Read Konyak Naga 1 KORINTH 8 Bible Online

1 KORINTH 8 - Konyak Naga bible

1 KORINTH 8

¹Sha-a mounglante hahying dopu jeng me; “Teman üsheiye teishingpu konngao ngohnang she teman-e shing.” “Shingemanpuwe” kahta ota ne tamnang, hüpoi kenpuwe jongne tamnang.

²Ütam-e Iye ülam ja-a shingnang she teihma-a, Iye üne-o hangke shinglak wongpongne ngoh hango manshing.

³Hüpoi ütam-e Kahwangte kenma-a Iye I shingnang.

⁴Tüokhei mounglante uhyingpu hahying hahpu jeng me, “Kahtoknyu me moung puhpaiye ngaijing yenang she teman-e shingnang.” “Kahwang ja tokte ao-o yenang she” teman-e shing.

⁵Hangjingne wangdang me jeyah, kahtoknyu me jeyah, kahwanglan she nyikyapoi, ütingme “Kahwanglan” maawe hüyange “Nokpulan” maawe ngohnang.

⁶Tüoyangpoi teman tangme Kahwang ja shaha ngohnang. Tüopa-a Üpa, hüyange üshei I mepu ngohnang, hüyange teman I jingne ngohnang; hüyange Youngwanpa ja hei ngohnang; tüopa-a Jesu Khrista, hüyange I kaiye üshei ngohnang, hüyange I kaiye teman ngohnang.

⁷Tüoyangpoi kahta üshei me tüopa juteih yenang. Hüpoi ütam-e sha-a ngoiye mounglan jeng teihpu jingne, moungte uhpu hahying she teih-e tüopa hahnang, hüyange iman kenmong wong yenangpuwe nunang.

⁸Hahyinge teman Kahwang sheshaome min yonglak ne yeje, teman-e yehah yahpoi, shemeipupa yeje, hahyapoi shemeipupane yeje.

⁹Hüpoi tüopa me numan-e nanghupu kih nangwante wong yenangpalan yashah hüone yetamlak jingne kentingyah.

¹⁰Hangjingne tüopa jeng shingpu kahta jawe nang moung khümjing me shotyange hah ngema-a, I wong yenangma-a, moungte uhpu hahying hahlak. I kenmong wongnange yetamlak a?

¹¹Hüyange tüone menge nange shingpu kaiye wong yenangpu jeiheinao, ao jingne Khrista li, I mahnang!

¹²Aope hüke jeiheinaolan phei tüi-e ünu linge hüyange wong yenangpe ngohwante, iman kenmong mayahne tam, Khrista phei tüi-e numan-e ünu omnang.

¹³Tüokhei hahyinge ü-jeiheinaolan yashah hüone tamma-a, taowe ü-jeiheinao yashah hüone yetamlak jingne taowe aope-o mei yehahlak.