Read Konyak Naga 1 KORINTH 9 Bible Online

1 KORINTH 9 - Konyak Naga bible

1 KORINTH 9

¹Taowe lantampu mantüopu a? Tao lampu ja yeje a? Taowe teman Youngwanpa Jesu ye-ngepu a? Youngwanpa me numan ü-toishao yeje a?

²Ülao sheshao me tao lampuke yengoh yahpoi, numan shaomepa-a taowa lampu; hangjingne Youngwanpa me numan-a ü-lampu toishao me yepinlakpa.

³Hatüowa üte tokke leipalan sheshao me tienpu ngao ja ngohnang;

⁴Toman-e hahyinglak jingne shupu ne yeje a?

⁵Ülao lampu hüyange Youngwanpa jeiheinaolan hüyange Peterwe woipu kih-e taowe mengpalan shekonyu ja woilak ye-oklak a?

⁶Yejema-a tao hüyange Barnabas tomni hei toi yelingpe yengoh okpu ne a?

⁷Kengphet aowe yoi yoi ngin hah-e toi lingnang shi? Aowe kahme wuwüngkah hamme tüopa ülick yehahnang shi? Hüyange aowe nyee ükhong yomme iman mepu düamyeng yeying nangshi?

⁸Kahta wanglamke taowe tüolan-a ngaopu a? Yejema-a ngaokeng me-o hüke ye-i pu a?

⁹Hangjingne Mosa ngaokeng me hüke nyanne ngohnang: “Nange mahu üponge tahnoi wante ju tahbüang.” Mahu üpong jingne Kahwange yeteih a?

¹⁰Yejema-a Iye tüopa ngao ngaowante toman jingne ipu yeje a? Jenang, toman jingne tüopa ngao nyan, hangjingne aowe kah hoknang Iye monghümme kah hoklak wongpong, hüyange aowe tah yahlakei Iye meitam tüolak she monghümme yahlak wongpong.

¹¹Toman-e numan yo me yaha üli deiyange toinyu nanha pahi wetma-a hangshin loilak?

¹²Ülao lanne hüke numante shuwe jonma-a, toman nehi ünyei shuwe jonlak ne yeje a? Tüoyangpoi toman-e khakshuwe tüo yejon, hüpoi Khrista pungao ümei yebüanglak jingne toman-e sheminlamphe nün oknang.

¹³Khümjing me aoyinne shaoshan iman hahying khümjing mepu tüonang, hüyange aoyinne wümjong me namnonang iman-e dopu meitam tüonang she numan-e yeshing a?

¹⁴Hüke muh pungao ümei konnyüopalan ne pungao ümei kaiye üyin ngohlak she Youngwanpawe nyinge tam.

¹⁵Hüpoi khakshupu taowe tüopa hango yejontam, hüyange hüke üjingne jonne tamlak taowe tüoyin ngao yenyan; hangjingne tao otapu jingne ütam-e tao menge tamleima, tao lipupa shemei!

¹⁶Hangjingne taowe pungao ümei konnyüoma-a, tao hangheme-o yongelüolak ne yenang; hangjingne tüopa hangki üte künne ngohnang; Hangjingne taowe pungao ümei kon yenyüoma-a, üjingne onyukei!

¹⁷Hangjingne taowe tüopa mongonge lingma-a, tao küw ngohnang, hüpoi üte toishao linglak nyingtampu ngohyange, hatüo taowe yemongpe lingma-a;

¹⁸hümma-a ü küw-a hanghe? Hüke pungao ümei me tao shuwe ngohpu khongküm üjonpe, taowe konnyüopu me taowe pungao ümei-a ümee yeyahpe konnyüo.

¹⁹Hangjingne tao kahta üshei mepu nüngneilak yenangpe lanne tampu ngohyapoi, taowe kahta ünyei omlak jingne tao üshei rhane meng.

²⁰Jehudilan oklak jingne taowe Jehudilan shaome Jehudi ja ne meng; hüyange ngaokeng phangme ngohpulan oklak jingne, tao ngaokeng phangme yenang yapoi, iman shaome tao ngaokeng phangme ngohpu ja ne meng.

²¹Hüke muh ngaokeng yenangpalan oklak jingne taowe ngaokeng yenangpulan shaome ngaokeng yenangpu ne meng. Hüpoi Kahwang shaome tao ngaokeng yenangpe yeje, hüpoi Khrista ngaokeng phangme ngohnang.

²²Wong yenangpalan oklak jingne tao wong yenangpalan sheshao me wong yenangpu ja ne meng. Ütam yinlak jingne tao sheminlamphe me üshei phei üshei ne meng.

²³Tüolan üshei pungao ümei jingne, hüyange tüomepu moiman tamme hanlak jingne taowe ling.

²⁴Phetpu weihpalan, üsheiye phetnang, hüpoi sheja shahawe hünghao tüonang, tüopa numan-e yeshing a? Hüke numan-e okpu ngelak jingne phettüoh.

²⁵Hüyange wonpu me petpulan liliye üsheime yoi nying nyingke ngaojaiye tükke oknang. Iman-e mahpu shaoshaoh tüolak jingne tüopa lingnang, hüpoi teman-e yemahlakpa shaoshaoh tüolak jingne yoi nying nyingke tükke oknang.

²⁶Tüokhei tao juteih yenangpe yephet, taowe yakphei pongwante, ükengte tüppu kahta ke yetüp;

²⁷hüpoi taowe mihte konnyüo yange tao ü-nying nyingke yewangpe ngohlak yangshe, taowe ü-püm tükke oknang, hüyange tüopa rha ne menge tamnang.