Read Konyak Naga JOSHUA 21 Bible Online

JOSHUA 21 - Konyak Naga bible

JOSHUA 21

¹Hüwante Levi nyahtap woipalan Eleazer ngengpa hüyange Nun üha Joshua hüyange Israel nokphong woipalan shongte peingoi;

²hüyange Kanan kahtok Shiloh me iman-e imante i, “Ngohlak chingnyulan phei toman-e tampu yinmok jingne hahnyoi kahmük tomante phalak Youngwanpawe Mosa kaiye phayangki.”

³Tüokhei, Youngwanpa ngaokhümke, Israel kahtalan-e iman mothlei mepu tüolan chingnyu phei hahnyoi kahmük Levi nokphongte pha.

⁴Hüyange Kohathlan nokphong jingne meitam ngai, hüyange Levi nokli Aaron ngengpa hayim meitam chingnyu pen me lüm, Judah nokphong mepu, Simeon hüyange Benjamin jat mepu tüo.

⁵Hüyange towe ngohpu Kohathlan meitam chingnyu pen Ephraim jat nokphong mepu, Dan jat nokphong mepu, hüyange Manasseh nokphong tangkhüw mepu tüoyangki.

⁶Hüyange Gershon puhu meitam chingnyu pen me lüm Issakhar nokphong mepu, Asher nokphong mepu, Naphtali nokphong mepu, hüyange Bashan me Manasseh nokphong tangkhüw mepu tüo.

⁷Merarilan meitam iman nyahtaplan ityange Reuben nokphong mepu, Gad nokphong mepu, hüyange Zebulun nokphong mepu chingnyu pen me ni tüoyangki.

⁸Youngwanpawe Mosa kaiye ngaowe tampuke Israel kahtalan-e tüolan chingnyu phei hahnyoi kahmük meitam Levilante pha.

⁹Hüyange Judah nokphong mepu hüyange Simeon nokphong mepu, min iye ngohpu tüolan chingnyu pha;

¹⁰hüyange tüolan-a Kohathlan Levi nokphong, Aaron nokli jingne ngoh yangki, hangjingne iman-e üwangpa meitam tüo.

¹¹Hüyange iman-e imante Judah phaotang kahmük tüopa neikonpu hahnyoi kahmük Kiriath Arba pha, Anak (Hebron) üpa Arba ngoh yangki.

¹²Hüpoi chingnyu me kah ükolan hüyange chingshaolan iman-e Jephunneh üha Caleb jingne mengne pha.

¹³Aaron ngengpa noklite iman-e kahta toipalan jingne loching chingnyu Hebron phei tüopa hahnyoi kahmük, Libnah phei tüopa hahnyoi kahmük pha,

¹⁴Jattir phei tüopa hahnyoi kahmük, Eshtemoa phei tüopa hahnyoi kahmük,

¹⁵Holon phei tüopa hahnyoi kahmük, Debir phei tüopa hahnyoi kahmük,

¹⁶Ain phei tüopa hahnyoi kahmük, Juttah phei tüopa hahnyoi kahmük; hüyange Beth Shemesh phei tüopa hahnyoi kahmük tüolan Judah hei Simeon nokphong ni mepu chingnyu tu;

¹⁷tüophei me Benjamin nokphong mepu Gibeon phei tüopa hahnyoi kahmük, Geba phei tüopa hahnyoi kahmük,

¹⁸Anathoth phei tüopa hahnyoi kahmük, hüyange Almon phei tüopa hahnyoi chingnyu peli.

¹⁹Aaron huhayim ngengpalante chingnyu khongkümpu hahnyoi omme pen me lüm ngoh yangki.

²⁰Levilan Kohath nokphong hüke topu Kohathlan omme Ephraim jat mepu iman meitam chingnyulan tüo.

²¹Hüyange kahta toipa jingne loching chingnyu Ephraim kahtang me Shekhem phei tüopa hahnyoi kahmük, Gezer phei tüopa hahnyoi kahmük,

²²Kibzaim phei tüopa hahnyoi kahmük, hüyange Beth Horon phei tüopa hahnyoi kahmük, chingnyu peli iman-e imante pha,

²³Dan nokphong mepu Eltekeh phei tüopa hahnyoi kahmük, Gibbethon phei tüopa hahnyoi kahmük,

²⁴Aijalon phei tüopa hahnyoi kahmük, Gath Rimmon phei tüopa hahnyoi kahmük, chingnyu peli;

²⁵Manasseh tangkhüw nokphong mepu, Taanakh phei tüopa hahnyoi kahmük, hüyange Gath-Rimmon phei tüopa hahnyoi kahmük, chingnyu ni.

