Read Konyak Naga 2 KORINTH 2 Bible Online

2 KORINTH 2 - Konyak Naga bible

2 KORINTH 2

¹Tüokhei taowe numan tangte üneye mongmenge tam-e minpei she taowe ü nying nyingke mongyangki.

²Hangjingne taowe numan mongmeng ne tamma-a, hümma-a taowe mongmenge tamlak tokte tao mongmeitamlak ao ngohnang?

³Tao aope peilakeih ao mepu taowe mongmei tüolakne ngoh, iman mepu mongmeng tüowe ngohpha ma she, taowe tüopa ngao nyan; hüyange ü mongmei numan üshei mongmei ngohnang she, taowe numan üsheite monghüm-e nyannang.

⁴Hangjingne tao mongjang yeonge paiye hüyange yeonge shangpu phei mükphi yeonge yünne numan tangte nyan; numan mongmeng tamlak jingne yeje, hüpoi numan jingne taowe kenpu üyong numan-e shinglak jingne taowe numan tangte nyan.

⁵Hüpoi ütam-e mongmeng ne tamma-a, Iye üte yeje, hüpoi teitam-e üte jam yeloilak jingne numan üshei mongmeng ne tam.

⁶Tüokihpu kahta jingne sheyongpu jingne shangne tampu tüowe wangpu.

⁷Tüokhei hüke ye-i-pe, tüokihpu kahta jamloi mongmenge lampheli mantüohpe, numan-e I ümeng winne I mongmeiye tamlak wongpong.

⁸Tüokhei numan-e kenpu üyong Ite nishe hüotüoh she taowe numante yoppe tongnang.

⁹Tüojingne numan-e üshei me ngaojaipu ngohyah she, numan jeng üpong tüolak jingne taowe nyan.

¹⁰Numan-e ütamte ümeng winma-a, taowe-o winlak. Taowe aope ümeng winlakei, taowe hanghe ümeng win, tüopa taowe Khrista sheshao me numan jingne win.

¹¹Satanne teman hanghe me-o okne yetamlak ne hangjingne Iye konpu teman-e yeshingpe yenang.

¹²Aope tao Khrista pungao ümei jingne Troaste pei, Youngwanpa me taküp ja üjingne epyange ngoh;

¹³hüpoi ü-nao Titas tüome ye-ngepu jingne ü-yaha me toloi yemeipe ngoh. Tüokhei iman phei yanngao iyange tao Macedonia te tai.

¹⁴Hüpoi Kahwang aowe Khrista me toman okpuwe jinte woinang, hüyange toman kaiye I shingemanpu üpe ümei üshei yeme ütahte ngaitam nang, I minyonge ngohtüoh.

¹⁵Hangjingne teman-a Khristawe Kahwangte dopu sünyet nganmei (üpe) meipu kih-e hanghepa aoyin yinnang hüyange mahnang tüolante ngan-nang.

¹⁶Ja te lipu mepu lipu tangte nganpu, ülao ja tangte üyin mepu üyin tangte nganpu toman ngohnang. Hüyange tüolan jingne ao wangngoipu ngohnangki?

¹⁷Hangjingne maawe, aoyinne Kahwang ngao lowelamme ngaonang, imanke toman yeje. Hüpoi toman-e ütingpa me, Kahwang mepuke, Kahwang sheshao me, Khrista me ngaonang.