Read Konyak Naga TITAS 2 Bible Online

TITAS 2 - Konyak Naga bible

TITAS 2

¹Hüpoi nangepa-a shemeipupa wanglamme hanghe shupu ngoh tüopa nyüotüoh.

²Jeiyonglante, kentingmongtapu, juteihphei, hüyange ütinglakpu me, kenpume, hüyange nün-okpu me wongnange ngohlak nyüotüoh.

³Nyuyonglan hüke muh, nyoingoh me wangshüm hüolak, ju popu yejema-a yu rha ne yemengpe, ümei nyüonyu ne menglak nyüotüoh;

⁴hüyange nyuyong üla lante iman netanlan hei hayimte kenlak nyüolak jingne,

⁵jaosheye noksa toime khakwangpu, yayeng shüpshepu, yoi netanpa phangme ngohlak, tüokaiye Kahwang mepu ngaote aowe-o ümeng me yengaolak jingne nyüotam tüoh.

⁶Naoshe lan-o hükemuh yoi nying nyingke tükke oklak hengtamtüoh.

⁷Nang nying nyingke shemin lamphe me toimei leppu ümei nange nyüopu me lahnyikpu, wangngoi teihpu hüotüoh;

⁸teman yete ye-ompalan-e, teman me ngaomeng ilak yenang tüowe, wüolak jingne, hüyange ye-i-yeshepe yelinglak jingne ngao ütingpa nyüotüoh.

⁹Rhapalan shemin lamphe me shemeitamlak jingne, yoi nokpu phangme hüyange üshei me iman monghahtamlak jingne,

¹⁰tei-yejanpe, hüyange teiyekuhpe teman Yinyepupa Kahwang nyüopu üshei me iman monghümpu nyüolak hengtam tüoh.

¹¹Hangjingne kahta üshei tangte yinyepu yahpeipu Kahwang shüpshe ütahte ngaiteki;

¹²Hüke shüpsheye temante Kahwang yeshingpe nyoipu hüyange kahtoknyu shangpu tüohlak jingne, hüyange yoi nying nyingke tükke okpu üyin, wangngai üyin hüyange tüopa kahtok me Kahwang ompu üyin ne nyoilak nyüowelei nang.

¹³Aope teman Kahwang üyongpa müktishiwa hüyange Yinyepa Jesu Khrista peilak ngohnang hüke teman-e monghümpu moimanpu nyih jingne tannang.

¹⁴Iye teman te ünu üshei mepu yinlak jingne, hüyange toimei me lahnyikke yoiye yahlak kahta ükhong ja yoi jingne jaoweshalak jingne, yoi nying nyingke teman jingne pha.

¹⁵Nange konngao üsheiye tüolan ngaotüoh, hüyange hengtamtüoh hüyange teeyetamtüoh. Ao te-o nang ye-i-yeshe ne tahtam.