²⁶Topu Kohathlan chingnyu khongkümpu pen phei hahnyoi kahmük ngohyangki.

²⁷Hüyange Manasseh nokphong tangkhüw mepu chingnyu ni, kahta toipalan loching chingnyu Golan mepu Bashan hüyange tüopa hahnyoi kahmük, hüyange Beeshterah phei tüopa hahnyoi kahmük, chingnyu ni iman Gershonlan Levi nokphong te pha.

²⁸Issakhar nokphong mepu chingnyu peli Kishion phei tüopa hahnyoi kahmük, Daberath phei tüopa hahnyoi kahmük,

²⁹Jarmuth phei tüopa hahnyoi kahmük, En-gannim phei tüopa hahnyoi kahmük-chingnyu peli;

³⁰Asher nokphong mepu, Mishal phei tüopa hahnyoi kahmük, Abdon phei tüopa hahnyoi kahmük,

³¹Helkath phei tüopa hahnyoi kahmük, hüyange Rehob phei tüopa hahnyoi kahmük chingnyu peli.

³²Naphtali nokphong mepu chingnyu lüm kahta toipa loching chingnyu Galilee me Kedesh phei hahnyoi kahmük, Hammothdor phei hahnyoi kahmük, hüyange Kartan phei tüopa hahnyoi kahmük;

³³Gershon lan iman nokphong ityange tüopu chingnyu khongkümpu pen me lüm phei tüolan hahnyoi kahmük ngoh yangki.

³⁴Hüyange Merarilan nokphong, hatüowa topu Levilan te Zebulun nokphong mepu chingnyu peli, Jokneam phei tüopa hahnyoi kahmük, Kartah phei tüopa hahnyoi kahmük,

³⁵Dimnah phei tüopa hahnyoi kahmük, hüyange Nahalal phei tüopa hahnyoi kahmük chingnyu peli;

³⁶Reuben nokphong mepu Bezer phei tüopa hahnyoi kahmük, Jahaz phei tüopa hahnyoi kahmük,

³⁷Kedemoth phei tüopa hahnyoi kahmük, hüyange Mephaath phei tüopa hahnyoi kahmük, chingnyu peli.

³⁸Gad nokphong mepu Gilead mepu Ramoth phei tüopa hahnyoi kahmük, kahta toipalan jingne loching chingnyu, Mahanaim phei tüopa hahnyoi kahmük,

³⁹Heshbon phei tüopa hahnyoi kahmük, Jazeer phei tüopa hahnyoi kahmük, khongkümpu chingnyu peli.

⁴⁰Tüolan khongküm Merarilan topu Levilan nokphong iman noksalan ityange tüopu chingnyulan ngoh yangki; hüyange iman meitam chingnyu pen me ni ngoh yangki.

⁴¹Israel kahtalan meitam kahmük yo me Levilan jing chingnyulan khongkümpu deli me tet phei tüolan hahnyoi kahmük ngoh yangki.

⁴²Tüolan chingnyu phe me iman neikonpu me hahnyoi kahmük ngoh yangki; tüolan chingnyu khongküm hüke ngoh yangki.

⁴³Tüokhei iman jing pajeiyong lante lahnyik mongko puphei janpu kahtok khongküm Youngwanpawe Israel te pha, hüyange iman-e hatüo yah hüyange tüoken me ching nyoi.

⁴⁴Hüyange Iye iman pajeiyonglante janpu kih-e iman neikonpu me Youngwanpawe imante toloimei pha Youngwanpawe iman wepa kahta jawe nehoi iman sheshao me yeyong ok; iman wepa khongküm Youngwanpawe iman yak me phünne pha.

⁴⁵Youngwanpawe Israel nokphongte janpu ümeilan khongküm ja nehoi ye-okpu ye-ngetam; khongküm ütahte ngaiye peiyangki.