Read Konyak Naga 1 TIMOYHY 2 Bible Online

1 TIMOYHY 2 - Konyak Naga bible

1 TIMOYHY 2

¹Üwangne hümma-a, taowe kangnang, hüke yoppetongpu, yoppu, tongpu, hüyange minyong phapuwa kahta üshei jingne Kahwangte tonglak yang:

²ahnglan jingne hüyange ütahpa shotjing me aoyin ngoh iman jingne, hümme teman-e nyaishümpu hüyange chingmei pheipu üyin, Kahwang lepu me hüyange ülam lili me yihnoonpu me woipu oklak.

³Tüopa-a meinang, hüyange teman Yinyepa Kahwang shaome tüopa-a yah oklakpa;

⁴aowe kahta üshei yinne hüyange ütingpa shinge manpu ngene tamhu.

⁵Hangjingne Kahwang ja hei ngohnang; I hüyange kahta nipa me lüngleipa ja hei ngohnang; I kahta ngohnang, hüke Khrista Jesu.

⁶Iye üshei jingne dopu ümee ne yoi nying nyingke pha. Tüopa saki hipak khakshuwe phalak saki ngohnang;

⁷hüyange tüopa saki jingne taowe ütingme ngaonang, taowe yeleih; ütinglakpu me hüyange ngaoting me Yinhulan jingne nyüopane mengne tao konnyüopa hüyange lampu ne lepu tüoyangki.

⁸Tüokhei netanlan-e, mongshih ngaipu hüyange moppu ye-ompe, bumeinok üshei me üjao yak hongyange yopne taowe tamhu nangki.

⁹Hükih muh shekolanne mongyetom hüyange üyüomeipu phei, innenyaipu o yoi nying nyingke otüoh; otapu shangwüo, hüyange hon yejema-a toinyulong, yejema-a toinyu owe yeje,

¹⁰hüpoi Kahwang nyampu janpu sheko wangngoipu toimei o otüoh.

¹¹Shekolanne jünge innenyaiye khongküm shinge yahtüoh.

¹²Hüpoi nyüolak jingne, yejema-a netan tangme ngao ilak jingne taowe shekote yetam, hüpoi yha jünge ngohtüoh.

¹³Hangjingne üwangne Adam tüophei me Eve lingyangki;

¹⁴hüyange Adam lowe yetam, hüpoi shekonyu lowetampuwe yha ümeng me yüt.

¹⁵Hüpoi shekolan innenyaipu phei ütinglakpu hüyange kenpu hüyange üjaopa me yelakpe ngohma-a, yhawe moipaipu kaiye yinyelak.