Read Konyak Naga 1 THESSALONI 4 Bible Online

1 THESSALONI 4 - Konyak Naga bible

1 THESSALONI 4

¹Ükümne, jeiheinaolan, numan-e hangke kemlak hüyange Kahwang mongmeine tamlak wongpong, toman mepu numan-e shinge yahpuke, hüyange numan-e hüke kempukih numan-e ünyei ünyei jaalunne kemlak, toman-e Youngwanpa Jesu me numante yoppe hengnang.

²Hangjingne Youngwanpa Jesu kaiye toman-e numante hanghe nyüoweleipu pha, numan-e shing.

³Hangjingne Kahwange mongpu hatüo, hüke numan jaowetampu, hüyange numan-e nuweshakpu mepu yanne ngohlak yang;

⁴hangjingne numan liliye yoi üyin püm hangke jaoshe-ih-e hüyange iyeshepu phei anglak shingnang,

⁵Kahwang yeshingpu Yinhulan kih mei iy lahnyikpu phei yeje;

⁶tüopa jengme kahta aowe-o yoi jeiheinao lowe yetamlak yang hüyange ümeng yelinglak yang; hangjingne toman-e üshongpe numan kentingne tampu hüyange saki phapukih, tüolan üshei me phuh hahpuwa Youngwanpa ngohnang.

⁷Hangjingne Kahwange teman yejaopu jingne yeje hüpoi jaoshe-ihpu me nyik.

⁸Tüokhei aowe tüopa ye-i-yeshe Iye kahta ye-i-yeshepu yeje, hüpoi Kahwang, aowe numante I Yaha Üjao pha, I ye-i-yeshepu.

⁹Hüpoi jeiheinao teikenpu jeng numan tangte nyanlak wongpong yenang, hangjingne jawe jate teikenlak Kahwange numante nyüo;

¹⁰hüyange ütingme numan-e Macedonia me ngohpu jeiheinao üsheite tüopa jonnang. Hüpoi jeihei naolan, üne-o ünyei ünyei linglak jingne toman-e numante hengnang;

¹¹numan juteih jünge ngohpu üyin ne, yoi toishao linglak jingne, toman-e üshongpe ngaoyangpu kih;

¹²tüokaiye ü-atme ngohpalan shaome numan wangngoi ngohlak, hüyange ülaote monghümpu yengohlak.

¹³Hüpoi, jeiheinaolan, monghümpu yenangpu ülaolanke, numan-e mang yeshaplak jingne, toman-e numante shiye ngohpalan jeng shingne yetampe ye-anghu.

¹⁴Hangjingne Jesu li hüyange yange ye she teman-e mengma-a, hüma-a Jesu me shiye taipalan-o Kahwange I phei woiteilak.

¹⁵Hangjingne Youngwanpa yupute ngoiye teman üyinme ngohpalan shiye ngohpalan phei hangke jam üwangne yemenglak she, toman-e Youngwanpa ngaowe numante inang.

¹⁶Hangjingne langphengpu phei ütahpa wangdang shongmokpalan ngaowüng phei, hüyange Kahwang nyawong wüng phei, Youngwanpa yoi nying nyingke wangdang mepu yulak, hüyange Khrista me lipalan üwangne yange yelak;

¹⁷hüwante teman üyin me ngohpalan, aoyin towe ngoh, wangme Youngwanpa phei hüolak iman phei jamme wangphom me toiloi nyeih-e onglak. Hüyange hüke teman jinte Youngwanpa phei ngohlak.

¹⁸Tüokhei tüolan ngaowe numan jawe japhei toloimei tamtüoh.