Read Konyak Naga JOSHUA 15 Bible Online

JOSHUA 15 - Konyak Naga bible

JOSHUA 15

¹Hüyange iman nokphong ityange Judah hayimlan jingne tampu Edom yikeng ngoiye heyekao üküm yeme ngohpu Zin heyekao phao ngoiye ngoh yangki.

²Hüyange iman heyekao yikeng hüm yengching üküm yekao mepu hüyange heyekao yeme meye ngohpu yengching ükong mepu,

³hüyange hatüo Akrabbimte ongpu heyekao yete yelakpe taiye Zin kaiye pei, hüyange Kadesh Barnea heyekao yete taiye Hezron kaiye pei, hüyange Addar ngoiye taiye Karka yete lüp;

⁴hüyange hatüo Azmon kaiye taiye Egypt shaoyinte pei; hüyange yikenga Mediterranean yengchingte shukke yüowe ngoh yangki; hatüo numan jingne heyekao yikeng ne ngohlak.

⁵Hüyange heyekao yikeng hüm yengching, Jordan üküm ngoiye ngoh yangki. Hüyange heyekao yikeng Jordan yengyin üju mepu Jordan üküm ngoiye ngohlak;

⁶hüyange yikenga Bethhoglah ngoiye taiye Beth-arabah apye kaiye tai; hüyange Reuben üha Bohan long ngoiye yikeng tai;

⁷hüyange yengyin heyekao me ngohpu Adummimte ongpu phei tinge Gilgal yekaote meye ngohpu apyekao Achor kahjee mepu Debir ngoiye yikeng tai; hüyange yikenga En-shemesh yeng kaiyange taiye En-rogel me lak;

⁸hüyange Hinnom kahjee yekaote heyekao Jebus yekao ngoiye yikeng tai (hatüowa Jerusalem); hüyange Rephaim apyekao kahjee üküm yeme ngohpu, henyipye Hinnom kahjee shaome kahmüoh üshang ngoiye yikeng ong;

⁹hüyange kahmüoh ütang mepu Nephtoah yengngaijing ngoiye hüyange Ephron kahtang me chingnyulan ngoiye yikeng tai; hüyange yikenga Baalah ngoiye teishin-e (hatüowa Kiriath Jearim),

¹⁰hüyange yikenga Baalah henyip mepu neikon-e Jearim kahtang apyekao (hatüowa Chesalon) kaiye taiye Seir kahtang ngoiye, hüyange Timnah yete kaiye taiye Beth-shemesh ngoiye lai.

¹¹Hüyange apyekao Ekron ngoiye yikeng ngoh yangki; hüyange Shikkeron ngoiye yikeng jaalun hüyange Baalah kahtang kaiye taiye Jabneel me lak; hüyange yikeng üküm-a Mediterranean yengching ngoiye ngoh yangki.

¹²Hüyange henyip yikeng yengching üyongpa hüyange tüopa neikon ngohyangki. Hüyange iman noksa phei phinyange Judah hayim jingne neikonpu yikeng tüone ngoh yangki.

¹³Youngwanpawe Joshuate ngaowe tampuke Judah üha yo me Jephunneh üha Calebte Iye meitam ja, Kiriath-Arba ao Arba üpa Anak ngoh (hatüowa Hebron) hatüo omme pha.

¹⁴Hüyange Calebwe Anak hayim lüm Sheshai, Ahiman, hüyange Talmai, Anak hayim tüomepu jangetei.

¹⁵Hüyange tüomepu Iye Debir me ngohpalan kaiye ong; sha-a Debir minna üshongpe Kiriathsepher ngoh yangki.

¹⁶Hüyange Calebwe i, “Aohipawe Kiriathsepher okpu ngelakei hüyange hatüo yahlakei, Ite shekonyu ne menglak jingne ü-yhala Akhsah phalak.”

¹⁷Hüyange Caleb jeiheinao Kenaz üha Othniel-e chingnyuwa okpu nge; hüyange Iye yoiyhala Akhsah Ite shekonyu ne menglak jingne pha.

¹⁸Naoyha poipu nyih me Othniel-e yhate yhawe Ipate kahja jingne tonglakne Ite yoh, hüyange yhawe yha gado mepu yu, hüyange Calebwe yhate i, “Nange hanghe yah hunangki?”

