Read Konyak Naga ZEKHARIA 7 Bible Online

ZEKHARIA 7 - Konyak Naga bible

ZEKHARIA 7

¹Darius ahngne mengpu wangpeng peli, lekeng tu shepu (Chislev) hüyange nyih peli shepupa nyih me Youngwanpawe üte ngaolan pha.

²Youngwanpa mepu moiman tüone yoplak jingne Bethel kahtalan-e Sharezer hei Regemmelech hüyange iman pheipu kahtalan Ütahpa Youngwanpa Khümjingte,

³hüyange ngengpalan hei hipalante tüopa tongpu tonglak jingne shon. “Sha-a toman-e wangpeng nangjange linge peipu kih-e, khümjing mengpu jingne toman-e shappe yoongpu yelakpe yahwe lekeng nga shepupa me nyaowelepu yelakpe yahlak a?”

⁴Hüwante Ütahpa Youngwanpa mepu ngaolan üte pei:

⁵Iye i, “Kahmük me ngohpu kahtalan hüyange ngengpalante tüopa itüoh hüke tüopa wangpeng denyit mongme lekeng nga hei nyit mongme numan-e nyaoweleye hüyange shappe yoonge ngohyangpuwa, üte yihnoonpu me ngohyangpu a?

⁶Hüyange aope numan-e hah hüyange ying, tüolan-a numan-e yoite monghulak jingne hei ngohyangki.”

⁷Hatüowa üshongwantepu hipalan kaiye Youngwanpawe hanghe i aope Jerusalem jaalunpu phei ngoh hüyange kahtalan-e maawe ngoh hüyange aope chingnyu neikonpu jilalan shaha me üjepe hüpoi heyekao nyoilan me hüyange henyipyekao kahyashong yinme kahtalan üngang ngohpu hipak me ngaoyangki.

⁸Youngwanpawe Zekhariate tüopa ngaolan pha:

⁹“Hipak nangjange taiteki Taowe ü-kahtalante tüopa ngaokeng pha: ‘Ngaotingpa-a jonyashi numan-e leilak yang, hüyange yayenge teihpu hüolak yang.

¹⁰Wamnyulante, khah-halante, hüyange yinpalan aoyin numan yo me nyoi yejema-a wongpongne mengteiye ütam ja nehoi ngohpute, tüolante shangne tahtam. Hüyange jawe jate yemeipe linglak ülam tahteih.’ ”

¹¹Hüyangpoi kahtalan-e ngayounpu phei ngao minjai she lanne tam. Iman-e imanjing kenmong küp-e mah,

¹²hüyange iman-e imanjing mongjanga longnyu wanpu shinne wanne mah. Hangjingne ima-a aoyin hipalan üshongwante ngohyangki tüolan kaiye Taowe shonpu tüopa nyüopute iman-e yejai, Tao yeonge mongshih ngai.

¹³“Aope Taowe ngaoyapeih iman-e yejai, tüojingne aope iman-e yopyapeih Taowe yejan.”

¹⁴“Yinching kahmüklan me ngohlak jingne waishihwangkhah kih-e Taowe iman moiye teine tam. Tüopa kahmük ümei-a wüngmakpu ükeng nyoijing ja ne, tüopa me ao-o yenyoi tampe tüohne tam.”