Read Konyak Naga ROME 4 Bible Online

ROME 4 - Konyak Naga bible

ROME 4

¹Hümma-a iy hei mei yeme teman puyim Abraham jeng teman-e hang ilak shi?

²Hangjingne Abraham toishao kaiye tingetampu ne mengma-a, I yongelüopu oklak; hüyangpoi Kahwang yeme yeje.

³Ngaolai me hang ipushi? “Abraham-e Kahwangte meng, hüyange hatüo I jingne khakshupu she iyeshe.”

⁴Hangjingne aowe lingnang, I küw hünghao jakih ye-i, hüyangpoi pheeisea kih inang.

⁵Hüyangpoi kahta aowe yelingpe, hüyangpoi aowe Kahwang yejepute ütingpa lingyange, Ite ütinglak, I ütinglakpuwa khakshupu kih inang.

⁶Tüokheima Davidte-o Kahwange ao te toishao ye-ompe khakshupu kih inang I moimanpu she shingne tamnang.

⁷“Aoyin ümeng winyangki, hüyange aoyin ünu büangyange ngoh, iman moimanpu.

⁸Ao te Youngwanpawe ünu ine yetam, I moimanpupa.”

⁹Hümma-a hatüo moiman üshokhüppu jingne heiya, yejema-a üsho yekhüppu jingne peipu? Hangjingne teman-e inang, Abrahamte Iye ütinglakpuwa üjaopa she i.

¹⁰Hümma-a hatüo hangke? I shokhüpyange ngohwante heiya, yejema-a shoyekhüppe ngohwante? Shokhüp yange ngohwante yeje, hüyangpoi sho mahkhüppe ngohwante.

¹¹I shomankhüppe ngohwante muh I ütinglakpu kaiye khakshupu ülam ja yejema-a yepinlakpa ja ne Iye shokhüppu tüoyangki. Hatüowa shoyekhüppe ütinglakpu üshei üpa ne I menglak jingne, hüyange iman khakshupu she ilak jingne Iye shokhüppu yepinlak yah.

¹²Hüyange teman üpa Abraham-e shoyekhüppu hipak me hanghe ütinglakpu lamnyu me kem, tüopa lamme kempalan aoyin shokhüpyange ngoh, üne-o iman shokhüppu üpa ne menglak jingne Iye shokhüppu yepinlakpa yah.

¹³Hangjingne Abrahamte yejema-a I mepu ülite I kahtoknyu mothleipa ne menglak she tüopa janpuwa ngaokeng kaiye yepha, hüyangpoi ütinglakpu khakshupu kaiye pha.

¹⁴Hangjingne ngaokeng jonpalan-a mothleipa lanne menge tamma-a, ütinglakpu ükeng hüyange janpuwa jajangjapu ne mengnang;

¹⁵hangjingne ngaokenge mongshih ngaine tamnang; hüyangpoi ümeken me ngaokeng yenang ümeng yenang.

¹⁶Tüokhei janpuwa ütinglakpu tangme yafün ling, hüke Abraham mepu huhayimlan üsheite Kahwangpa jajang japu hünghao ne janpuwa phatamlak jingne; Ngaokeng jaiye jonpalan jing shaha yeje, hüpoi aoyinne Abraham-e ütinglakpu te meitam yah, hangjingne Abraham-a teman moilan jingne Yaha Üpa ngohnang.

¹⁷Nyanne ngohpuke, “Taowe nang jat maapu Üpa ne mengtamlak.” Hangjingne Kahwang aote Abraham-e meng, hüyange ngai yenangpu toilante ngohnang pukih nyik.

¹⁸I shongte Abraham-a mengpalan üshei üpa ngohnang. “Hüke nang hayim ngohlak,” she iyangpuke, I jat maapu üpa ne menglak jingne Iye monghümlak yenangwante-o monghümme mengyangki.

¹⁹Hüyange I wangpeng gho ja meime jeiyongne menge I püm lilak kih hüyange Sarah naonyoi ükeng she teihyapoi, Iye ütinglak pume wong yenangpe yengoh.

²⁰Kahwange janyangpute Iye üting yelakpe yengoh, hüyangpoi ütinglakpu kaiye wongtüo hüyange Kahwangte müktishiwapu pha.

²¹Kahwange hanghe jan tüopa hei lingkülak she Iye mei meiye shing.

²²Tüokhei, I ütinglakpuwa “Khakshupu she Ite i.”

²³Hüyangpoi “I khakshupu she yahpu,” tüopa ngao I jingne shaha yenyan;

²⁴hüyangpoi teman jingne-o hatüo nyan, hangjingne aowe teman Youngwanpa Jesu lipu mepu yange yenetam, Ite teman-e mengpuwe üne-o teman jingne teman ütinglakpuwa khakshupu ne ilak.

²⁵I aowe teman ünu jingne phünne pha, hüyange teman tinge tamlak jingne nishe yange yene tam.