ite ngao.