Read Konyak Naga MALAKHAI 4 Bible Online

MALAKHAI 4 - Konyak Naga bible

MALAKHAI 4

¹Ütahpa Youngwanpawe inang, “Helangkatwongpu hüyange ümeng kahtalan tahjan kih-e khongkümpu jaklak tüopa nyih peiküki. Tüopa nyih me iman hahshulak, hüyange iman yalah jeyah üqui jeyah, towe tüohpu hango yenanglak.

²Hüpoi aowe ü-ngao jai numan jingne-a, numan tangme üyin ne tampu üngan wong wanghe kih-e ngaitamlak hüyange wanghe yateepu kih-e meitampu yah peilak. Numan lantampu ngohlak hüyange ükhok mepu taine tamwante mahu üha mongmeipu kih-e mongmeilak.

³Aope nyih Taowe toi linglakei, numan-e ümengpate okpu ngelak, hüyange iman-a numan yaphang me kahmak kih-e ngohlak.

⁴“Ü-shaoshanpa Mosawe nyüopu teih tüoyah, Israel kahtalan liliye jaiye jonlak jingne Taowe Sinai kahtangme hanghepa ngaokhüm hüyange ngaokeng Ite pha.

⁵“Leihuyah, fajümlihlakpa hüyange Youngwanpa nyih üyong peishao me, Taowe numante Elijah hipa shonlak.

⁶Hüyange tao pei-e kahmük te phoiwümpuwe ngoitam ya lakyang she, nyupalan kenmong jang hayimlan tangte hüyange hayimlan kenmongjang nyupalan tangte Iye lüpyene tamlak.”