Read Konyak Naga JOSHUA 16 Bible Online

JOSHUA 16 - Konyak Naga bible

JOSHUA 16

¹Joseph hayim jingne tampu Jordan Jerikho mepu onge, heongye Jerikho yengyinlan, hüke wanwüng jeng Jerikho mepu phaotang nyoi kaiye Bethel ngoiye;

²hüyange hatüo Bethel mepu Luz ngoiye, hüyange Archlan yikeng Ataroth ngoiye kaiye ong;

³tüophei me henyip yekaote tawe hatüo Japhletlan yikeng Beth-Horon üphang yikeng hüyange Gezer ngoiye tai; hüyange tüomepu taipu (Mediterranean) yengching üküm ngoiye ngoh yangki.

⁴Tüokhei Joseph hayim, Manasseh hüyange Ephraim iman mothlei ne tüopa kahmük tüoyangki.

⁵Hüyange iman noksa ityange phapu Ephraim hayim yikeng hüke ngoh yangki; heongye me iman yikeng Ataroth-addar, Beth-Horon üphang ngoiye;

⁶hüyange yikenga apyekao me Michmethath apyekao ünah me tai; hüyange yikenga heong yekao me Taanath-Shi-Loh ngoiye neikon-e ye-e Janoah heongye kaiye tai;

⁷hüyange tüowa Janoah mepu Ataroth hüyange Naarah ngoiye hüyange Jerikho ngoiye Jordan me lak.

⁸Tappuah mepu henyipye kaote Wadi Kanah yengyin ngoiye yikeng tai, hüyange tüomepu taipu Mediterranean yengching me lak. Ephraim hayim iman noksa ityange mothlei ne yahpu kahtok-a hatüo ngohnang.

⁹Manasseh hayim mothlei mepu Ephraim hayim jingne yoi yoi ne yah-e angpu chingnyulan phei jam-e iman ching phei chingnyu khongkümpu iman noksa ityange phapu Ephraim hayim mothlei tüo ngohnang.

¹⁰Hüyangpoi Gezer me ngohpu Kananlan iman-e yejang ok; tüokaiye tenyih, Kananlan Ephraim jat yo me ngohnang, hüpoi shange toi linglak jingne rha ne meng.