Read Konyak Naga MATTHEU 1 Bible Online

MATTHEU 1 - Konyak Naga bible

MATTHEU 1

¹Hatüo lan-a Jesu Khrista jongnyoi, Abraham üli David, David üli Jesu Khrista.

²Isaac üpa Abraham, Jacob üpa Isaac Judah hei yoi jeihei naolan üpa Jacob,

³Perez hei Zerah (Inyu Tamar mepu) üpa Perez, Ram üpa Hezron;

⁴Aminadab üpa Ram, Nashon üpa Amminadab, Salmon üpa Nahshon:

⁵Boaz üpa Salmon Rahab mepu, Obed üpa Boaz Ruth mepu, Jesse üpa Obed,

⁶hüyange David Ahngpa üpa Jesse. Hüyange Uriah sheko mepu ngaipu Solomon üpa David,

⁷Rehoboam üpa Solomon. Abijah üpa Rehoboam, Asa üpa Abijah,

⁸Jehoshaphat üpa Asa, Joram üpa Jehoshaphat, Uzziah üpa Joram,

⁹Jotham üpa Uzziah, Ahaz üpa Jotham, Hezekia üpa Ahaz,

¹⁰Manasseh üpa Hezekia, Amos üpa Manasseh, Josiah üpa Amos,

¹¹Jecohniah hei I jeiheinaolan üpa Josiah, Babilon te Israel kahtalan phowe teiwan tepu pajeiyonglan ngoh yangki.

¹²Hüyange Babilon te teiphei me: Shealtiel üpa Jekhonia, Zerubbabel üpa Shealtiel,

¹³Abiud üpa Zerubbabel, Eliakim üpa Abiud, Azor üpa Eliakim,

¹⁴Zadok üpa Azor, Akhim üpa Zadok, Eliud üpa Akhim

¹⁵Eleazar üpa Eliud, Mathan üpa Eleazar, Jacob üpa Mathan,

¹⁶hüyange Mary netanpa Joseph üpa Jacob, ao me Jesu puh, hüyange ao te Khrista she nyik.

¹⁷Tüokhei Abraham mepu David ngoiye jin üshei penpeli, hüyange David mepu Babilon te teipu mongme jin penpeli, hüyange Babilon te teipu mepu Khrista (Messiah) ngoiye jin penpeli.

¹⁸Sha-a Jesu Khrista puhpu hüke ngoh. Aope Inyu Mary Joseph phei khümyange ngoh, imni üne-o manshüp jemwante Yaha Üjao kaiye yha püm yekengpe nge.

¹⁹Yha netanpa, Joseph, hüke khakshupu kahta ja ne menge ükhong sheshao me yha wüotüone yetamhupe jünge yha phei yanlak jingne tüm.

²⁰Hüpoi Iye tüopa ngao mongme ang, hüyangpoi mangme Youngwanpa shongmokpa I tangte ngai hüyange i, “David üha Joseph, nang sheko Mary nok te peilak tah nyam, hangjingne yha me hanghepa püm yekengpe ngoh hatüowa Yaha Üjao kaiye ngoh nang.

²¹Yhawe netan moija pailak, hüyange nange Ite Jesu she minlak, hangjingne Iye yoi kahtalan iman ünu mepu yinlak.”

²²Tüolan khongküm Youngwanpawe hipa kaiye ngaoyangpu ütahte ngailak jingne ngaiyangki.

²³“Hüowü, yhashaoha püm yekengpe ngailak, hüyange netan moija pailak, hüyange Ite Emmanuel she nyiklak.” Hanghete leppu Kahwang teman phei ngohnang.

²⁴Aope shipu mepu Joseph shinlüo Youngwanpa shongmokpawe Ite iyangpu kih ling, hüyange nok te yha yoi sheko ne pei,

²⁵hüyangpoi yhawe netan naha ja manpuh manpuh yha phei I yepüang, hüyange Iye Ite Jesu she min.