Read Konyak Naga JOSHUA 19 Bible Online

JOSHUA 19 - Konyak Naga bible

JOSHUA 19

¹Nishepupu meitam Simeon jingne, hüke Simeon nokphong jingne iman nyahtaplan ityange tüo; hüyange Ijing mothlei Judah nokphong mothlei yo me ngohyangki.

²Tüome tüolan jingne mothleipu hüke ngohnang: Beersheba, Sheba, Moladah,

³Hazar shual, Balah, Ezem,

⁴Eltolad, Bethul, Hormah,

⁵Ziklag, Beth Marcaboth, Hazar-Susah,

⁶Beth-Lebaoth, hüyange Sharuhen iman chingshaolan om-e chingnyulan pen me lüm.

⁷Ain, Rimmon, Ether, hüyange Ashan iman chingshaolan om-e chingnyulan peli;

⁸hüyange tüolan chingnyu neikon-e ngohpu ching khongküm Baalath-beer, hatüo heyekao Ramah ngoiye ngohyangki. Simeon jatlan nokphong I noksa itlei yange tüopu mothlei tüo ngohnang.

⁹Judahlan meitam mepu yahpuwe Simeon nokphong mothleine linge ngoh yangki; hangjingne Judah hayim mothlei iman jingne loishe ngoh yangki, tüokhei Simeon nokphong mothlei I mothlei yo me ngohyangki.

¹⁰Lüm shepupa meitam iman nokphong ityange Zebulun nyahtaplan jingne pha. Hüyange iman mothlei kahmük yikeng Sarid ngoiye ngoh yangki.

¹¹Tüophei me iman yikeng henyip yekao Maralah ngoiye taiye Dabbesheth ngoi hüyange hatüo Jokneam phin me ngohpu shaoha ngoi;

¹²hüyange heongye Sarid mepu konneye heongye Kisloth Tabor yikeng ngoiye tai; hüyange Daberath hei Japhia ngoiye ngohyangki.

¹³Hüyange tüomepu heongyekao Gath-Hepher hei Ethkazin kaiyange Rimonte tai hüyange Neah ngoiye ta.

¹⁴Apyekao yikeng Hannathon yete konne yeyange Iphtah-El kahjee me lak-e ngoh yangki;

¹⁵hüyange Kattath, Nahalal, Shimron, Idalah, hüyange Bethlehem - iman ching omme chingnyulan pen me ni.

¹⁶Iman ching omme tüolan chingnyulan iman nokphong ityange tüopu Zebulun jat mothlei ngohnang.

¹⁷Peli shepupa meitam, Issakhar hüyange Issakhar nokphong jingne iman nyahtaplan ityange pha.

¹⁸Iman yikeng Jezreel, Kesulloth, Shunem,

¹⁹Hapharaim, Shion hei Anaharath,

²⁰Rabbith, Kishion, Ebez,

²¹Remeth, En-gannim, En-Haddah, Beth-Pazzez;

²²yikenga Tabor, Shahazumah, hüyange Beth Shemesh te ngoiye pei, hüyange tüopa yikeng Jordan me üküm ngoi-iman ching omyange chingnyulan pen me wok.

²³Hatüo iman nokphong ityange tüopu iman ching phei chingnyulan, Issakhar nokphong mothlei ngohnang.

²⁴Nga shepupa meitam Asher nokphong jingne iman nyahtaplan ityange tüo.

²⁵Iman yikeng Helkath, Hali, Beten, Achshaph,

²⁶Allammelech, Amad, hüyange Mishal ngohyangki. Henyip yekaote Carmel hüyange Shihor Libnath ngoiye pei;

²⁷hüyange heong yekao Beth Dagon yete leihye yange, Zebulun apyekao Iphtah El kahjee Beth Emek, hüyange Neiel ngoi, hüyange yelakpe apyekao me Cabul,

²⁸Ebron, Rehob, Hammon, Kanah, hüke Sidon üyongpa ngoiye tai.

²⁹Hüyange meipe latyangpu Tyre chingnyu ngoiye Ramahte yikeng lüp hüyange yikenga Hosah yete lüp hüyange tüomepu taipu Achzib kahmük ü-o me Mediterranean yengching me lak-e ngohyangki;

³⁰Ummah, Aphek hüyange Rehob omme iman ching phei chingnyulan da me ni.

³¹Iman ching phei tüolan chingnyuwa Asher nyahtaplan-e nokphong ityange tüopu mothlei ngohyangki.

³²Wok shepupa meitam Naphtali nokphong jingne, hüke iman nyahtaplan ityange Naphtali hayim jingne ngoh yangki.

³³Hüyange iman yikeng Heleph Zaanannim me longkhampee, hüyange Adami Nekeb, hüyange Jabneel mepu Lakkum ngoiye ngohyangki, hüyange hatüo Jordan me lak;

³⁴hüyange yikenga henyip yekao me Aznoth Tabor te lüp, hüyange Hukkokte tai, hüyange hatüo heyekao me Zebulun henyip yekao me Asher, hüyange heongyekao me Jordan me Judah ngoiye ta.

³⁵Meipe latyangphei chingnyulan-a Ziddim, Zer, Hammath, Rakkath, Kinnereth,

³⁶Adamah, Ramah, Hazor,

³⁷Kedesh, Edrei, En Hazor,

³⁸Yiron, Migdal-el, Horem, Beth-anath, hüyange Beth Shemesh iman ching phei chingnyulan pen me tu.

³⁹Hatüowa iman ching phei tüolan chingnyulan Naphtali nyahtaplan-e iman nokphong ityange tüopu mothlei ngoh yangki.

⁴⁰Nyit shepupa meitam Dan nokphong jingne iman nyahtap ityange ngai.

⁴¹Iman mothlei yikeng hatüo ngohyangki: Zorah, Eshtaol, Ir Shemesh,

⁴²Shaalabbin, Aijalon, Ithlah,

⁴³Elon, Timnah, Ekron,

⁴⁴Eltekeh, Gibbethon, Baalath,

⁴⁵Jehud, Bene-berak, Gath Rimmon,

⁴⁶hüyange Mejarkon hei Rakkon, hüyange Joppa shaome yikeng omme.

⁴⁷Hüyange Dan hayimlan, nokphong yikeng tüolan kaiye tei, hangjingne Dan hayimlan-e taiye Leshem phei hok, hüyange hatüo omme yah hüyange iman jingne meng; hüyange tüome ngohwe iman pajeiyong Dan minleiye Leshemte Dan she nyik.

⁴⁸Iman ching phei chingnyu tüolan-a Dan nokphong iman nyahtaplan ityange tüopu mothlei ngohnang.

⁴⁹Aope iman-e mothleipu kahmük yikeng tampu showe pei, Israel kahtalan-e iman yo me Nun üha Joshuate mothleine pha.

⁵⁰Youngwanpawe ngao phapuke, iman-e Iye tongpu chingnyu Ephraim kahtang me ngohpu Timnath Serah Ite pha; hüyange Iye chingnyu linge tüome nyoi.

⁵¹Shiloh me Youngwanpa sheshao me khümjing nyenok taten shongme phongyenge mothlei lak jingne Eleazer ngengpa, hüyange Nun üha Joshua, hüyange Israel jat nokphong woipalan-e tampu mothlei-a tüolan ngohnang. Hüke iman-e kahmük tampu üküm ngoi.