Read Konyak Naga EPHESIA 2 Bible Online

EPHESIA 2 - Konyak Naga bible

EPHESIA 2

¹Hüke numan ümeng lingpu hüyange ünu kaiye liye ngoh, Iye numan üyin me menge tam;

²ümpehe me numan kemme ngoh, tüopa kahtoknyu jinke numan-e wangme üngan üyonglan, hanghe yaha ngao jaipu hayimlante sha-a lingnang, I pheite ünu me ja me kem;

³hüyange iman yo me teman-o üsheiye mei yejaoyeshapu me ja me ngoh-e, teman mei hüyange kenmong lahnyikpu jon, hüyange ülao kih-e wanglamme mongshih ngaipu hayimne ngoh.

⁴Hüpoi Kahwang ao yayeng shüpshe me hakpa, I kenpu üyongpuwe Iye temante kenpuwe,

⁵hüke aope teman yemeipu kaiye li, Khrista me temante üyin pha, (shüpshe kaiye numan yinyangki)

⁶hüyange I phei teman yange yenetam, hüyange wangdang nyoijing me Khrista Jesu me teman I phei shot ne tam;

⁷hüke ngoikülak jin me Iye I shüpshe toinyu üyong Khrista Jesu me temante nyoingoh ümei phei hüone ok.

⁸Hangjingne shüpsheye ütinglakpu kaiye numan yinnang. Hüyange tüopa-a yoi nying nyingke yeje, hüpoi Kahwang hünghao;

⁹hüyangpoi ao-o yeyong yelüolak jingne, tüopa-a toishaowe yeje.

¹⁰Hangjingne teman-a I toijong hüyange hanghepa toi ümei me teman-e kemlak Kahwange üshongwante muh tüm, tüopa toishao ümei jingne Khrista Jesu me teman linge ngaiyangki.

¹¹Tüokhei teihtüoyah üshongpe numan, meime Yinhulan aoyinte yakke linge shokhüppulan she nyikpu lanne numante yekhüppu she nyik,

¹²tüopa hipak me numan Khrista mepu yanne ngoh, numan Israellan jat nyupuh yeje, jiengjeppulan janpu me yinpa, monghümlak yenang, hüyange Kahwang ye-ompe kahtoknyu me ngoh.

¹³Hüpoi sha-a Khrista Jesu me numan aoyin üshongpe üjaime ngoh, numan Khrista Jesu iy me ü-o me peitam-e ngohnang.

¹⁴Hangjingne I, aowe Jehudilan hei Yinhulan ja ne menge tam, hüyange teikhahne tamme, yoi yoi ne büange angpu jant mengetam, I teman chingmei.

¹⁵Iye yoime moini-a üla kahta ja ne menge tamlak jingne, iman tei hokpu, hüke wanglam me ngohpu ngaokenge mongpuke, Iye yoi mei me lakne tamme chingmei ngaine tam.

¹⁶Hüyange tüopa kaiye Iye teikhahpu toine tamnang, tangpem kaiye püm ja me moini Kahwang phei sheine tam.

¹⁷Hüyange I peiye, numan üjaime ngohpalan hüyange ü-o me ngohpalante chingmei konnyüo.

¹⁸Hangjingne I kaiye teman moini Yaha ja me Üpa tangte woipeipu ngohnang.

¹⁹Tüokhei shaaji numan yinpa hüyange chingtaipa lan yeje, hüpoi üjaolan phei numan chingpuhu hüyange Kahwang nokphong.

²⁰Numan lampulan hüyange hipalan yafün me we, hüyange Khrista Jesu I nying nyingke nokjing shongnyu longnyu ngohnang.

²¹I me nok üshei khakshuwe shinne weye, Youngwanpa me üjao yopnok jongne tamnang;

²²hüyange yaha me Kahwang toilingjing nok ne ngohlak jingne, Ime numan-o we-nang.