Read Konyak Naga LAMPULAN 6 Bible Online

LAMPULAN 6 - Konyak Naga bible

LAMPULAN 6

¹Sha-a tüopa nyih hei hipak me aope pinlan shangtoi pange ngai, Greek ngaopu Jehudilanne Hebrewlan pa ipu ngai, hangjingne iman wamnyulan nyihjeih hahying meitamme yepükpe shüppe ang.

²Tüokhei penme niye pinlan ükhong iman tangte nyik-e i: “Teman-e hahying namnolak jingne Kahwang ngao winlak yeshu.

³Tüokhei jeiheinaolan, min mei ngohpu hüyange Yaha maapu juteih wangpu kahta nyit, aoyin teman-e tüopa toite leilak jingne lelak, numan yo me yamtüoh.

⁴Hüphei me, tomanpa-a, yoppu me hüyange konnyüopu toime lanshe hipak phünne phaküning.”

⁵Hüyange tüopa ngao jaiye ükhong moilan mongmei, hüyange ütinglakpu hüyange Yaha Üjaowe maapu kahta ja Stephen; tüophei me Philip, Prochorus, Nicanor; Timon, Parmenas, hüyange Antiok mepu Jehudi wanglam yahpu yinhu ja Nikolas, iman-e le.

⁶Tüolan iman-e lampulan sheshao me peitam, hüyange iman-e yopyang phei me, yakke imante shüng.

⁷Hüyange Kahwang ngao jaalun, hüyange Jerusalem me pinlan maawe shangtoi ipu me om; hüyange ngengpa ükhong üyong jawe ütinglakpu yah.

⁸Hüyange Stephen shüpshe hüyange ünganwonge maawe, kahtalan yo me yashanyali hüyange kahnyingwüngha füo üyong ling.

⁹Hüyange iman Nanngai Synagogue (hatüo hüke nyikpu ngoh) mepu ütam, hüyange Cyrenia, hüyange Alexandria, hüyange Cilicia mepu, hüyange Asia lanne Stephen phei ngaomop ngaiye yong.

¹⁰Hüyange Iye konngao hüyange Yaha phei ngaopu iman-e yenao ok.

¹¹Tüokhei iman-e kahta ütamte lowe phayange hüke ngaone tam, “Iye Mosa hüyange Kahwang phei tüi-e ngaopu toman-e jaiyangki!”

¹²Hüyange iman-e kahtalan, jeiyonglan, hüyange ngaokeng nyüopalan mopne tam, hüyange I tangte peiye I phowe pangshanlan sheshao me woipei.

¹³Hüyange iman-e ngaoleih saki phalak jingne ütam peiye ang, hüyange tüolanne hüke i, “Hatüo üjao nyoi hüyange ngaokeng phei tüi-e kahta tüowe ngaopu yelak.

¹⁴Hangjingne hatüo Nazarethlan Jesuwe nok hatüo menglak hüyange Mosawe tomante phapu wanglam leijeitamlak she Iye ngaopu toman-e jaiyangki.”

¹⁵Hüyange shotte ngohpu pangshanlan üsheiye Stephen te tingkhakke lei hüyange I sheta wangdang shongmokpa sheta kih nge.