Read Konyak Naga MAIKA 2 Bible Online

MAIKA 2 - Konyak Naga bible

MAIKA 2

¹Aoyinne ünu juteih phei hüyange iman shinleng me phayange ngoh tüolan jingne hangshin fajümlihlakpa! Aope wangngailakei iman-e hipak ümei tüopu phei jamshe iman-e tümpu ünu ling.

²Aope iman-e kah yah huyapeih, tüolan-a iman-e nyieyah; aope iman-e nok yahhuwe teihyapeih, tüolan-a iman-e yah. Aowe kahta noksa-o yejema-a mothkat-o yinpu ye-ok.

³Tüojingne Youngwanpawe inang, “Taowe numan tangme mahtampupa peilak jingne tümnang, hüyange tüopa mepu numan yinpu ye-oklak. Numan nying nyingke shangpu me ngoh nang she numan-e ngelak, tüophei me shaaji otapu phei numan yekemlak.

⁴Aope tüopa hipak peilakeih, kahtalan-e numan pungaowa mahtampu leppu ja ne jonlak, hüyange iman-e nange pongyangpu jeng monghümlak yenangpu tüopa hem loklak: “Toman-a lanshe heamteki! Youngwanpawe toman kahtok yahteiteki Hüyange aoyinne toman phowe tei tüolante tüopa-a phateki.”

⁵Tüokhei Youngwanpa kahtalante kahmük-a phawe yelak jingne aope hipak peilakeih, numan ao jingne-o meitam yenanglak.

⁶Kahtalan-e üte konnyüowe ye, hüyange i: “Tomante kontah nyüopha. Tüolan jeng khongkümpu kon tahnyüo. Kahwange toman winne yetüoh külak.

⁷Israel kahtalan-a phoiwümpu phangme ngohnang she nange teihnang kü a? Youngwanpa yoi nünne okpu mahne tamyapu a? Iye ütingme hükihpu toi linglak a? Aoyinne ütingpa ling tüolante Iye yayengpu phei yengaopu a?”

⁸“Hüpoi numan-e ü-kahtalante wepalan kih-e shüm. Nok ngoiküma-a iman-a yintepu she teihyange, shapju mepu kahtalan leihye, hüpoi iman jing tok mepu phakshaoh kuhyahlak jingne tüoken me numan-a tanne ngoh.

⁹Numan-e ü-kahta shekolan iman-e kenpu yoi noksa mepu jange tei, hüyange jintepu jingne Taowe moimantampu iman hayimlan numan-e nyieyah.

¹⁰Yongtüoh hüyange taitüoh, shaaji tüoken me yinne oklak hango yenang. Numan ünuwe tüopa nyoi-a mahne tamme mahnang.

¹¹“Tüolan kahtalan-e aoyinne tahleih shaha iye hüyange lowelamme nyüopu hüke, ‘Taowe, hi-ngao iye tamnang hüke wuwüngti hei süi numan jingne shokke tamkülak’ she ipu hipa iman-e yahhu nang.

¹²“Hüpoi Israel kahtalan aoyin towe tüoh (jetoha), khongkümpu Taowe numan jamshe yah jemlak. Ükhong yote nyee leih yepu kih-e Taowe numan jamshe shaijemlak. Nyeeye maapu heeijong kih-e, numan kahmük-a nishe kahta üngang ngohlak.”

¹³Kahwange iman jingne tailam eplak hüyange phowe teiye ngohpu mepu iman woilak. Iman-e chingnyu petenlan menglak hüyange hangko yeteihpe onglak. Iman jing ahngpa, Youngwanpa Iye iman woiteilak.