Read Konyak Naga HABAKKUK 3 Bible Online

HABAKKUK 3 - Konyak Naga bible

HABAKKUK 3

¹Hatüowa hipa Habakkukwe lok ngao me yoppu ngohnang:

²O Youngwanpa, nange hanghe lingyangki taowe jaiyangki, hüyange taowa nyampuwe maa. Sha-a nange linghümpu kihpu toinyu üyong nishe toman hipak me-o lingkei. Nang mongshihpu hipak ne ngoh yahpoi, shüpshepha.

³Kahwang-a nishe Teman mepu peiküki; Üjao Kahwang-a Paran kahtanglan mepu peiküki. Oyaih I nahlangpu toishaolan-e wangdanglan maayange hüyange kahtoknyuwa Ite yihlupuwe maayange ngohnang.

⁴Wangphihlangpu wangngai phei, wangngai-a I yak mepu lüppe tamme, Ümeken mepu I üngan wong lowe ang tüoken mepu I peinang.

⁵I shaote Iye daktin shon hüyange I pheite lipu woilak jingne ngaokeng pha.

⁶Aope I lakyapeih, kahtoknyu ponang. Iye leihei leipute jatlan ninnang. Jinte ngohpu kahtanglan-a küppe mah; üküm yenangpe ngohpu kahmüohlan hümme ta; Üshongwante ümeken me I kemyangki tüolan kahmüohlan hümme ta.

⁷Kushan kahtalan nyampu hüyange Midiah kahtalan ninpu taowe nge.

⁸Youngwanpa, nang mongshih ngaine tampuwa yengyinlan a? Nang mengshi ne tampuwa yengchinglan a? Wangphomlan tangme nang ongnang; waishihwangkhah wangphom-a nangjing pong tongtoi, Nang kahtalan tangme nange okpupa yah peiyangpu kih-e ngoh nang.

⁹Nange nangjing wenglah jonlak jingne tümteki, nange shaaji wenglah keplak jingne tümteki. Oyaih Kahtoknyuwa nange lüppe tampu wanglüp puwe phüppe ep.

¹⁰Aope kahtanglan-e nang nge, iman ninne mah; wang mepu yeng shokke taitam. Kahtok mongme ngohpu yenglan waowe ngai, hüyange iman yengyungpu ütangte lüowe ngai.

¹¹Nangjing lahhanlan keppe teipu wüngte hüyange phihlangpu nangjing ngou lüplakpute, linnyu hei wanghe jünge yepope laknang.

¹²Mongshih ngaipu phei kahtoknyu yanne tamlak jingne nang yayong nang; loishe mengshi puphei nange jatlante yawe shoppe tamnang.

¹³Nang kahtalan yintamlak jingne hüyange nange lepu ahngpa yinlak jingne nang yayonge tai. Ümengpa woipate nange shet hüyange I pheite woipalan lanshe mahne tam. Oyaih

¹⁴I jing nyahpong woipate nangjing lahhanne honge tam aope toman yanne tamlak jingne tüopa-a waishihwangkhahpu kih-e pei, aoyinne toinanpalante lowe shaoshi yaline tam; tüolan-e lahnyikke teihpu kih-e ngai.

¹⁵Nange nangjing koiponglan phei yengchingte yawe shoppe tam, hüyange wongnangpu yeng-a ü-oun ne mengemah.

¹⁶Taowe tüolan khongkümpu jai, hüyange tao nin; nyampuwe ü-jupen ninne khüw, Ü-püm lanshe youtte mah, hüyange ü-yashongme tao üyashah hüo. Aoyinne tomante shümnang tüolante aope Kahwange shaoshi yateng phalakei, tüopa hipak peiye tamlak jingne taowe jünge tanne ngohlak.

¹⁷Phukpeelan me ülick yenang yapoi, hüyange wuwüngwu me wulick yengai yapoi, Olive ülick ühak yekoh yapoi hüyange yimnyulan me ülick yengai yapoi, Nyee khongküm liyapeyoi hüyange mahu khoklan ükengne mengyapoi;

¹⁸tüoyangpoi tao yelakpe hoongli mongonge mongmeilak, hangjingne ima-a Youngwanpa Kahwang-a ü-yinyepa.

¹⁹Youngwanpawe üte wong phanang. Iye üte meishi ya kih-e ü-ya mongne tamnang, hüyange kahtanglan me Iye tao yinne angnang. Woipa jingne: yanlah pheipu kongtoi