¹⁹Yhawe Ite i, “Üte moimanja yahkei; nange tao heyekao kahmük me ngohlak üne lingetampu khei yeng ngaijingo üte yahkei.” Hüyange Iye yhate yeng ngai jing ütok hei üphang kahmük pha.

²⁰Hatüowa Judah nokphong iman nyahtap phei shuwe tüopu mothlei ne kahmük ngohnang.

²¹Heyekao Edom yikeng yekao Judah hayim nokphong chingnyulan tüolan ngoh yangki: Kabzeel, Eder, hüyange Jagur;

²²Kinah, Dimonah, Adadah;

²³Kedesh, Hazor, Ithnan;

²⁴Ziph, Telem, Bealoth;

²⁵Hazor Hadattah, Kerioth Hezron (hatüowa Hazor);

²⁶Amam, Shema, Moladah;

²⁷Hazar-Gaddah, Heshmon Bethpelet,

²⁸Hazar Shual, Beersheba, Biziothiah,

²⁹Baalah, Lim, Ezem;

³⁰Eltolad, Chesil, Hormah;

³¹Ziklag, Madmannah, Sansannah;

³²Lebaoth, Shilhim, Ain, hüyange Rimmon; iman chingshaolan omyange chingnyu khongkümpu da me tu ngoh nang.

³³Hüyange kah yashong yeme tüolan chingnyulan ngohnang: Eshtaol, Zorah, Ashnah,

³⁴Zanoah, En-gannim, Tappuah, Enam;

³⁵Jarmuth, Adullam, Socoh, Azekah,

³⁶Shaaraim, Adithaim, Gederah, Gederothaim: iman ching om-e chingnyu pen me peli.

³⁷Üne-o Zenan, Hadashah, Migdalgad,

³⁸Dilean, Mizpeh, Joktheel,

³⁹Lachish, Bozkath, Eglon,

⁴⁰Kabbon, Lahmam, Khitlesh,

⁴¹Gederoth, Bethdagon, Naamah, hüyange Makkedah; iman ching om-e chingnyu pen me wok.

⁴²Üne-o Libnah, Ether, Ashan,

⁴³Iphtah, Ashnah, Nezib,

⁴⁴Keilah, Achzib, hüyange Mareshah: iman ching om-e chingnyu tu.

⁴⁵Ekron, tüopa chingnyu hüyange ching om-e;

⁴⁶Ekron mepu Ashdod ü-o me ngohpu khongküm iman ching om-e Mediterranean yengching ngoiye.

⁴⁷Ashdod, tüopa chingnyu hüyange chinglan: Gaza, tüopa chingnyu hüyange chingshaolan; Egypt yengyin hüyange Mediterranean yengching neikonpu yikeng ngoiye.

⁴⁸Hüyange kahtang yeme Shamir, Jattir, hüyange Socoh,

⁴⁹Dannah, Kiriath Sepher (tüowa Debir)

⁵⁰Anab, Eshtemoh, Anim,

⁵¹Goshen, Holon. hüyange Giloh: iman ching om-e chingnyu pen me ja.

⁵²Üne-o Arab, Dumah, Eshan,

⁵³Janim, Beth Tapuah, Aphekah,

⁵⁴Humtah, Kiriath-arba (tüowa Hebron) hüyange Zior: iman ching om-e chingnyu tu.

⁵⁵Maon, Carmel, Ziph, Juttah,

⁵⁶Jezreel, Jokdeam, Zanoah,

⁵⁷Kain, Gibeah, hüyange Timnah: iman ching om-e chingnyu pen.

⁵⁸Halhul, Beth-zur, Gedor,

⁵⁹Maarath, Bethanoth, hüyange Eltekon: iman ching om-e chingnyu wok.

⁶⁰Kiriath-baal (tüowa Kiriath-Jerim) hüyange Rabbah: iman ching om-e chingnyu ni.

⁶¹Wanwüng jengme Beth-arabah, Middin, Secacah,

⁶²Nibshan, Hüm chingnyu, hüyange En-gedi: iman ching om-e chingnyu wok.

⁶³Hüpoi Jerusalem me ngohpu Jebuslan-a Judah hayim lan-e yejang ok; tüokhei Jerusalem me Judah hayimlan phei Jebuslan tenyih ngoiye ngohnang.